الخميس، 29 ديسمبر 2011

متفرقات :)



في كثير من الاحيان تكون النفس البشرية سر عميق ولغز كبير 

تحتار فيه لدرجة انك تفقد الامل في حله .

وفي لحظات الاكتئاب التي تنتابنا من حين لاخر خاصة تلك التي لا تعرف 

انت سببها لا اعتقد ان النفس البشرية من الممكن ان تسكن او تكتئب بدون سبب قطعا 

هناك سبب ولكنك انت -صاحب تلك النفس- لا تعرفه لان الله لم يخلق شئ بدون سبب 

ولكنه لم يمنحنا القدرة علي معرفة كل شئ .

ذلك الاحساس مؤؤلم حقا حينما تشعر ان هناك شئ ما يضغط علي صدرك لا تعلم ما 

هو ولا ما طبيعته فتراوضه وتستعطفه حتي يتركك

ولا حل له الا ان تبكي وتبكي حتي يذهب عنك هذا الشئ المزعج .

حيرة وتشتت توهان وفقدان للاحساس بالحياه وفي نفس الوقت فانت متمسك بها 

لا تريد ان تفارقها .

غريبة هي تلك الحياه مهما لاقينا منها لانزال متمسكين بها 

لا اعلم هل هو بالفعل حب في الحياة ام فقط خوف من شبح الموت .؟

هل سياتي اليوم الذي ارتاح فيه؟؟؟ سؤال يطرح نفسه في عقل كل منا في كل لحظة 

والاجابة هذه المرة معروفة وهي لا لا يمكنك ان تستريح في هذه الحياه 

فلقد خلقت في كبد كما قال المولي عز وجل اذا فهذه الحياه تعب وعناء 

ولكن لا يمنع انه يتخلل ذلك التعب لحظات من السعاده تهون علينا العناء والتعب 

فاعمل من اجل تلك اللحظات .!

الأربعاء، 14 ديسمبر 2011

لا تعودي
لا تعودي بتلك الذكرى
ببقايا عمري .. ببقايا عودي
لا تعودي
بشظايا حلم .. ودليل وجودي
لا تعودي

القي كل الذكريات
مزقي كل الورود
احرقي عبق الايام
انقذي كل العهود .. وارحلي !

ارحلي ..
كما كان المتفق
اذا دخل الخريف بيننا
فلننقذ نحن الشفق
اذا غزت الريح بيتنا
وظهر الجندي المرتزق
وهدم بمعولة عمرنا ..
فمن هذا المنطلق
احررك من الوعود
واودعك
عند هذا المفترق
ولنتفق
كما كنا يوما معا
فلنلقي بقايا الازهار
و نمزق تلك الايام
ولنبقي منها العبق 
فإنا خرجنا عن النسق
فليأت الربيع
ولتسقط اوراق الشجر
فإنا خرجنا عن النسق
نعم ..
إنا خرجنا عن النسق
وكنا من نواميس الحياة
كنا الحقيقة ذاتها
وقد فرقتنا الطرق
فالان اودعك
واحررك
من كل القيود
فارحلي
ولا تعودي 


my little blog : 

الاثنين، 5 ديسمبر 2011

A message in a bottle : you are Home






A message in a bottle , I sent to the sea
I wrote a wish ; I hope to be
your dream hero , you are queen of me
I wanna you always happy , feel & see




You are home , you are peace
you make me smile , you make me cheese
like birds singin' , just over trees
a cute fairy angel , from paradise

You are home , You are sky
you make me happy , never once cry
you teach me honesty , not to lie
promise to be mine & never say bye

You are home , you are power
you make me stronger , within an hour
you raise my soul , just over tower
you make me kind , you removed my sour

You are home , you are land
you saved your name , on my heart sand
you are my hope , you take my hand
to be a better , in my success band




Love isn't a word , love is a tear
a tear of love , always to be here
a tear of happiness , always to be near
week in love , but strong as a bear

Love isn't a speech , love is fear
fear to be away , please don't , my dear
it is a warm , when it rains , you must wear
You are life , my life , I swear





I love you , moon , Since my birth
I promise to make you safe , I can this
don' leave me , causin' my death
no one can live , without his breath !!




الثلاثاء، 25 أكتوبر 2011

سُحقاً .. !


 
قريباً جداً ستدق الثانية عشرة .. منتصف الليل .. الفوضى تتراكم حولي وتكثر بداخلي كما لو أنها استحلت المكان .. الكثير من الأعمال غير المنتهية .. لم تنتهِ بعد .. أصبت بعدوى تكرار الكلمة مرتين .. كما صار صداها يتكرر في أذني أكثر من مرتين مما صار أمراً لا يطاق أبداً أبداً .. أسمع صوت عقارب ساعتي يدق بانتظام ممل مضجر .. يشعرني برغبة في تهشيم تلك العقارب الصغيرة المجنونة التي لا تهتم سوى بإزعاجي .. الهدوء أكثر من المعتاد يصيبني بالأرق المزمن في أفكاري التي تهدأ فقط في الضجيج .. لذلك أعشق من الناس من يرغي دوماً باستمرار كثيراً دون أن يمل .. فقط لأنه يخرس صوتي ويمنحني راحة غريبة .. تجبرني ثرثرته على نسيان شكره عليها .. 

