الأربعاء، 30 يونيو 2010

تخاريف آخر الليل




احنا اللى بنجلب الشقاء لنفسنا سرحان بيكون عارف ان اللحن ده كئيب برضه بيسمعه بيكون عارف ان الفيلم دة بيتعب اعصابه برضه بيتفرج عليه فالمفروض ميلومش حد غير نفسه




الكلمات بجد حاجة غريبة سعات بتحمل مشاعر دافئة وسعات بتبقى جافية على اى حال اللى انا مستغرباله ان سعات كتير الواحد بيفضل يستخدمها رسالة بدل من المواجهه بتبقى اخف صدمة على الطرفين بحيث لما يتقابلوا محدش يجيب سيرة الموضوع




ناس كتير لغاية دلوقتى مش عارفة ايه الفرق بين الذكاء والمعرفة يعنى بيقولوا على اللى عنده معلومات كتير انه ذكى ولا مرة كان فى راجل اخد لقب اذكى رجل فى انجلترا حاجة زى كدة المهم كان فى برنامج زى من سيربح المليون وكسب الجايزة الكبرى اخويا غاظنى وقالى الراجل ده فعلا يستحق لقب اذكى راجل فى انجلترا ايه علاقة ده بده دلوقتى احنا نطلق عليه انه اذكى رجل فى موقف تانى لكن مش فى موقف اساسه قايم على المعلومات




برضة فى ناس بتنطق Ali ألى مش على لما بيكون الاسم وسط جملة انجليزى يعنى هم اللى برة مبيعرفوش ينطقوا العين احنا بنعرف ننطقها فبنقوم بنقلل من نفسنا ونقلدهم وننطق ألى حاجة مستفزة




كتير بسأل نفسى بقول لو مكنش نيوتن قال ان فى حاجة اسمها الجاذبية اكيد كان فى حد حيقولها علشان دى حاجة بديهية مرة قضيت النهار كله فى اكتشاف علاقة جديدة بين الارقام وقلت لنفسى ايه ده انا اكتشفت قاعدة رياضية ولا ايه طلعت فى الأخر ماهو معروف بالمتوسط او الوسط الحسابى



شعور سئ جدا لما يكون فى حد معملكش حاجة تعامله فى مرة وحش فيرد عليك بطيبة وبراءة وبحسن.. وبرضة شعور سئ جدا لما تقسو على حد فى اعطائه نصيحة ما ويكون رد فعله انه يسمعها طب ياريته ماكن سمعها على الاقل كان الشعور حيبقى احلى


سعات غصب عن الواحد بيتجاوز حدوده


حاجة جميلة لما الواحد يدع الخلافات جانبا ويبتدى بداية جديدة ده مش ضعف بس محاولة ان الواحد ينقى قلبه


يعنى بجد فى ناس فاشلين فى كل حاجة ييجوا يقسو يرجعوا على طول يحنوا يقرروا ينسوا يرجعوا على طول يفتكروا

شئ غريب اخشى ما اخشاه ان اكون مثل الآنسة مى قرأت كتاب عن قصة حياتها وجدت اشياء كثيرة متشابهة بيننا فى التفكير لكن نهايتها كانت مأساوية


شئ ظريف هناك جروح لا تشعر بألمها الاحين يذكرك احد بها او او تنظر اليها فيا عزيزتى لقد كنت نسيت الامر وداويت الجرح انت اعدتى فتحه وتركته مفتوح للزمن يداويه

طيلة حياتى اؤمن بأن من الممكن ان يكون شخص خريج معهد وتعلم فى مدرسة صنائع ان يكون احسن بمئات المرات من واحد فى طب من حيث الاخلاق

نسيان بعض الاشخاص لبعض الاشخاص صعب جدا ان لم يكن مستحيلا

مش انا الفت لغة عبارة عن كلمات رسومية لها معنى زى مثلا انا تتكتب عين بحترم تتكتب قبعة يعيط تتكتب دمعة كلمة انت تتكتب حدوة حصان كلمة بشدة تتكتب بحر يعنى مثلا لو انا عايزة اقول انا بحترمك جامد اكتب عين قبعة حدوة حصان بحر او عايزة اقول انا بعيط تتكتب عين دمعة كدة يعنى ممكن كل جماعة تتفق على لغتها يلا اديكوا اتعلمتوا لغة جديدة

حاجة حلوة لما الواحد يصفى اعماله قبل الرحيل

الهواء اصبح مسموما ثقيلا

ومفيش حد مقدر حاجة ولا الاهل ولا الاصحاب

انا تعبت بجد الناس اللى عايزين دم ضرورى ومحدش بيتبرع بدمه

حروب وامراض ناس بتموت وواحد يقتل صاحبه علشان واحدة او اخوات يموتوا بعض علشان الورث ومجاعات وفقر استغفر الله انا لا اعترض على حكمك بس انا تعبت

الايام بتمر العالم بيزداد وحاشة ووحشية الانسان بيفقد انسانيته بيتحول لعبد لاطماعه وشهواته ناس يتدوس على ناس حلوة جملة كل حاجة فى الزمن ده بتغلى الا الانسان بيرخص ناس اسهل حاجة عندها انها تدمر حياة ناس وتخرب بيوتهم وتشرد عيالهم

