الأربعاء، 10 مارس 2010

مبروووووووووووووووووك



 كانت البداية برؤيتنا ذلك الإعلان معلق في كليتنا ... كان عن مسابقة لعمل لوحة حائط ثقافية ...تحمسنا جميعا لأول وهلة واتفقنا على الإشتراك في تلك المسابقة ...وبدأنا بالفعل التفيذ

كان العمل مرهقا لنا في كثير من الأحيان على الرغم مما يحتوية من متعة وفائدة ... كانت القواعد أن يكون الشكل جذاب ولافت للنظر كما أن الموضوعات ينبغي أن تكون مكتوبة وليست منقولة ... بالإضافة إلى قواعد أخرى لا أذكرها حاليا ...

ما أذكره هو أول يوم اجتمعنا للعمل على تلك اللوحة ... وأذكر آراءنا المتباينة حول اسم المجلة ... وأننا نريد اختيار اسم لافت وشامل لكل موضوعاتنا ...وأذكر ضحكاتنا حين تلقى صديقتنا ذاك الاسم الطريف ... أو هذا الاسم الغريب ...

كانت الاقتراحات الأولية للاسم 
عدسة 
سفينة بلا شراع
قلم وورقة 
بنحلم بايه ؟
السلا (م/ح)........ وأتحداكم ان فهمتم دي يعني ايه .
واخيرا الاسم المنفذ
براعم ( بما اننا في سنة اولى بقى وكده )



بدأ العمل واختيار المواضيع والبحث عنها ... تضمن اللوحة موضوع ( جوزني يا بابا ) لدعاء هلال و (secret Vs Soul ) لايمان فارس ... أما الموضوعات الأخرى كانت عن الأزمة الإقتصادية ..أما الموضوع الديني كان عن هجرة الرسول ( عليه الصلاة والسلام ) والموضوع العلمي كان عن انفلونزا الخنازير ... أما الموضوع السياسي كان عن فتح وحماس ... كما اشتملت على نبذة عن المجمع ومتى أنشىء والجديد به ...


توليت تنسيق المجلة والتلوين .. ثم انتهينا وتكاملت جهودنا فى إعطاء اللمحات الأخيرة للمجلة .. فكانت رائعة الجمال 

انتظرنا كثيرا ... ثم لم نسمع عنها أى خبر حتى اليوم

علمنا أنها فازت بالمركز الثاني تقريبا 
وبمبلغ قدره 200 جنبيه ... 
ألف مبروك لينا .... تعبنا فيها والله ده غير الإحراج اللى كنا فيه وانا ماشية وجاية بالألوان واللوحة وكل الى يشوفها يسأل دي ايه .... 

الحمد لله

 :D

عارفة اني اول مرة احط اكتر من تدوينة فى وقت واحد بس الموضوع بجد يستاهل ...

8 قالوا رأيهم:

Doaa helal يقول...

مبروك لينا كلنا والله كتير تعبنا وجرينا باللوحة هنا وهناك والاولوان وحصة الهستولوجي والاخوة اللي كانوا هيموتوا ويعرفوا احنا بنعمل ايه فاكرة يا دودو ههههههههههههههه
كانت ايام لذيذه اوي والله

Alice يقول...

فعلا كانت ايام حلوة فاكرين ستة ستات وفرقة المسرح يلا ما علينا
انا فرحانة جدا انحنا فزنا الحمد لله بجد
انتى اتبهدلتى كتير فى شيل الالوان يا ضحى حقا
كان عمل جماعى حلو وروان قامت بدور كبير برضة

Rouan يقول...

ايه ده
انا لسه فاهمه دلوقتى امته النتيجه جت انتوا وحشين اوى محدش قالى من بدرى ليه؟

Doha يقول...

المهم اننا كسبنا المركز الأول
وخدت كل واحدة فنا 200 جنيه

قبل العالم الأخير يقول...

مبروووووووووووووووووك يا جماعة
200 جنيه مرة واحدة:D:D
والله كويس ان الكتابة مفيهاش كوسة والا كانت تبقى كارثة احنا دخلنا دورة كورة فى اول السنة واكتشفنا ان الكورة كمان فيها كوسة بس احنا مش هنريحهم برده

بس بجد حاجة جميلة ومبرووووووووك تانى:D

Doha يقول...

الله يبارك في حضرتك يا دكتور وان شاء الله نشجع بعض نشارك في حاجات كتيرة من دى
مادام فيها فلوس :D

miramar يقول...

مبروووووووك يا جماعه ...
فرحتلكوا والله ...
بس حلو موضوع ال 200 جنيه ده (^_^)
منا بكتب من اولى ابتدائي مخدتش ربع جنيه حتى ...
D:
ربنا يبارك فيكوا ... وان شاء الله من نجاح لنجاح ...

Alice يقول...

الله يبارك فيكى يا نشوى
شكرا

إرسال تعليق

هنا مساحة للتعبير عن رأيك بحرية ..

ازاي أنا رافع راسك وانتي بتحني في راسي ازاي ؟!

ازاي أنا رافع راسك وانتي بتحني في راسي ازاي ؟!

بحبك يا بلادي

بحبك يا بلادي

جمعة النصر : )

جمعة النصر : )

كلنا ايد واحدة

كلنا ايد واحدة