الثلاثاء، 18 أكتوبر 2011

اقتناع


الصاحب اللى متلاقيهوش وقت منت فعلا عايزه يبقى ملهوش لازمة معلش بس ده من الحالات اللى بنبقى فيها انانيين مهما كان العذر حتى لو كان بيموت .. من اسوأ الشعور اللى ممكن تحس بيه لما واحد تقله على كل حاجة بس حاجة متقولهاش فعلا بتحس بالسوء عشان كدة واحدة من اروع الكلمات لو عايز تعرف شخص متبصش على اللى بيقوله شوف هوة مقالش ايه .. نوعا ما بنحب نحافظ على صورتنا قدام الناس اللى غاليين عندنا بس ده مش تبرير .. اكتر ناس وحشين هم اللى مش بيقدروا شعور الناس مش كدة ؟ .. الكل بيتبع القاعدة مهما بان العكس الكل بيتبع القاعدة .. اظرف حاجة ان الشعارات بتختفى لما تيجى عند حاجة تخصك لكن لو حاجة خاصة بالناس التانية يبقى تظهر الشعارات حاجة مؤسفة خيبت امالى فى ناس كتير .. سنة جديدة وناس جديدة بشوفها اول مرة حاجة جميلة لما تلاقى اتنين كل واحد عمال بيهزأ فى التانى او يجيب عيوبه وانت تسمع الاتنين وتضحك على اللى بقينا فيه .. فى جملة بتقولك احسن الظن احسن من ان تسئ الظن بالاشخاص انا بقول متحطش ظن اصلا ومتكونش اى فكرة عن اى حد .. الناس بالنسبالك عاديين ولا بتحبهم ولا بتكرههم غيابهم زى حضورهم الا اصحابك طبعا

فى جملة حلوة بتقول ( كل ما نقص العقل توهم انه اوفر الناس عقلا ) جامدة

من المخاوف الدفينة لدى ان يصل الاحساس عندى حد الاعتياد فيظهر بشكل برود نتيجة تكراره .. مرة كنت بقول لواحد ان فى طالب فى الكلية مات وان دى حاجة تزعل فقال لى (وايه يعنى محنا كلنا حنموت وكل الناس بتموت ) نوعا ما صعقت من الاجابة بس ادركت انه لازم يكون سمع تلك الانباء ورأى كثير من الجثث حتى وصل لمرحلة التعود والبرود .. لا اريد ان اصلها ..انا عرفت سبب برودة الممرضات

مرة قريت ان البطلة بتحكى ان والدها كان بيجبلها حيوانات كتير كل ما يموت حيوان يجلب لها واحد تانى عشان يعودها على الفقد ايه التفكير ده!!

غريبة اوى كلمة اقتناع يعنى ايه ؟ يمكن يعنى لبس قناع الثقة على النفس وخداعها عشان يظهر منظر طبيعى من برة محدش يشك فيه ..ده جوة مشكش

نحن لا نفقد الا ما نخشى فقده وما نخشى حدوثه يحدث والاشياء التى نريد ان ننساها نتذكرها وكل يوم نصدم فى انفسنا اكثر من الآخرين

الخميس، 25 أغسطس 2011

هذه ليلتنا الأخيرة معاً ..


Drawing By Daniel F. Gerhartz

تركته يمضي .. لكن ليس قبل أن تستمتع ببعض الدفء الذي يمنحه وجوده .. ولو للحظاتٍ قصار .. 

استعدت لتلك اللحظات طوالَ سنوات .. كانت تعيد تجيزاتها لاستقباله كل مرة بنفس الطريقة .. تكرر المشهد ذاته بكل تفاصيله الدقيقة .. تبتسم في شبه استسلام للدفء الذي لم تتمكن من التخلي عنه بعد .. ولا تقوى على سدل الستار ووضع كلمة النهاية بتركه يمضي .. ويذهب في طريقه بعيداً عنها .. 

آهٍ كم كانت تكره الفقد .. وتكره أن تراه وهو يصفق ببرود لمشهد وداعٍ حزين أبى ألا تُختم حكايتها معه إلا به .. كانت تتمرد على النهاية .. وتهرب منها كلما اقتربت .. وتوهم نفسها بأن حكايتها لن تصير أبداً في عداد كان .. بل ستظل تعيشها بكل كيانها ووجدانها ومشاعرها وأحلامها .. ولن تترك أبداً للفقد فرصته في نزع الدفء منها .. أو تترك له فرصة في الرحيل .. !

السبت، 20 أغسطس 2011

مجرد سراب




أجلس كل ليلة لأستحضر روحك ...


بطقوسٍ غاية في البساطة ..... فيكفي أن أحضر قلماً وحبراً ومجموعة أوراق


وأرسمك بكلماتي كيف أشاء .... ومتى أشاء


فأجدك أمامي .... نتبادل الأحاديث ..... وتزداد ابتسامتي اتساعاً كلما رأيت تلك الابتسامة في عينيك


أحادث روحك بأسرار أنت نفسك لا تعرفها ...


أماكن ... وأشخاص .... وأوقات ....


الأربعاء، 17 أغسطس 2011

شوية تخاريف






فى قصة ظريفة على ما اذكر يعنى كان فى راجل راح لأرض الظلال فكان كل الناس ظلال فمكنش بيكلم حد عشان هم ظلال فكان وحيد .. بس نهاية القصة .. يوم النتيجة (الحمد لله جدا فضل من الله ونعمة وربنا بيستر) اللى ضايقنى يومها تصرفها .. البعد بيغير الناس .. اوحش حاجة انك لما تكون مثلا اتأذيت من حد فبتتجاهله او بتقصر معاه عشان لسه مش قادر تسامحه الناس تشوف تصرفك ده من غير ما تعرف ليه وتلومك .. بكره الناس اللى بتخش من نص الموضوع وبتحكم ويقولولك انك غلطان ولا برضه الله على الناس اللى مع كل الاطراف .. اتحكالى على حد انه كان عنده سرطان فىالكبد والسرطان وانتشر جوة وكان فى حالة متأخرة مظهرتش عليه اعراض المرض غير متأخر فالدكتور بعد فترة من الاشعة قالهم يواظب على الدوا المسكن ويفضل قاعد فى البيت محدش يحركه لغاية ما يموت وخلاص وبعديها بيومين مات انا متضايقة من الدكتور ده .. أنا لومسكت منصب ومشرفة على عدد من الدكاترة لو سمعت حد منهم بيقول الكلمة دى حخليه ميعتبهاش تانى اكيد كان اى حاجة ممكن تتعمل حتى تخفيف المه .. ولا برضه التقليد ده فغصب عنى دعيت انه ميكملش الموضوع بس حد قالى ان كل واحد له رزقه