انا آسفة فعلا على حال الدنيا




تخاريف تخاريف




لقد اصبحت فارغا فى فراغ فارغ .. لكنى لا اتذكر انك كنت ممتلئا قبلا اذا هذه الصفة ليست بجديدة .. تبحث وتبحث عن المعنى لهذا الفراغ لكنك تجده فارغا مثلك .. الفرق انه لم يكن ابدا هكذا .. بالرغم من فراغك الا انك ثقيل مبطن بطبقة من الحديد الاسود .. هذا لا يغير من حقيقة انك فارغ .. ذلك الفراغ مهما كثرت النقاط بداخله لكنه يظل فارغ ليس لها فائدة طالما هى مبعثرة فقط لو اتجمعت مع بعضها ستكون جسيما ..وعندها لن يصبح الفراغ فارغا .. وليس ممتلئا كذلك .. لكن على الاقل سيكون به شيئا ما ..اما انت ففراغك لا ملأى له لاما العيب منك لاما فى ذلك الفراغ المحيط الذى اشع جوفه اليك المهم انك فارغ .. الشئ الوحيد الذى كان من الممكن ان يملأك ويبطنك بشريحة ذهبية ويضيئك انت لم تكمله ففقدته نهائيا .. جهدك ذهب سدى.. ففراغك زاد فراغا وظلامك ازداد حلاكا .. والنقاط فى الفراغ المحيط بعدت اكثر واكثر.. اصبح فارغا اكثر واكثر .. فأشع اكثر اليك واصبحت اكثر فراغا .. فبعدت النقط فى الفراغ المحيط اكثر واكثر .. فأشع ذلك اليك.. دائرة مغلقة لا اعلم هل بدايتها عندك ام من الفراغ المحيط ؟ لكن ما اعلمه انها ستنقطع بانتهاء احدكما وبالطبع لن ينتهى الفراغ المحيط ابدا اذا النهاية هى بإنتهائك عندها لن تصبح فارغا لن تصبح شيئا سوى حرف فى بحر كلمات الحزن والضياع




الثلاثاء، 29 يونيو 2010

I'm back ..

بسم الله الرحمن الرحيم

بعد الغياب
والعذاب
والدموع
والأهات

I'm back

معرفش ايه اللى فوق ده
بس على العموم ركزوا معايا كويس اوي فى اللى جاى

كلام مهم
ولازم رأيكوا يتقال

اه وربنا رأيكوا مهم ..

بما ان عودتي الحميدة كحاكمة شرعية للبلوج تقتضي - بل تحتم على - إني أطبق مبادىء الديموقراطية الحكومية بعرض جميع الآراء ثم أخذ الموافقة على اللى يدخل دماغي وبس .. قررت اني آخد رأيكوا ..


 اول حاجة 
الاسكن بتاع البلوج اللى عاملنا دوشة ومكانش فى ولا سكن مظبوط إلا اللى فات بتاع السحب المطيرة ده ( ده اذا صرفنا النظر عن ان سكن الوردة المكفية كان رائع الجمال ) .. وبما ان الاسكن الجديد عليه اعتراض فانا هحطلكوا كام لينك لكذا سكن شوفوا اللى يعجبكوا وهعملكوا فوت تصوتوا على الاسكن الs3eeeeed....

 (1)



 (2)




(3)




(4)




(5)



(6)



(7)



(8)



(9)



(10)


دول الى عرفت اظبطهم على المدونة


ده مبدأيا .. 

طبعا في 170 بوست على المدونة ما شاء الله ربنا يزيد ويبارك .. 
التصنيفات عاوزة تتظبط كلها لو حد عنده اقتراحات للأسماء اللى ممكن نحطها يقول .. وياريت تقولوا عشان بحتاس :D


************



أما عن الأقسام الجديدة اللى هتنضاف ففي كذا فكرة .. 

أولها طبعا عنوان اسمه ( للعوانس فقط ) من أفكار إيمان واعتراض دعاء على الإسم فقررنا تغييره إلى ( للعوانس فقط الله اكبر علينا يعني ) ... :D

المهم اننا تحت العنوان ده هنتكلم عن أهم المشاكل اللى بتقابل الشباب فى موضوع الجواز 
وأهم أسباب العنوسة عند البنات 
ده غير التحكيمات الغريبة اللى البنات يطلعوا فيها ساعة الخطوبة ..
هي دعاء يعتبر نزلت موضوع قبل كده اسمه (ناس عسل وناس بصل) نقدر نحطه تحت العنوان ده ..
مواضيعه هتبقى دمها خفيف بتتناول المشكلة بنقد ساخر وأسلوب حلو .

أى حد من البنات أو الشباب ممكن يكتب فى الموضوع ده براحتكوا خالص .. 


**********



 تاني عنوان ملقيتوش لسة ...

