الخميس، 4 مارس 2010

الانتخابات




الانتخابات جايه و المفروض كل واحديعرف ويدرس حياه المرشحين وكمان شويه نشوف البرنامج الانتخابى بتاع كل واحد عشان بعرف هو هينتخب مين ولكن هل كل الناس تعرف يعنى ايه انتخابات رياسه تعالوا نشوف انزل الشارع المصرى عند بلد او قريه وشوف العجايب هتلاقى اللى هيقولك ايه ده رئاسه هما هيغيروا حسن شحاته؟ طبعا انت عشان متتنرفسش هتسسيبوا وهتمشى تيجى تسأل شاب زى الورد وتقول هو ده اللى هيدينى التقرير تلاقيه يقولك (يا عم رئاسه ايه وبتاع ايه خليك شاب كول وقولى هو قرش الحشيش بكام اليومين دول؟)تقولش انت مثلاالمعلم ابو دومه طبعا من ادب الحديث انك تقوله ع السعر اذاكنت عارفه وبعدين تمشى الا يرفع عليك الماطوه _تروح تسأل شاب فى التلاتينات تقول اهو ده العائل المثقف هيقولك (بص انتخابات يعنى سياسه وانا ابويا دايما يقوللى سايس الناس عشان ربنا يكرمك وامشى جنب الحيط) طبعا انا اكتر حاجه تستفزنى ان حد يقول لحد امشى جنب الحيط بحس ان احنا قطط او فران اش جاب المشى فى اللى احنا بنتكلم فيه وبعدين مكل واحد يمشى فى المكان اللى يريحه




ما علينا المهم تروح تسال ست عجوزه تقول هى دى اللى عايشه من زمان وفاهمه كل حاجه تلاقيها تقولك ( هيه هيه هيوزعوا زيت وسكرانتوا هتوزعوا امته؟)تقولش انت مثلا فاعل خير فى موسم رمضان طبعا هو حد جاب سيره الاكل دلوقتى مبدهاش انا هروح اسأل العمده هو ده المثقف الواعى اللى فاهم كل حاجه هتلاْيه يقولك(يا ابنى انا صاحب عيال الا هو بيكونوا حاطين كاميرات ومنكن يودونى فى داهيه انا مليش دعوه بحد مش صوتى يعنى هو اللى هيفرق) تقولش مثلا هوالشركه اللى استوردوا منها الكاميرات ........................لازم كل واحد يعرف ان ربنا خلقه حر وميذلش نفسه بس السؤ ال اللى نفسى اساله هى الناس دى فعلا مش عارفه حاجه ولا هم افتكروتنى مثلا من المخابرات وهنقبض ع اللى هيقول كلمه وحشه فى حق ......؟ المهم ان كل واحد يقول رايه بصراحه ومن غير خوف وطبعا من غير ما يغلط فى حد

6 قالوا رأيهم:

قبل العالم الأخير يقول...

المهم ان كل واحد يقول رايه بصراحه ومن غير خوف وطبعا من غير ما يغلط فى حد..جملة خطييييييييرة وفى الجون فعلا....لأن اللى موجود دلوقتى يا اما بينقد بالشتيمة والفوضى ياما ماشى جنب الحيط ومش فى دماغه

Doha يقول...

يخرب عقلك
على قد ما الموضوع جد على قد مفطست من الضحك ....

جميل اوي يا توحفة وفعلا هو اللى محتاجينه دلوقتي الصراحة ومن غير خوف ...وفعلا ميغلطش فى حد لان كل رئيس له محاسنه وله مساوءه ....
وفعلا في ناس معندهاش علم باي حاجة فى اى حاجة وده لكذا مشكلة بيعاني منها كل واحد من الى انتي ذكرتيهم..

المهم سيبك من ده كله
انتى رأيك ايه ؟

Rouan يقول...

انا فعلا نفسى كل واحد يقول رأيه بصراحه ومن غير خوفبس للاسف كل اللى حوالينا بيخافوا و للاسف حتى اهلى بيخافوا ومش راضين يخلونى اعمل بطاقه انتخابيه عشان اختار اللى انا عاوزاه حاجه محزنه

Rouan يقول...

واللى بيقول رأيه فعلا بيقوله بس بيغلط فى الناس اللى حواليه وعشان كده احنا فقدنا النقد البناء

Alice يقول...

جميل الموضوع يا شوجر
فعلا زى ما قلتى فى ناس متعرفشى يعنى ايه انتخابات رياسة شئ محزن ينم على الجهل و التخلف اللى فيه البلد دى

Doaa helal يقول...

تسلم الايادي يا رورو كلامك جميل جمع ما بين الجد والفكاهه بس اهم حاجة متنسيناش في الزيت والثكر
انا عن نفسي رايي ان لا احمد زويل ولا البرادعي ولااي عالم ينفع رئيس لانه عمره ما نزل شارع ولا حس المعاناه ولا يفهم في السياسة ومع احترامي للعالم احمد زويل فهو جنسيه امريكيه يعني مش مصري ده مصري علي امريكي مينفعش يمسك البلد وبالنسبه للرئيس مبارك فهو سياسته الخارجيه فيها نوع من السلبيه لس حامي البلد اما السياسه الداخليه ......
فندعي ربنا يرزق البلد بواحد من اهلها اللي مشهيغيره السلطة ولا النفوذ ولا الحاشيه اللي حواليه ويحس بينا ويطور مصر بجد

إرسال تعليق

هنا مساحة للتعبير عن رأيك بحرية ..

ازاي أنا رافع راسك وانتي بتحني في راسي ازاي ؟!

ازاي أنا رافع راسك وانتي بتحني في راسي ازاي ؟!

بحبك يا بلادي

بحبك يا بلادي

جمعة النصر : )

جمعة النصر : )

كلنا ايد واحدة

كلنا ايد واحدة