مبحبش ارجع من نفس الطريق بس برجع من نفس الطريق




حاجة غريبة لما تلاقى حد جتله نفس الفكرة فى نفس الوقت او يظهر فى حلمك حد مكنتش بتفكر فيه




فى امتحان لعدد كبير من الدفعة بعد كام ساعة انا حاسة انى متوترة شوية ॥رغم كل شئ بس انا عايزة كل الناس تنجح ربنا معاهم




هوة المفروض ايه اللى يسود الغضب ولا الحزن مين اللى يكسب ؟





الدكتور مرة قال ان فى ناس عايشة بعد ما نص مخهم اتشال وبيعملوا كل حاجة ايه ده يعنى احنا عندنا نص مش شغال ولا ايه يعنى احنا لو استخدمناه ايه اللى حيحصل ممكن نقدر نفكر بحاجتين نفس الوقت او نخلى جزء للعبادة بيذكر ربنا والجزء التانى بيشتغل بس صاحب بالين كداب بس احنا حنكون مستوعبين الحاجتين ده احنا كدة ممكن نعيش ضعف عمرنا فى نفس المدة بس الجسم ممكن يعيق يعنى انا عايزة العب والتانى يشتغل الجسم مينفعش ينقسم عشان كدة بس مش حينفع الفكرة دى فخلينا فى موضوع واحد .. ايه التخريف ده ؟ .. بالمرة هوة انت لما تخبط ايد على ايد ثابتة بتحس بإيه بوجع الايد اللى اتضربت ولا بتأثير الضرب على الايد اللى ضربت ॥ فكرة الرابطة التساهمية اللى فى الذرات دى حاجة عبقرية بجد يا سبحان الله ايه اللى دخلها فى الموضوع ! مش مشكلة




انا مش عارفة انا اشترى كتاب ليه وانا اقدر انزله من على النت بس حقوق الطبع والنشر للمؤلف والكلام ده وحق المؤلف بس خلاص اللى حصل حصل واللكتاب اترفع بس لازم برضه الواحد لو لقى الناس بتعمل غلط ميعملش زيهم بس ده لو كان غلط اصلا




هوة فى كتاب كيف تتصرف فى المواقف الآتية اصل الواحد سعات مبيعرفش يتصرف وبرضه ياريت لو فى كتاب يوضح المفروض يكون ايه الشعور فى المواقف المختلفة




انا عايزة آخد اجازة للفرار.. اسيب مخى والافكار والذكريات اللى فيه واروح حتة تانية بس بما ان ده مستحيل يبقى مفيش فرار




وبرضه مهما تعمل مفيش فايدة







الأحد، 14 أغسطس 2011

شيع جثمان احزانك........واتل عليه الفاتحة !!!!!!



ترى كثير من الناس وهم يتحدثون عن الدنيا وقسوتها وكأنهم وحدهم فيها .... أو كأنها تركت ما بين أيديها وتفرغت لهم لتجني عليهم .... وتغدقهم عطاء الهم .... وقسوة الغم ... ورجفة الإنتظار والخوف من المجهول ..... ويصل بهم الأمر إلى تمني الموت طلباً للراحة وهرباً من تلك الأحزان .... ضامنين أنه السبيل الوحيد للراحة وأنه الآمر الناهي فى برارى الحزن ...


إن كان هناك من نصيحة أقدمها للناس فهى " شيع جثمان أحزانك ..... واتل عليه الفاتحة "

الخميس، 28 يوليو 2011

لتر من الدموع


يومييها الجو كان بيمطر جااامد قوي . و أنا عمري ما حبيت الهدوم الشتوي أبدا ... دايما ببقى مصيفة حتى في عز البرد

طبعا واصلة الكورس متأخر
قعدت ورا و ملقتش مكان قدام ... بنهج طبعا لأني كنت بجري تقريبا على ما وصلت ... شوية كده على ما استوعبت الحصة كانت بتتكلم عن ايه
كان فسيولوجي
( الحمد لله اني لحقت الحصة و الا مكنتش اتعلمت درس بعتبره من أهم الدروس اللي اتعلمتها )
الدرس ... سيريبيلم ( أصر على استخدام اللغة الانجليزية بالعربي مهو مجاتش على الفرانكو يعني )
فيما معناه المخيخ

الأربعاء، 27 يوليو 2011

امل لا يموت



ايام امتحانات العملى اشتريت كتاب ولا رواية اسمها امل لا يموت انا استغربت الاسم فاشتريتها على اساس اضحك على نفسى بعد كدة انى اشتريت حاجة ليها الاسم ده .. قلت اقراها وياريتها حاجة رومانسية ابتدى بيها الاجازة لقيت اللى مألفها واحدة كاتبة امريكية فقلت يا مسهل لقيت البطلة اسمها آمال من فلسطين طلع الكتاب عن المأساة اللى عاشتها فلسطين بتحكى عن فلسطين فى وقت اواخر الاربعينات واوائل الخمسينات