بس هو هنحط تحتيه أى مشكلة تواجهنا فى حياتنا بأى طريقة ..
الفكرة ان المدونة زى مبتطلع إبداعنا يبقى لازم تطلع فكرنا ووجهة نظرنا ورأينا من اللى بيدور حوالينا .. 
عارفة ان فى كذا موضوع قبل كده اتحطوا فى نفس الإطار بس الفكرة هنا هتبقى ان الكل مطالب انه يقول رأيه فى الموضوع ونتناقش بجدية ونوضح الصح من الغلط ووجهة نظرنا ..
الفكرة كانت موجودة من زمان بس مستنية التنفيذ وبما اننا فى أجازة وما شاء الله مش فاضيين فلازم الفكرة تتنفذ إن شاء الله ...
 المفروض العنوان اللى احنا حاطينه هو ( جد .. بجد لازم نتغير )


**************


الفكرة التالتة قيد النقاش ................ !


**********



الفكرة الرابعة اننا عاوزين ندخل الناس اللى بتعرف ترسم ... وتنزل رسوماتها هنا ..
بالاسكنر أو الموبايل المهم اننا ندخلهم معانا ونشجعهم
ولو الرسمة او اللوحة فيها فكرة نحاول نطلهعها ونقول حسينا ايه اول مشوفنا اللوحة ..
انا هكلم البنات اللى اعرفهم وياريت برده لو الشباب يعرفوا حد تكلموهم  وتقنعوهم يدخلوا معانا ...


**********



فى فكرة اننا نحط مكان لشغل الجرافيكس او فوتوشوب .. ايه رأيكوا ؟؟


********



الفكرة كلها من المواضيع دي ان المدونة تبقى شاملة لكل حاجة تخصنا كشباب ومستقبل واعد وجيل طلائع .. ( حلوة طلائع دي )


*********



كنت شفت كلام عن التنظيم فى المدونة
انتوا رأيكوا التنظيم يكون ازاى ؟
قولوا الأفكار ونتناقش فيها سوا ونشوف الأحسن وننفذه ..


***********




موضوع تاني هو موضوع الاغاني 
لو عاوزين أغاني احطهالكوا قولولي حابين ايه 
ولو مش عاوزين بلاش خالص 
كانت دعاء طلبت مني اني احط سامي يوسف وحطيته بس معجبش الناس برده 
انا بحاول اختارلكوا حاجة هادية وبعيدة عن الرومانسية قدر الإمكان 
هو انا ممكن اسيبلكوا حرية الاختيار او تخلوني انا اللى اختارلكوا :D
وتكونوا من المؤيدين لي ولسياستي تأييدا مطلقا ( واخدين بالكوا ... ) أو تكونوا لا سمح الله من المعارضين .............. !



يا مرحب بالناس اللى دخلوا معانا 
ويا مرحب بالناس اللى كتبت لأول مرة 
ومستنيين كتابات اللى مشاركوش خالص 
وأى حد حابب ينضم لينا يا أهلا وسهلا بيه ..


************


فى في دماغي فكرة كده اعملهالكوا عشان صندوق الشكاوي والمقترحات بس مؤقتا هفتحلكوا توبيك على صفحة المدونة تكتبوا فيها لحد منشوف الفكرة هتنفع ولا ايه ...


كده خلاص كلامنا على ضحك ولعب وجد وحب

************

كنت فى الدراسة وفجأة دون سابق إنذار عملت مدونة اسمها مذكرات طبيب
وكنتوا مش فاهمين ايه فايدتها ولا هنكتب فيها ايه 

 http://mozakerat-doctor.blogspot.com/

هي المدونة دي معمولة عشان حياتنا كأطباء 
هنناقش فيها أى مشكلة تواجهنا من وجهة نظرك كطبيب ..
أو المشاكل اللى بتواجهنا فى دراستنا وعملنا واللى شايفيه صح والغلط ..
هيبقى فيها قسم ان شاء الله اسمه يوميات دكتور ميزو ..
يحكي عن الطالب ويومياته بكل الزهق اللى بيلاقيه ..
وهيبقى فى عنوان اسمه ( سماعة ) ترد على اللى يقوله دكتور ميزو بس بالعقل وبالمنطق ..

وان شاء الله نحط فيها مادة علمية تفيدنا فى دراستنا 
ان شاء الله لسنة تانية ولو فى حد من سنوات تانية دخل معانا هنحط مواد علمية لكل سنة .. 
وان شاء الله كمان يبقى في مواضيع عن أهم الكتشافات العلمية فى المجال الطبي 
سواء كنا هننقل الموضوع ونقول نقلناه منين او نكتب رأينا فيه ونحط لينك للموضوع 
.. 

ان شاء الله أبعت ريكويست لكل اللى فى المدونة 
اللى حابب يدخل معانا يقبله
واللى ملوش مزاج ينفضله ...
**************************************************************




فى الآخر بس بجد عاوزة اشكر دعاء لأنها ما شاء الله عرفت تصحصح المدونة تاني وتحافظ عليها من المعتدين وبجد انا مشوفتش نشاط زى النشاط اللى شوفته لما دعاء كانت موجودة مما يدع لي مجالا للتفكير فى التنحي .. ( آه  طبعااااااااااااااااا   بهزر )

بجد ربنا يكرمك ويخليكي ليا يا توحفتي 
والف شكر ليكي ..



