الأربعاء، 10 مارس 2010

المعركة ....... The battle


المعركة 

تواردت تلك الكلمة على ذهني اليوم ... مع كثير من مشاهد القتال والبطولة ... وكثير من مشاهد الإنكسار والهزيمة .... مع أصوات ومؤثرات صوتية رائعة ... وأنا أتمتع بملحمة بطولية للمجد والحرية كتلك التي اعتدت مشاهدتها في الأفلام الأمريكية ... نعم بالفعل ...انها المعركة ..


كنت في كورس تلك المادة حيث ندرس علم التشريح بعد علم وظائف الأعضاء ... لا يمكنني أن أنكر بأن علم التشريح علم رائع يدفعك إلى أن تقول ( سبحان الله ) في كل خطوة تخطوها في بحر هذا العلم . لكنه يبدو مملا في كثير من الأحيان ... غير أنه يجلب النعاس ... وما أروع نعاس الـ Anayomy فهو يختلف عن أى نعاس آخر ...

الغريب في الأمر أني لم أعش تلك المعركة الأسطورية المذكورة أعلاه في فترة نعاسي ... لكنها كانت في فترة يقظة وتنبه لما كان يقوله أستاذنا المبجل ... (د/ سامح )

المهم ان د/ سامح كان بيقولنا اننا هناخد حصة اضافية يوم الاحد او الجمعة او في يوم تاني مش فاكرة بالظبط .. بس اللى فاكراه هو الخبر الجميل بإن العملى هنبدأ ناخده من الأسبوع الجاى وان شاء الله كمان ان النتيجة بتاعة امتحانات ال20 في المية هتتعلق قريب وان امتحانات العملى هتبدأ يوم 20 شهر أربعة واختتمت هذه الملحمة من الأنباء السارة بوفاة شيخ الأزهر طنطاوي رحمه الله .

طبعا كله قعد يلطم والبنات بدأو في شد الشعر من دلوقتي ... وساعتها عرفت اننا داخلين معركة ...اه معركة مع الكتاب ... يانذاكر في الوقت ده ونتعب ومننامش ونبذل مجهود ونموت نفسنا من الدح عشان نعرف نكون حاجة ونثبت وجودنا في كلية طريقتها فى التدريس عقيمة ونثبت ان احنا ناس بتفهم وجيل صح هيعالج صح ويفيد بلده .... ياما هنطير على جزيرة هاواى وعيش يا معلم بلا مذاكرة بلا وجع قلب انا كويس عليا مقبول .

ايه رأيكوا ؟ معايا في المعركة ولا ناويين تطيروا على هاواي ؟


7 قالوا رأيهم:

Unknown يقول...

هاواى :D .... ربنا معاكم

Unknown يقول...
أزال المؤلف هذا التعليق.
Think Pink يقول...

عيب تسألى السؤال ده يا دودو
اكيد الاجابه معروفه من غير ما اقول

Alice يقول...

حلوة استاذنا المبجل د سامح نبقى نقوله يا استاذ
تبقى تفكرينى نقول لكل الناس ان العملى حيبتدى علشان اللى مبيخدوش كورس انتومى كانوا عايزين ياخدوا عملى
من اول 21 منه ان شاء الله لازم كلنا نبعد شويه عن المدونة او اى حاجة تانية علشان نركز
بخصوص السؤال انا مبعرفشى اطير

Doaa helal يقول...

انا هروح كوم الشقافة مش هاواي ههههههههههه قال هاواي قال
بس حلوة حته الاستاذ دي يا بت يا دودو تسلملي ها العيون والايادي

Doha يقول...

هو انا كاتبة الموضوع عشان تقولولي تسلملي ها العيون وحلوة الاستاذ يا بت منك ليها عاوزين نذاكر هتذاكروا معايا ولا ايه ؟

قبل العالم الأخير يقول...

دكتور سامح :D:D والله راجل جامد ههههههه وكلنا مشتاقين له فى العملى
وطبعا احنا داخلين المعركة كده كده فيبقى نعمل اى حاجة بدل ما نطظبط وربنا هيسهل المهم النية:D

إرسال تعليق

هنا مساحة للتعبير عن رأيك بحرية ..

ازاي أنا رافع راسك وانتي بتحني في راسي ازاي ؟!

ازاي أنا رافع راسك وانتي بتحني في راسي ازاي ؟!

بحبك يا بلادي

بحبك يا بلادي

جمعة النصر : )

جمعة النصر : )

كلنا ايد واحدة

كلنا ايد واحدة