الأحد، 24 يوليو 2011

تخاريف



عارفين ان المانيا خسرت فى الحرب العالمية الاولى بعد ما كنت مبهدلة بريطانيا وفرنسا وبعدت الاتحاد السوفيتى بس اصابها الضعف رجالة كتير ماتوا كان اى حد قادر على القتال بياخدوه لغاية متبقاش غير النساء والاطفال والشيوخ فى المانيا فاتشال اللى كان بيحكم المانيا وقتها والمانيا قالت نعمل هدنة ونوقف الحرب فمضت على معاهدة المعروفة انها الاكثر اذلالا فى التاريخ عشان الى كان فيها اعتراف المانيا أنها السبب فى الحرب ودفع كل التكاليف للدول المعادية وحاجات كتير اذلال المهم من ده كله ان المعاهدة دى اتمضت فى عربة قطار نفس عربة القطار اللى بعديها بعشرين سنة المانيا مضت فيها معاهدة وهى منتصرةعلى دول كانت معادية ليه فى الحرب العالمية الاولى بقيادة هتلر حاجة غريبة .. بحس ان كل حاجة وحشة الواحد بيعملها بترجعله واحد ظلم واحد حييجى واحد ويظلمه واحد عسر سير امور لواحد بييجى واحد ويوقفله اموره عاجلا ام آجلا بس الحكاية دى بتحصل كأن الواحد بيخرج منه سهم راسه بترجعله واحد كان عاق لوالديه عياله طلعوا كدة برضه معاه فهى يعنى مسألة دين ولازم يتسدد مهما بعد الوقت لازم حيتسدد ووقتها يفتكر اللى كان بيعمله ويحس بالندم بس خلاص فات الوقت للتصحيح ودلوقتى وقت الدفع

الاثنين، 11 يوليو 2011

حتماً هناك غد أفضل !




على صدر أمها وضعت رأسها في اطمئنان .. وارتخت جفونها المتعبة .. شعرت ببعض الراحة وهدأت إثر ذلك الحنان الدافئ .. التفت حولها ذراعان ألفت ضمتهما الوديعة القلقة .. شعرت بأنفاس أمها الدافئة المتسارعة .. أحست بما يدور في خلدها من أفكار .. وسمعت نبض قلبها الملهوف الخائف .. رأت في عينيها ما يشبه دموعاً متماسكة .. وفي وجهها محاولات مستميتة لإخفاء الحزن .. حين شعرت أن صدر أمها لم يعد هو أيضاً مكاناً آمناً لترتاح فيه من عناء العالم وصراعه المستمر معها .. قبلت يد أمها في حنان وقالت بصوت هادئ .. " أنا بخير " .. وانفلتت من تلك الذراعان وهي لا تعرف إلى أين ستذهب بعد أن تمكن اضطراب العالم من التسلل أيضاً إلى ملاذها الوحيد .. ملاذها الآمن !


الأحد، 5 يونيو 2011

Under the tears of A Clown

under the tears of a clown


under the tears of clown
lies a bitter soul
hangs to life by a thread
never sees the dawn


under the tears of a clown
lies a lost dream
ages by time
failed to be achieved

الخميس، 2 يونيو 2011

Leaving



نقف متحمسين أمام اللعبة .. نراقب الأطفال مدهوشين وهم يمرحون .. نمني أنفسنا بأننا سنكون على مقربة من تلك الفرحة أيضاً بعد بضع ثوانٍ .. ننتظر بشغف وعجلة .. نترقب ذلك العامل حين يفتح الباب وندخل .. ونراه يقترب .. يفتح ذلك الباب الحديدي الملون .. تتركه أيدينا بعد انتهاء الإنتظار .. ثم نهرع إلى الداخل !

تختار كل منا عربة بلونها المفضل .. أختار تلك التي أمامي ولا أهتم كثيراً للون .. أجلس فيها وتبدأ رحلة ترقب أخرى لبدء اللعبة .. أنظر حولي حيث اتخذ الجميع أماكنهم .. أبتسم لكل واحدة كي تحذر من صدماتي المفاجئة ... فتلك اللعبة لا تحلو سوى بالصدام .. وحين تبدأ اللعبة .. أنطلق .. ولا أذكر بعدها شئ !

لا أفيق إلا على شعور مضطرب .. خليط من الحزن وبقايا المرح .. من التمنى والإستسلام ..
تبدأ العربات تبطؤ سرعتها .. حينها أعرف أن زمن اللعبة انتهى ..
حينها أترجل من تلك السيارة الصغيرة الصفراء .. و أتركها خلفي وأمضي .. وقد نسيت ما قد أثاره المرح بداخلي ..
ولا آبه سوي بذلك الشعور ..
أن علىّ أن أكمل الطريق .. تاركة خلفي شئ محبب .. لا يمكنني أن أستبقيه إلى الأبد !

الاثنين، 30 مايو 2011

دموع على الطرقات



دمعتان حبيستان .. يسقطان فى هدوء على الطرقات ..  فيلقيان مصرعهم بأقدام آخرين لم ينتبهوا لتلك الدمعتان الضعيفتان أو ربما انتبهوا و لم يكترثوا .. الدمعتان و هى وحدهما على الطريق وكأن الطريق قد أصبح طويلا اليوم ! .. و هى تسابق خطواتها لترتمى فى تلك الزاوية من الحجرة وتحتضن ذلك الحائط الذى يحمل همومها و يشهد على كل لحظة صادقة تقضيها مع نفسها .. تهرول إلى هناك و هى تعلم أنه وحده ذلك الحائط هو الذى سيفهمها .. وهو الوحيد الذى تستطيع أن تخرج دمعاتها أمامه .. فتبكى و تبكى حتى تنقطع أنفاسها و  تعلن راية الاستسلام .. فتختتم ذلك المشهد الحزين بأن تنحدر من عينيها الغائبتين دمعة النهاية .. ثم تهدأ نفسها قليلا و تحاول أن تمضى فى حياتها .. ربما هو أقرب لما يحدث فى الأفلام عندما تبكى البطلة لموت البطل ..  و ينتهى المشهد بالتركيز على وجه البطلة و قد ملأه الدموع .. فيبدأ الحضور بالتصفيق لها فدائما ما نحب ذلك النوع من الأفلام الذى يحمل كما كبيرا من العواطف .. وقد انتهى المشهد  لكنه لم ينتهى بداخلها فقد خلف وراءه ذكرى أبدية ..  فتجفف البطلة دمعاتها و ترسم على وجهها ابتسامة زائفة و تبدأ فى تحضير المشهد التالى  .. !