وسقفة بقى يا جدعان ................












الاثنين، 28 يونيو 2010

يا حبيبتي

مالي لم اتخد الى قلبك السبيل
وكان هواك دواء قلبي العليل
كنت بحبك سانهي الليلة الطويلة
و اعيش معك انغام انشودة الحب الجميلة
يا من اذا ضحكت ............ تفتحت اجمل الزهور
و اذا ابتسمت........ صار في الكون السرور
و اذا مشيت ......... تلف الدنيا من حولها و تدور


و لما تنظر.......... ترى عينا حالمة كالطيور
نظرة تخرق القلب و يعجز عن منعها اي سور
فيا حبيبتي بعدك لم يبق لي فرح و لا سرور
الا حزن باق معي الى يوم النشور

life____حياة






في طريق الحياه دائما سوف لا ترى النهايه الا عند النهاية
ستجد من يمدحونك
...............................لا تفرح
ستجد من ينقضونك...............اسمع ما يخصك فيه
ستجد من يذمونك.................
..........لا تهتم للامر
ستجد من يساعدونك................احفظ لهم الجميل
ستجد من يسخر منك.................... اعلم انه فارغ
ستجد من يهتمون لامرك ..........ليس كلهم يحبونك
ستجد من يلفتون الانظار.............لا يخدعك البريق
ستجد من يظهرون الصدق.........ليس كلهم صادقون
ستجد من هم يدفعونك للامام وانت لا تراهم...حاول ان تجدهم لتحاول ان توفيهم حقوقهم
ستجد من يخدعونك ........................ لا تنظر اليهم
ستجد من يضللونك .............. اكشف لهم حقائقهم
ستجد من يسيئون اليك ...احسن الى من يرجى منه الخير منهم
ستجد الحواجز............................تستطيع ان تقفز
ستجد
الحفر.....................تستطيع ان تبني جسرا
ستتعثر ...قف من جديد فلن تكسر قدماك مادمت لم تصل النهايه
ستسقيم في طريقك لوقت دون تعثر ....................لا تغتر
ستصعد بعض المرتفعات...اعلم انك عندما تصل الى نهايتها ستجد المنحدر وعلى بعد او مقربه هناك مرتفع قادم يحاكي سابقه
ستجد اشياء تمتع....................................اغلبها فخاخ
ستجد اشياء تشعرك بالملل ....في الحقيقه انت لم تقترب منها وتدخلها بعد
ستعاني معاناة شديدة..................اعلم ان السعادة ليست مجانية
دائما انت تعرف الطريق جيدا ...لا تتبع لافتات مخادعة وان كانت مليئة بالاضواء
..........................................................................................................

كلام فى السرحان

الجياة فانية ..الجمال فان ..رمال ممتدة لنهاية الطريق مهما جريت ابدا سأصل ..ولو وصلت سأصل بعد الفوات.. الامواج تتحرك فوق وتحت قليلا لليمين واليسار فى بطء غير ملحوظ للعين تراه .. القلب يحسه ..ماهذا القلب الحزييييييين .. لم يبدو متألما كهذا حتى يعزف مثل هذا اللحن البكاء .. ليتنى اعرف فقط من هو حتى اداوى حزنه واحاول اصلاحه.. ذلك الرجل الذى يحمل سهم مقصوم وسيف مكسور نصله .. انه يثير الاحزان تعود قاتلة مسممة.. ارحلى بعيد سأنساكى.. فقط لا تمت ابقى بجوارى.. سيطير بنا هذا الحصان الى ابعد ماوراء السماء فى السحاب الابيض.. بعيد عن الظلام .. بعيد عن الحزن.. بعيد عن الناس.. فقط اصمد قليلا فما آت ليس كما فات لكن هل سيكون الوقت كاف قبل الاوان؟ فقط اجعل قلبك ينطلق وسيجد مصيره ..اما انا سأبتعد لا اريد تحميلك هما جديدا على احزانك لقد ظننت ان بإمكانى مسح ظلامك ومداواة دموعك لكنى ازدتهما لا تبحث عنى لقد كنت مجرد وهم فى خيالك.. محاولة ساذجة من نفسك المثقلة بالهموم لتخفيف ما عليها قد تفتقدنى لحظات ولكن سرعان ما ستنسانى وسط ظلام عينيك.. الحياة فانية.. الحب فان.. والسعادة فانية.. والهم فان الا حزنك انت يرغب فى الخلود خضت معارك كثير انتصرت على الاعتى ولكن لكل جواد كبوة وهذه كانت كبوتك انه الوداع يا ظل من كان رجلا يركع له الاقوياء.. الوداع