الخميس، 19 مايو 2011

إنكسار روح



تغرب الشمس فى بحر الظلمات ويختفى النور وراء ستار السحاب فى معركته الأزليه ضد الظلام .. تدرك جيدا أنه كلما إشتدت الظلام فإن النور آت لا محاله متحديا بئر العتمه داخلنا .. متحديا شتات روح منكسره أبت للحياه سبيلا وأصبحت لا تدرك طريقها الأصلى ما بين موت وحياه فها هى تجمع ما تبقى منها فى طريق الموت منكسره ذليله لعلها تجد من القبر فى وحشته وسكونه ملاذها ومؤنسها الأخير .
فها هى تلك الروح قد بدأت مساعيها فى الربط بين ذكريات ماض بعيد وأحداث واقع مختلف بدايته حزن عميق وأخره ألم لا يحتمل على أمل ظهورها كمجرد كلمات من نور ترمم ما تبقى من بسمه هزيله فى وقت الضحى
فتعمق الحزن داخلها أصبح كأشباح ظلام مخيفه تتراقص على أنغام الصمت متحديا صرخاتها الذاتيه ودموعها الساكنه ومحطما كل ما كان جميلا يوما ما فتتعالا صرخاتها ويزداد حزن ذاتها إيلاما وتعذيبا لها بتلك الإنفعالات الساديه 

فهل من مجيب ؟؟؟ ولن تجد إجابه سوى صوت الصدى المتراكم يوما بعد يوم .. نعم هى تدرك الأن أنها من زادت من قوه الصدى بتكاسلها وإبتعادها عن طريقها السليم وأنها هى من أدخلت نفسها فى متاهات عالم مواز صنعته بفكرها وطريقتها الحياتيه وأوجدت فيه نفس الإشخاص نفس الملامح نفس الإنفعالات .. ذكريات حب أوجدته الصدف ونمته الأيام والليالى ونفس المشاكل اليوميه ونظرت إليها بالنظرات الغروريه .. نعم هى لم تحسن التعامل معهم .. نعم هى من صنعت هذا العالم لتشبع رغبتها التحكميه الإنفراديه بعالم خيالى لتوهم نفسها بقوتها وعزتها غير مدركة أنها ذليله مكسوره حطمت أخر معانى الكبرياء والعزه
فهل ستعود أم تبقى حبيسه ؟! 

الإجابه تعود إلى صاحبها !!!!

الجمعة، 13 مايو 2011

أن تكون شخصاً آخر !



من منا لم يتمني يوما ان لو لم يكن هو ؟ بالطبع جميعنا تمني ذلك وهنا ياتي السؤال الاكثر واقعية
كم مرة تمنيت ان لو لم تكن انت ؟؟؟ اممم اعتقد ان السؤال غير مفهوم السؤال بمعني
كم مرة تمنيت ان تكون مكان احدهم لتعرف كيف ينظر اليك ؟؟
لانه ليس من السهل ان تذهب الي احدهم ل تخبره برغبتك في معرفة كيف ينظر اليك !!
كم مرة تمنيت انت كولد لو كنت مكان اي من تلك البنات لتعلم كيف تراك وهل من الممكن ان تكون
فارس احلامها ؟؟
وكم تمنيني انتي ان تكوني مكان احدهم لتعرفي كيف ينظر اليك الشباب وهل انت بمواصفاة فتاه احلام
احد منهم ذلك بالطبع لا ينقص من ثقة ايكم بنفسه شئ
كم تمنيت ان تكون مكان احدهم لتعرف بم يشعر؟؟
كم مرة رأيت اثنين ينعمان بحياة هادئة مستقرة وتمنيت ان تكون مكان احدهم لتجرب ذلك الاحساس
وتكتشف هل هو شعور حقيقي ام مزيف؟
بالطبع ذلك الامر مستحيل ان تصبح شخص اخر غير الذي انت عليه ولذا مسألة كيف يراك الناس

الخميس، 28 أبريل 2011

يقطع البتنجان وسنينه


البتنجان ... 
البتنجان هو خضار لونه إسود وليه قشره خضراء اللون من فوق ممكن يتسلق ويتحمر ممكن يتعمل بالبشامل ممكن يبقى بابا غنوج أو مسقعه .. بس فى الحقيقه أنا لم أقصد هذا النوع من البتنجان .. أنا أقصد بتنجان من نوع أخر تماما .. بتنجان كلنا بننتنجن فيه ونبقى عباره عن كائنات بتنجانيه رباعيه الأطراف غبيه .. !

عارف إن المقدمه غربيه .. أنا حتكلم عن العلاقات البشريه وطبيعتها وتداخلها .. و أه مهندس البتنجان الأعظم - الحب- ..
أى علاقه فى العالم أكيد بتتكون ما بين شخصين ؛ راجل وست ، راجل وراجل ، ست وست .. المهم إنهم إتنين .. مهوا الواحد مينفعشى يعمل علاقه لوحده إلا لو كان إنسان psychic أو إنك تكون توم هانكس فى cast away .. وفعلا من رحمه ربنا بينا هو وجود هذا النوع من العلاقات لإنك مهما كنت من إنسان منطوى أوى تقدر تعيش لوحدك وتعتمد على نفسك من الناحيه النفسيه مش حتقدر تعيش لوحدك .. وهيا دى سنه الكون .. يعنى مثلا لو كان سيدنا أدم نزل الأرض لوحده بدون أمنا حواء هل تعتقدوا إنوا كان حيصمد يوم واحد بدون شريك ؟! بغض النظر عن الناحيه الغرائزيه للإنسان – حنتكلم عليها بعد كده؟!  معتقدشى ! لإن هيا دى طبيعه الإنسان اللى بتختلف من واحد للتانى والمسأله مسأله فروقات بشريه للتحمل والتعامل مع الغير .. حتى وإن إعتقدت إنك قادر على تسيير حياتك بدون أى علاقات من أى نوع فأكيد حتكتشف فى لحظه معينه إن حياتك عباره عن زى با بيقولوا كده بره Fast forwarding through the life من غير ما توصل لحاجه فى النهايه..

الاثنين، 25 أبريل 2011

Dreams



Did you ask yourself before why we dream ?, what the dream is ?, if we control our dreams ? .and why we feel sometimes that we are falling and suddenly we wake up , our heart beating rapidly ?!!

I don’t know why some people consider that talking about dreams is a type of madness and a lot of us don’t care about this matter and are convinced that it is one of secrets that is in an island away from where we exist and impossible to be conquered.
It is not true as our dreams occur in our heads, may be in small lobe or in a cell but anyway it is in our deeper world 
..

الأحد، 24 أبريل 2011

فكره



يوميا ما نتعرض لتجارب منها المفرح وكثيرها المؤلم والغريب إن من منطلق إن كل البشرية سواء بس فى بعض الإختلافات الفرديه اللى منها نقدر نقول عليها من صنع إلهى ومنها المكتسب تحت منطلق "مفيش حد بيتعلم بالساهل واللى مربهوش أبوه وأمه تربيه الأيام والليالى"
أمر طبيعى إننا نتعرض لتجارب يوميه ويكون تأثيرها مختلف فيه ممكن اللى يسبب جرح وينتظر الشخص فتره طويله فى محاوله آمله لتخفيف أثار الألم ده .. وينتظر وينسى ولكن فى المقابل يخسر الكثير من حياته .. والبعض لا ينتظر من الزمن شئ ليفعل ما يرام صائبا فينجح أو بمعنى آخر غالباً ما ينجح

فالحياه تجارب

السبت، 9 أبريل 2011

a Storybook





A star light , a star bright
first star I see tonight
I wish I may , I wish I might
have to wish ; I wish tonight


I wish I can say to you
how much do I love you
I wish I be your own dream
I love you , I can scream



I lived years , an age ever
but you know !, I don't never
I saw you , then I born
loving you sets by a shiver



when I see you , I feel better

as a fish in sea , a bird through jungle
and don't know what kind you ?!!
are you a human or an angle ?!!


I'll record my life in storybook
a happy new life , in love , a story , look !!
everyday I love you , can speak a loud
& voice reaches high , breaks a rock


a life book ends , a storybook starts
goodbye sadness , welcome happy lasts
found soul , and soul relieve
no sad more , try happy fasts



here is the book , you are the line
you are the sun , you are the shine

you make me good , make me fine
I have a world , you are mine



here is the book , you are the queen
you are the moon , you have been
you make me alive , make me free
you make me strong , make me seen



you are the story , you are life
I am with you , younger than five
you are the book , you are the world
God blesses you , dear , my wife




الجمعة، 8 أبريل 2011

بس بشرط .. !



" بس بشرط " .. تبدو الجملة عادية وغير غريبة على الإطلاق .. لكنها صارت غريبة بفضل ما أتى بعدها من حديث من الآنسة ( ش ) على الأخص ! .. 

كانت الآنسة ( ش ) تتحدث عن مواصفات زوج المستقبل الذي ستنوي قبوله .. وفوجئنا بجملة ( بس بشرط .. ) في المنتصف .. وانتظرنا الشرط الذي عادة لا يتجاوز أن يكون الشاب مهذبا حسن الخلق طيب الطباع أليف .. أو ربما تصل إلى علو تكاليف الزواج أو الرغبة في بناء العش سويا دون تدخل من أحد .. لكن الآنسة ( ش ) فاجأت الكل بقولها شرط عجيب جدا .. وهو أن يكون المتقدم لطلب إيدها - المصونة - .. ( خبــــــــــاز ) .. أو ( عنده مخبز بيبع كوراسون .. ) !

الأربعاء، 6 أبريل 2011

القرار



الآن
و بعد طول انتظار
بعد أيام من الحب
و ليال من الشوق
بعد خيالات من الانكار
و آهات من الحيرة
حبيبتي٬٬إني اتخذت القرار


..