الأحد، 27 يونيو 2010

تخاريف



انا اعرفك منذ زمن

كم لعبنا وجرينا وسط الغنم

تحدثنا وبيدنا نحن قتلنا الملل

رسمنا ومشينا فى حلم

ناره وقودها الامل

مختلفان ولكن

افكارك هى افكارى

كلامى هو كلامك

الآن انا لا اعرفك

الغنم مات .. الملل ساد ..الامل ضاع ..الحلم انتهى

انت لست انت

لقد تغيرت

الوجوه من حولنا تغيرت

وجوه اختفت واخرى ظهرت

العالم بأسره تغير

انا تغيرت

فلا سبب اتعجب لأجله


كم انت مسكين

لم تصل للشاطئ الآخر

مهما امتلكت من قوارب

فأنت تنتظر ذلك القارب

وذلك القارب لم يحن موعده بعد

عالق انت فى وسط البحر تائها

انه خطؤك انت فلا تكن لاحد لائما

لا تشغل نفسك بعبوره

فقط اترك نفسك للامواج بك لاعبة

وانت سترسى على الشط

صدقنى هكذا الامور جارية


لا تتظاهر ان الامور على ما يرام

وانك فى احسن حال

لانك لست

لا تنظر لأحد مغادرا وتحزن

عذرا انه خطؤك انك نظرت

لا تلومها لانها قالت

انه خطؤك انك استمعت

لا تكلمه هكذا ثم تتساءل لم الرحيل

لا تخفف فى يوم بارد وتتعجب لم السقم

اناس يرونها مثقوبة مرارا

لكنى اراها متراكمة آلافا

ولا احد يعلم حقيقة ما هى

السبت، 26 يونيو 2010

لعبة


يعيش سرحان فى الطابق السابع فى احد البنايات الموجودة فى زقاق متفرع من شارع جانبى الذى بدوره متفرع من شارع رئيسى فى قرية صغيرة تابعة لمدينة كبيرة مركز لمحافظة من محافظات مصر .. فى يوم من الايام سرحان شعر بنفسه يطير طار فوق مبناه ارتفع اكثر رأى الزقاق ارتفع اكثر واكثر راى الشارع الجانبى رأى الشارع الرئيسى راى قريته ارتفع اكثر رأى مصر كلها من اعلى ارتفع اعلى رأى القارة ارتفع اعلى رأى الكرة الارضية ارتفع اكثر واكثر واكثر حتى ارتطم بزجاج لا يستطيع ان يعبره تحرك يمين يسار الزجاج بدا وكأنه يغلف العالم الذى يعرفه حاول جاهدا وسط الضباب ان ينظر من خلال الزجاج لمح شيئا يتحرك على الجانب الآخر ثم فجأة ادرك ما هو الشئ على الجهة انه وجه طفل صغير وان عالمه بيتحرك فى راحة طفل صغير ذهل عندما وجد ان كل عالمه الذى يعرفه الذى بلغ به هذا التطور الهائل هو مجرد لعبة لطفل صغير ولمح ايضا حياة كاملة على الجانب الآخر بالطبع استيقظ سرحان وهو لا يعلم امكانية حدوث ذلك حقا كما تعلم الا يستهين بالاشياء مهما كانت ضئيلة وتافهة فى نظره وان لكل حد كبير يوجد الاكبر منه والاكبر له الاعلى وهكذا ان المفترض الا يفترى ويطغى حياته من الممكن ان تنتهى فى ثانية على يد الاكبر منه

collections




*ناس عجيبة

سعات فى مواقف الواحد مبيكونش عارف يعمل ايه لو رد واخد حقه بدراعه حيقولوا عليه ده قليل الادب وبلطجى ولو مردش حيقولوا عليه بارد ويستغربوا من موقفه

الناس انا شوفتهم بينقسموا لنوعين فى رد الفعل تجاه الاسامى مثلا على الفيس بوك نوع بيقعد يفكر فى الموضوع ولو شاف حد كاتب اسمه الحقيقى حيقول (هو فرحان باسمه كدة ليه ) ولو شاف حد كاتب اسم مستعار النوع ده حيقول( ليه هو فاكر نفسه مين ومدى اهمية لنفسه كدة ليه علشان يخاف يتعرف ) النوع التانى عاقل ومبيفكرش فى الموضوع دة اصلا

كتير بنشوف فى اخبار الحوادث ان الراجل العجوز وجدوه ميتا منذ اسبوع فى شقته بعد ماكسروا باب الشقة نتيجة تسرب روائح تعفن انزعج لها الجيران انا اللى بيضايقنى فى الموضوع مش حكاية ان رجل عجوز مات مهو احنا كلنا حنموت اللى بيضايقنى ان الناس وصلت للدرجة دى ان محدش يسأل عليه طول اسبوع ومحدش يفتقده طب فين عياله

انا بزعل اوى لما الاقى عزا فاضى مفيهوش ناس كتير طب حتى يا ناس روحوا اسمعوا قرآن .. هو الناس بقت وحشة



*جمل

عارفين جملة اللى اتكسر عمره محيتصلح .. لأ على فكرة اللى اتكسر ممكن يتصلح بس مش حيرجع زى زمان

جملة اللى فات مات غلط بنسبة 600% ل 900%

جملة اذا لم يكن من الموت بد فمن العجز ان تكون جبانا .. على حسب فهمى يعنى طب لو كان فى بد يبقى الواحد جبان ويتوسل علشان يعيش وإلا انا فاهماها غلط

جملة اكثر الناس بؤسا هو من لا قرار له .. يا سلام حيكون يعنى اكثر بؤسا من اللى مات ابوه وامه واخواته

جملة بإمكانى ان اؤكد لكم ان الصين بلد كبير وبه عدد كبير من السكان .. يا مرعب .. لأ اضفت وابدعت

جملة انت مسئول عن عقلك اذا انت مسئول عن تصرفاتك .. معلش يا روان بس جملة بديهية آخر عشر حاجات واحدة صاحبتنا عملت جملة زيها انت مسئول عن قلبك اذا انت مسئول عن عواطفك

جملة حكيم ومتفتح الذهن .. نو كومنت

المهم يعنى اطلعوا من المجموعة دى ان مش اى حد مشهور يقول كلام يبقى اكيد حلو وناخده على علته انحنا يعنى ندقق منعديش



*فساد متربى

ان واحد ميسرقش من جيرانه او الناس اللى فى الحتة وميسرقش من ستات ولا من عواجيز ولا اطفال ويسرق الاغنياء فقط اللى ثرائهم وصل للافتراء

واحد ميعاكسش صحبات اخته

واحد بيشرب سجاير لكن ميقدرش يعمل كدة ادام ابوه او امه مش حكاية خوف حكاية احترام انا مرة شوفت واحد كان بيشرب سجاير فى الشارع قدام بيته والدته بصت من الشباك علشان تكلمه على طول رمى السجارة اللى لسه حالا مولعها ووقف مضبوط برضه حكاية احترام مهى مامته عارفة انه بيشرب

الثلاثاء، 22 يونيو 2010

mix



i see u here .. there
and everywhere
over and over .. i wake and sleep
hoping only to get u in my dream
i donot know your face.. your name
i don't about think a minute
iam sure .. i believe
i will know u from early moment
may be today.. tomorrow
or even after years
this is a dream
i am not in a hurry to seek


stay with me
along the way from here
don't u see
this pain i can't lonly bear


your pain is severe
that i can hear from here
there is nothing in the world
worth one of your tears
your tears make me cry
your sad makes me die
so please smile
at least for me

الأحد، 20 يونيو 2010

تخاريف قصيرة سطحية


فى يوم من الايام كان ايهاب يلعب فى الحديقة حتى وجد من بعيد فراشة جميلة ترك لعبه وانشغل فى الجرى محاولة منه للوصول اليها واخذ يجرى ورائها ويجرى لمدة طويلة حتى اخيرا نجح فى الاقتراب منها .. ولكنه وجد الفراشة ليست فراشة بل مجرد ورقة ملونة كانت تحملها الرياح

كانت ام عبير تحب ابنتها عبير وتهتم ببيتها وكانت الامور تسير على ما يرام حتى لاحظت ان كل جاراتها لا تحببن ابنائهن ولا تهتمن ببيوتهن .. فشعرت ان الطبيعى اصبح غريب وان الغريب اصبح هو الطبيعى حتى اصبحت لا تعرف ما هو الطبيعى وما هو الغريب


فى يوم من الايام الحارة خرج ماهر فى رحلة ومعه زجاجة مياه حتى فى وقت من الاوقات شرب منها وتبقى معه كمية تكفيه مرة اخرى وهو يمشى وجد متسول يطلب الماء وقف امامه وهو لا يعلم ايعطيه آخر ما معه ام يحتفظ به لنفسه مبررا ان لا حرج عليه انها آخر كمية معه ولو كان معه أكثر كان سيعطيه كان فى حيرة شديدة من امره حتى وجد صديقه من خلفه قادم ليخبره انه كسب زجاجة عصير من تلك اللعبة فى الملاهى ولكنه نسى ان يأخذها ..على الفور اعطى المتسول باقى زجاجة المياه وانصرف وهو غاضب لأنه لا يعلم هل كان سيعطيه زجاجة المياه لولم يكن قد فاز بالعصير ام لا


ذات مرة احضر خالد شيئا ما كان صديقه يريده بشدة واهتم بالامر ولم ينس طلب صديقه ووضعه فى الحقيبة .. كان معتاد ان يقابل صديقه كل يوم فى ذلك المكان لكن ذلك اليوم صديقه لم يذهب لذلك المكان ونسى سرحان الموضوع حتى قابله فى آخر اليوم صدفة فى مكان آخر اول ما رآه تذكر ذلك الشئ واعطاه له .. خالد كان يشعر ان صديقه غضب منه منه هو يعلم انه له حق فى هذا لأنه لو لم يره لم يكن سيتذكره ويعطيه ذلك الشئ المهم