الاثنين، 4 أبريل 2011

يع .... يع (2)

 
يععععع تاااااااااااااااااااااااااااني
بالطبع بعد أن كتبت أول موضوع تخيلت أن اليع قليل ولكن اكتشفت أن الأمر متفاقم جداً وأن المجتمع كله يععع
ولكني ساركز علي يع الشخصيات فهو أكثر شئ نعاني منه لأننا نقابله كل يوم

وشخصية اليوم معظمها يخص البنات وبها جزء صغير للشباب

الأحد، 3 أبريل 2011

أدينا بندردش ..... اضحك لها تضحكلك . اضحك لها من قلبك

يااااااه بقالي كتير مكتبتش حاجة
يمكن عشان عيني بتوجعني لما أركز قوي .. ينطبق ده على المذاكرة برضه طبعا
و لا يمكن كسل
و لا يمكن عشان أنا عارفة نفسي هنافق زي الإعلام اليومين دول و أقول كلام مش جوايا
طول عمري بكتب في ملخص المواضيع التالية
تفائل
ابتسم
الثقة بالنفس
و غلاوتنا عندك ما تزعل
عيش .. حب الناس و عيش

السبت، 2 أبريل 2011

قصة فتاة



فتاة فى الخامسة عشر من العمر قررت أن تجعل همها الأكبر هو رضا ربها و عاهدت نفسها ألا تتخلى عن الزى الذى يجعلها تفخر أمام ربها و أن يلازمها حتى الممات و قد بقيت على هذا العهد لمدة عامين متواصلين .. تلك الفتاة أعرفها جيداً ! .. لكن فى لحظة غامضة تلاشت رويداً رويداً حتى اختفت و لم أعد أعرفها .. عجيب أمر الإنسان يتخلى فى ثوان عن عهد قد قطعه على نفسه من أجل أشياء تافهه و شهوات منتهية ..

الخميس، 31 مارس 2011

أنا حر



لحظة صمت .. لحظة هدوء .. لحظة إستجماع .. كلها مجرد لحظات أخدع بها حالي المنكسر فى طريق مظلم صنعته أهوائى ووضعت كل تفاصيله بمشاعرى المتزينه بوشاح السواد .. أنى لها الآن الظهور خالعة لباس الصمت المؤلم تتحدى النور المنتظر الباحث أنا عنه فى طريق وصفه السهل ســـــــــواد وظلام تتمنى الموت بدلاً عنه .. سمِّه ما شئت فهذا شأنك .. أما أنا فقد نعته بأقذع الأسماء أندم يوماً عندما أدخلت نفسى فيه فلا أدرى الآن من أنا .. أأنا كائن حى أم مجرد جسم اشتاق إليه النور ؟!

ظلام .. كل ما أراه ظلام يقبض على أنفاسى الخائفة كل ليلة يخيفنى ويرهبنى برهبته .. إدعونى مريضاً نفسياً أو حتى مجنون .. ولكنى أخاف منه .. أخاف من قسوته .. لا أدرى لماذا يعذبنى بسياط قاسيه وسواداً يظهر ما فى عينى اليضاوتين من خوف ورعب .. سواداً يظهر ما فى قلبى من ظلم وكره وخوف وحقد .. سواداً أمثله بجبروت ملك لا يرحم ولا يعرف للشفقه سبيلاً ..

فها أنا أرى ظلاماً ينبض بأنفاس هوى بين شاب وتلك الفتاه الجميلة وظلام إنسان كئيب نسى الإبتسامة العذبة وظلام ضحكة حمقاء لا تدرى من ورائها الحب والطيبة أم الحقد والسخرية .. وظلام غرفتى فى ليل أجتاحه بتأملى وهدوئى وكرهه لي لمجرد رغبتى فى البقاء مستيقظا مستمتعا بهدوء طال إنتظاره من يوم طويل لا أعرف له تفاصيل مملة لم أعد أهتم بها لتكرارها
فيهطل الليل ويبدأ معه عنائى ووحدتى أنتظر من ينتشلنى من هذا الهول أنتظر من يأتنى بنور الهدى ويدلنى على طريق أسلكه بفكرى ومشاعرى بعيداً عن كل تلك المشاكل والأفكار السوداويه فأنا لن أبقى حياتى فيها طويلاً ..... فأنا حر

31-3-2011

الأربعاء، 30 مارس 2011

واتارى الدنيا مش حلوة كلها مش زى الافلام اللى هو بيحب يخشها


انا بكره الافلام الرومانسية بجد اول حاجة عشان تتفرج على فيلم رومانسى لازم تعمل طقوس معينة تتفرج لوحدك فى اودة ضلمة وتقفل على نفسك الباب عشان لما عينيك بتدمع ممكن دمعة خبيثة تهرب على خدك ( ده بغض النظر عن الناس اللى بتعيط بس خلينا فى الوسط ان العين تدمع بس ) تانى حاجة بعد مبيخلص الفيلم تتنهد فى حسرة وتقول مفيش حب بيقى بالشكل ده وبعد كدة آخر مرحلة حتفكر تانى وحتلاقى ان الكلام اللى فى الافلام ده حرام مخالف للدين .. الشعور فى القلب تقريبا عادى لكن اللى بيحصل فى الافلام لأ مش عادى حتى النظرة حرام .. انا بكره الافلام دى