الاثنين، 14 يونيو 2010

عفوا ليس هذا بالوفاء



لا ليس وفاءا
ان اعطيك يا صديقي ماليس بحقك ليس هذا هو الوفاء
ان اضحي من اجلك بما لا املك وحدي حق التضحية به فهذا ليس وفاءا
ان تخطئ وتتطلع الى ما في يد الغير ثم اوافقك الخطأ بان اعطيك ما ليس بحقك
او اجعلك تنتصر لانانيتك فانا الآن لست وفيا معك
ان اولويه الوفاء للاخرين ليست... بزمن معرفتنا بهم بل ترتبط باعطاء كل ذي حق حقه
لا تاخذ حق وتعطيه لمن ليس له
ياصديقي الوفي المخلص الذي احبك وتحبني كثيرا
ساكون حقا وفيا معك عندما اظهر امامك صورتك، عندما اقف امامك وانت على وشك الخطأ لاقول لك
"ليس حقك فلا تأخذه"
عندما انصرك على نفسك ،عندما اقول الحق واصرح به
عندما اكون مرآة لك، عندما ايضا اعلمك كيف ترضى بما هو لك ولا تتطلع لما في يد الغير

قال رسول الله صلى الله عليه وسلم

"انصر أخاك ظالما أو مظلوما قالوا يا رسول الله هذا ننصره مظلوما فكيف ننصره ظالما قال تأخذ فوق يديه."
صدق رسول الله


اليس عندما لا اضيع ما اشترك به مع غير لاي سبب يكون هذا وفاءا ايضا ؟!!!!
عندما ساظهر لك انك مخطا عندما تكون مخطأ سأكون بحق صديقك
عندما لا تطلب مني ان اكون ظالما واتصرف فيما ليس لي وحدي القرار فيه ستكون انت صديقي
الصديق صدق
الصديق صراحة
الصديق وفاء وليس سلبيه
نعم هو واجبي ان اضحي من اجلك واجب لا نقاش فيه
ولكن ليس بان نكون معا ظالمين

انه ليس بوفاء فقط انها سلبيه
تلك التي نهرب منها في كل مكان وهي سبب نكباتنا ومآسينا
لكن يبدو ان الانسان اصبح يعشق دور الشهداء
نعم انه دور نبيل عظيم الشهداء
لكن الشهيد من يموت من اجل الحق، لامن يموت من اجل ان ان يعطي ما لا يملك لمن لا يستحق

تخرفتين ببلاش عليهم كام تخريفة هدية


الانسان الافضل له الا يؤثر فى الآخرين احسن من ان يؤثر سلبيا فيهم

الانسان افضل له الا يترك انطباع على ان يترك انطباع سئ

الانسان افضل له الا يقول شيئا على ان يقول كلام قد يؤذى به احد

وهكذا الا جملة انه لا يفعل شيئا احسن من ان يفعل شيئا خاطئا لأ بل العكس الانسان عندما يخطئ يتعلم الصواب لكن سنرى ان ذلك الفعل الخاطئ اما سيؤثر فى الآخرين تأثير سلبى او سيترك انطباع سئ او سيكون كلام يجرح احد (طب والعمل ؟)


اذا وجدت جوهرة فى الطريق ماذا ستفعل بها ؟ سؤال محير لو فكرت تذهب بها لقسم الشرطة سيسألونك من اين لك بهذا وقد ينهالون عليك بالضرب من قبل ان ترد لو فكرت ان تأخذها لنفسك فأنت على الاغلب سيقبض عليك وانت تبيعها وتتعرض للسجن والضرب ولو تم البيع على خير اغلب الظن ستتزوجك امرأة من اجل مالك وتقتلك لكى تحصل على مالك او لو كانت زوجة صالحة ابنك هو من سيقتلك لكى يحصل على المال على اى حال نهايتك ستكون اما السجن والضرب لاما القتل احسن شئ تفعله هو ان تتركها وتكمل سيرك ( او تعطيها لشخص نفسك تنتقم منه وتقول له اتصرف بها )


الطريق ذو الاتجاه الواحد مريح جدا فى عبوره لكن من فضلك انظر فى اتجاه الذى تأتى منه السيارات ليس الاتجاه الآخر وتتساءل لم الطريق يبدو خاليا


مقدمة الاتوبيس شكلها جميل جدا لكن نصيحتى لا تطيل السرحان فيها


هو ايه نتيجة لو الواحد قعد يحفر يحفر يحفر حيوصل فين هو ممكن يوصل اليمة التانية من الكرة الارضية ولا فين طب لما يوصل حيقع ولا حيطير ولا ايه نظامه

هو الممنوع مرغوب ولا المرغوب هو اللى بيكون ممنوع


احيانا يفضل الانسان ان يتعامل من وراء ستارة بالرغم من علمه انها شفافة ومخرومة لكن مجرد وجود ستارة يريحه نفسيا

السبت، 12 يونيو 2010

انا مش عاجز

انا مش عاجز... ومش من الشباب العجايز ..

انا ممكن اصرخ بأعلى صوت ..

وعارف انه هيترد سكوت ..

بس المهم انا مش هسكت ..

وبسكوتي عمري ما اكون مبسوط ..

وبضعفي عمري ما اكون فايز ..

عشان انا مش عاجز ..

انا شايف بعنيا كتير ..

شباب ف الارض بيندفن ..