النهاردة تقريبا مسكوا حرامية فى شارع البحر فقعدنا نتكلم ان يعنى اللى بيسرق تلاقى ظروفه هى اللى دفعته لكدة بس هوة برضه قدامه الاختيار انه ميسرقش احنا لو كنا بنطبق شرع ربنا وكان اللى بيسرق بيتقطع ايده مكنش حد حيسرق الا بعد ما يكون فكر الف مرة قطع الايد دى بجد حاجة صعبة وبعد كدة اتكلمنا عن الزكاة ان لو كل الناس دفعت زكاتها مكنش حد حيبقى فقير يبقى اكيد ناس كتير مبتدفعش فتبقوا يا جماعة تسألوا كل واحد يسأل عيلته وقرايبه ولو ليه اخ بيشتغل بيعمل زكاته ولا لأ كدة .. انا فاكرة مرة سألت واحدة سؤال غبى فعلا لما كنا بنتكلم على فلوس حسنى مبارك لما كانوا بيقولوا انها خمسين مليار دولار سألتها هوة بيدفع الزكاة على الفلوس ولا لأ ؟ قالتلى دى فلوس مسروقة هى للفلوس المسروقة زكاة .. عامة الفلوس دى لازم ترجع ميكونش فى ناس بتاكل من الزبالة والمليارات كدة متاخدة من دمهم عشان ده طلع حسابات فلوس كتير كان فى برنامج الطبعة الاولى حسب لو اتقسمت فلوس عيلة مبارك على الشعب كل اسرة حتاخد ربع مليون جنيه .. انا نوعا ما حاسة بالاحباط من الحال فى مصر ده مش معناه ان انا ندمانة على الثورة لأ الثورة دى كانت لازم تحصل من زمان والفوضى زى مالناس بتقول امر طبيعى بعد اى ثورة بس لسه فى ناس كتير متحاكموش والضباط اللى كانوا بينادوا ان محمود وجدى يرجع انا مش عارفة اقول ايه عليهم واللى حصل فى الجامعة .. شوفتوا الامير بتاع السعودية الكلام ده كان من مدة لما كان بيهدى الناس فى دولته حد سمع قراراته صرف مكافأة شهرين لكل الموظفين وصرف قد ايه لمين وصرف مرتب شهرى للعاطل وبناء مساكن ومش عارفة ايه حل كل المشاكل بالفلوس .. الناس اللى اكبر اللى بيقولوا احنا جيل ملوش لازمة والشباب بيستغربوا هم ليه معملوش ثورة لازم نعذرهم مكنش فى وسيلة للتجمع ما بينهم مكنش عندهم فيس انا بتكلم بجد يعنى الناس مكنتش متواصلة بس مادام الحكاية كدة ازاى اتعملت ثورة 1919 تلاقى عشان كان ليها قائد هوة اللى وحد الناس

حاجة غريبة لما تلاقى نسخة طبق الاصل من حاجة انت شفتها قبل كدة وبتحتار تعرف مين الاصل ومين الصورة على فكرة الحكاية دى مش شرط باللى شوفته الاول يكون هو الاصل .. انا بكره التقليد حاجة اجنية يعملوا منها نسخة عربية حتى نفس الخلفية وتخيلوا بقى نسخة مقلدة من النسخة العربية اللى اتعملت يعنى تقليد التقليد بس عامة التقليد احسن من ناس مبتعملش حاجة خالص

عيد الام اللى فات ولا اسمه يوم الام ده تلاقى امهات الناس اللى ماتوا كانوا زعلانين .. انا بكره اغنية يا بلادى يا بلادى انا بحبك يا بلادى بكرهها




يع .... يع




 يـــــع
العنوان ينم علي أن الموضوع مقزز مثير للإشمئزاز .. بالفعل هو كذلك
بعض الشخصيات تثير اشمئزازي وتجعلني أقول ( يع )
أتمني ألا تكون عزيزي القارئ من تلك الشخصيات !

هذه المرة الشخصية المقززة هي تلك الشخصية التي تحكم بالمظاهر .. تلك الشخصية التي تتخذ من مظهر الإنسان دليلاً علي كل صفاته .. بالطبع لا أقصد مظهره كملابسه أو كأناقته لأن هذه الأشياء في بعض الأحيان تجعلك تكون فكرة مبدأية عن  تلك الشخصية التي سوف تتعامل معها

لكني أقصد تلك الشخصية التي تجعل مما خلق الله ومما لانملك  تغييره أو تعديله دليلا علي الشخصية
ومثال لتلك الشخصية هي حينما يرغب أحدهم في اختيار شريكة حياته فإنه يبحث أولاً
عن البيضاء الشقراء ذات العيون الملونة والخدود الحمراء .. لايهم هل هي مناسبة أم لا
بالطبع لا يمكن أن أحرم أحدهم من أنه يحب الجمال  ولكنه ليس الأساس

تلك الشخصية التي إذا رأت احداهن ممن لم يمن الله عليهن بالجمال ( مع أنه في رأيي أن الجمال
أمر نسبي من شخص لآخر ) حكمت عليها أنها غير مناسبة لتكون مثلاً صديقتها أو أن تتحدث معها

أكره دائما أن تعيب إحداهن في أختها لمجرد أن خلقتها التي خلقها بها الله لا تعجبها
أكره كلمات ( دي  سودا ووحشة دي مناخيرها كبيرة دي عينها قافلة وصغيره دي بقها كبير أوي
دي عاملة  شبه القرد ) وغير ذلك من الكلمات المستفزة !!

لا أقول أني ملاك وأني لا أغتاب أحد من الممكن في وقفاتنا أن نتحدث علي إحداهن ولكن يكون التعليق
علي شوز .. شنطة ... أو ميك آب أوووووفر .. لكننا لا نتطرق أن نعيب فيما خلق الله
لأننا بذلك نعيب الخالق وليس الخلق

أخيراً إذا كنت من تلك الشخصيات لا سمح الله أو تعرف أحد من تلك الشخصيات فأخبره أنه خاسر
فإن جمال القلوب يفوق بكثير جمال الوجوه وأن الله خلقنا جميعا في أحسن صورنا فلا يمكن أن تتخيل
نفسك بأنف غيرك ولا بعين غيرك إذ أنت في أبهي وأجمل صورك

افتخر وافتخري يامن ظلمكم الغير بقول أنت أو أنتِ غير  جميلة أنكم في أحسن تقويم وأن الله يحبك كما أنتِ
فلا تنجري وراء رخيص الكلام وثقي بنفسك وبخلقة ربك .. 


ازاي أنا رافع راسك وانتي بتحني في راسي ازاي ؟!

ازاي أنا رافع راسك وانتي بتحني في راسي ازاي ؟!

بحبك يا بلادي

بحبك يا بلادي

جمعة النصر : )

جمعة النصر : )

كلنا ايد واحدة

كلنا ايد واحدة