واحلام اهالي في الهوا بتطير ..

ونضرب كف بكف ونقول الصبر ..

وحسبنا الله وربنا كبير ...

واحنا الخوف جوانا ساكن ..

وفي الجبن ناخد جوايز ...

بس انا مش هسكت ..

عشان انا مش عاجز ...

صحيح مش عارف هعمل ايه ...

ولا منين ابتدي ولا فين اروح ..

بس انا عمري ما اعيش مدبوح ..

واهون عليا اموت دلوقتي ..

ولا اني بكره اكون مجروح ..

واعيش في وسط الناس صنم ..

كوم عضم من غير روح ..

انا اقدر اعدي كل الحواجز ...

عشان انا مش عاجز ..

بس حد يدلني ... فين الطريق

حد يشدني ...انا غريق ...

جوايا الم .. جوايا غضب ...

وحياة الذل دي مش هطيق ..

بس اعمل ايه ؟؟؟ .. اعمل ايه ؟؟؟

وانا ولا عارف عدو من صديق ..

ولا صح من غلط ...

ومش قادر يصدق قلبي البرئ

ان انا فعلا عاجز ..

لما اشوف الناس بتموت ...

واقول سلام ..

وادعي ربنا وارفع ايدي ..

واقوم انام ...

واكتشف ان كل الي قلته ..

مجرد كلام ...

يبقى انا فعلا عاجز


وانا صغير كانوا يسألوني ..

رايح فين ..

رايح المدرسه ..

رايح ليه ؟.. وخايف الوقت يفوت ؟

عشان عندي درس ..

بيقولوا عليه مظبوط ..

هتعلم السكوت ..

وازاي يكونلي صوت ..

مخنوق ضعيف مهزوم ..

مجروح مقهور مكبوت ..

هتعلم ازاي اخاف ..

واعيش جوه الجحور ..

وانسى عيشة البيوت ..

رايح اتعلم كتير ..

ازاي اكون طيب امير ..

ولا افتح بقي ولا اتكلم ..

ولا عن عسكري ولا عن وزير ..

وان اي حاجه ميري ..

على راسي حتى لو غفير ..

علشان اعيش حياتي مبسوط ...

هيدوني دروس كتير مهمه ..

ازاي ادافع عن حياتي بهمه ..

ودي ملهاش غير حل بسيط ..

اقتل عزيمتي واخنق الذمه ..

وادوس على كرامتي بالجزمه ..

والبس انا بمذاجي العمه ..

يعني اعيش بينهم كتكوت ..




الخميس، 10 يونيو 2010

هلوسة ايام الامتحانات


الاختيارصعب مشكلة الاختيار مش الاختيار فى حد ذاته بل فى ادراك ان الواحد سيتحمل عواقب اختياره انا فى رأيى ان الاجبار اسهل على الاقل الواحد سيبرر لنفسه عواقب الامر المجبر عليه ان فشل فيه انه لم يكن باختياره وهناك من اجبره

شعور سئ عندما تضطر ان تكذب لتدارى على كذبة شخص آخر اضطر ان يكذب من اجلك

المشكلة الواحد دخل الكلية وهو عارف بمساوئها من جهة الوساطة وهكذا لكن يهون الامر على نفسه انه على الاقل سيتعلم جيدا لكن اتضح ايضا ان حتى التعليم الجيد مفقود

الانسان عجيب.. يفضل ان توجد حفرة حتى يبرر بها سبب تعثره الحادث فى كل الاحوال حتى مع عدم وجود الحفرة

لا تتوقع ان تكون مفتاح لقفل انت لا تعتبره قفلك

حكاية الفهم فى الكلية .. جملة طالما فهمت المعلومة لن تنساها ابدا هذة الجملة خطأ بنسبة 200% احيانا الواحد يضيع وقته فى فهم معلومة بعد فترة ينسى هو اصلا من اين جاءت وينسى فهمها فيشعر انه لو كان حفظها واكد عليها وحفظ المعلومات التى بجوارها كان سيصبح احسن كما ان الامتحانات ليست قائمة على الفهم

احيانا الواحد يقرأ حقيقة ويصدم بها فيكون ردة فعله هو انكار تلك الحقيقة بالرغم انه يعلم فى قرارة نفسه انها حقيقة ذلك الانكار نابع فى تمنيه الا تكون حقيقة وان يهز صورتها امام الآخرين فيشكوا انها حقيقة

فى كلمات راقية يكون لها مرادفات لغوية اخرى تؤدى نفس المعنى احيانا الانسان يستخدمها لا احد يستطيع ان يمسكها عليه المفروض ان الواحد لا يفرح وهو يقولها لأن المبدأ نفسه موجود مثل (غير محترم او ناس برمجتهم العصبية بايظة )

ازاي أنا رافع راسك وانتي بتحني في راسي ازاي ؟!

ازاي أنا رافع راسك وانتي بتحني في راسي ازاي ؟!

بحبك يا بلادي

بحبك يا بلادي

جمعة النصر : )

جمعة النصر : )

كلنا ايد واحدة

كلنا ايد واحدة