الثلاثاء، 30 مارس، 2010

مسلسلات القهر


لقد سئمتُ هذه المسلسلات .. مسلسلاتُ القهر .. أشاهدُها

كلً يوم .. بإمعان .. أحسها بقلبى .. أدركها بعقلى ..

و من ثمً .. يبدأ الغليان ..

سأحكى لكم عن أبطال هذه المسلسلات القذرة بإختصار

لأننى لم اعد أتحمل ان أتذكر حتى وجوههم بعد ان

سقطت أقنعة الزيف أمام تجلى الحق..




تشتعل النارُ فى جسدى كله .. ويضيق صدرى كمدا ..

نحن نحترق .. 

وهم باردون كثلج القطبين .. أشك فى سريان دمائهم ..

أشك فى وجود عقولهم ..



أتعجب اشد العجب عندما أراه يرتدى بدلته الأنيقة فى زهو

واسمع عبارات النفاق تنهال عليه كالمطر..

العامل يمسح له سيارته فى ابتسامة تخفى القهر




عجبى ليس من بدلته الأنيقة ولا من عبارات المدح..

لكنه من يقينى بأنه واثق من أنهم فقط ينافقونه ليحصلوا 

على ما يريدون..

بطلنا اليوم طبيب مشهور .. متفوق فى تخصصه بلا شك..

عيادته يملؤها المرضى الآملين فى الشفاء.. 

دفعوا ما يتجاوز المائة جنيه ليجلسوا فى الانتظار..

ساعتين على الأكثر يستقبل المرضى بوجهه العابس .

يشخص المرض بدقة .. ويكتب الدواء الذى يلمح بذكائه 

المميز أن مريضه لا يقدرعلى شرائه ..

ولكنه يتذكر أن مريضه قد تمكن من القدوم إليه..

فيقول فى نفسه .. " كما تمكن من القدوم بالطبع سيتمكن 

من شراء الدواء!! "

أين هذا الذى ُيدعى عقلا؟؟.. لم يكلف نفسه عناء التفكير

للحظة 

فى ذل الحاجة و قلة ذات اليد..

نسى ماضيه المؤلم وطفولته المشردة..

نسى حاجته الملحة ..ونسى كيف يكون العناء..

ولم يعد يأبه بهؤلاء !!

لقد كان يومى مليئا بالضحكات.. مليئا بالصراعات ..

وشاهدت الكثير من مشاهد القهر التى أستطيع ان أخفيها 

ولكننى لا أستطيع نسيانها 

..شىء واحد

جعلنى سعيدا وحقا كان مميزا..

ما زال الأبطال كثيرين والمشاهد أكثر

ولكننى سأكتفى بهذا المشهد من مسلسل القهر

لأننى الآن لست مستعدا لأن أحكى لكم عن باقى المشاهد

لأننى حقا اشعر بالغليان..

وأخيرا..

تبـــــــــــا لهـــؤلاء..

3 قالوا رأيهم:

Heidenröslein يقول...

افتكرت اول امبارح كنت مع ماما بتككشف فى عيادة دكتور كبير برده أوي
وكان بصراحة قمة فى الالتزام بالمواعيد .. معاده سبعة ونص وصل الساعة عشرة
وغير كده الدكاترة فعلا بقوا جشعين بشكل غير طبيعي وفين علام تلاقى دكتور شاطر ولو لقيته يبقى ادعي انه يكون طيب ويعرف يقدر انه قبل ميكون بيشخص مرض في آله انه بيعالج إنسان ...

ربنا يهديهم ... ويهدينا
موضوع جميل ...:)

Romantic girl يقول...

ياااااااه دي مش موقف دي نقطة في بحر كبير اوي للاسف
اولا بحييك علي الموضوع وعلي طريقة الكتابة المميزة اللي كتبت بيها احنا فعلا متحاجين لوقفة
انا كان نفسي اعمل موضوع موازي لموضوع حضرتك بس افضل انه يكون كومنت
هحكيلكوا علي مواقف بجد حاجة خيال
انا والدي دكتور نساء وكل يوم بيشوف بلاوي وبالليل بيحكيلنا كل حاجة
هقول لحضرتك موقف بسيط كده دكتور جاتلها مريضة عادي فتحت بطنها واشتغلت اوم ايه اوم الحاله عكت عكت والمريضة توفت وطبعا دي عادي راحت مقفله وطلبت انها تتنقل مستشفي حكومي لان الشغل في العيادات ممنوع اصلا وهي خافة عيادتها تتقفل راحت بيها المستشفي والممرضة قالتلها يا دكتور ةالحاله ميته قالتلها ملكيش دعوة ودخلتها وفتحتلها تاني وسابتها ومشيت وطلعت تشتم في المستشفي واللي مسئولين عنها
موقف تاني واحده 24 سنة يعني كان اول بيبي ليها دكتورة فتحت واشتغلت وفي الاخر غصب عنها موتت البيبي وخدوا بالكو من غصب عنها والرحم راح منفجر منها يعني دكتورة دكتورة يومها استنجدوا ببابا وبجد صعبت عليه الحاله اوي حاول علي قد ما يقدر انه يدبس الرحم عشان تقدر تجيب بيبي تاني مش عارفة ايه الي جرالها حالا
موقف تالت دكتور فتح بطن عيانة لقي البيبي ميت واهلها كانوا صعايده خاف علي نفسه وعلي عيادته قفل تاني وساب البيبي ميت وللاسف الام كمان بعد كام يوم ماتت خاف من اهلها ومخافش من ربنا
واخر واحده بقي مريضة راحت لدكتورة قالتلها ان البيبي ميت في الشهر الرابع وانها لازم تنزله وبتاع وفعلا عملت العمليه واخدت منها مبلغ محترم وهما اساسا علي قد حالهم
وافقوا لانهم مضطرين بعدها في الحمل التاني عملت نفس الحركة وقالتلهم البيبي ميت برده بس هم مكنش معاهم فلوس فجم عند بابا بيشكوله عملها اشعة قالها ان البيبي كويس جدا وضربات قلبه سليمة وحالته كويسة الناس اتصدمت بس الحمد لله خلفت من كام شهر
ده من ناحيه الدكاترة
بس بصراحة المرضي برده بيعانوا من حاله من الجهل الشديد الغالي حلو والرخيص لا وحش
انا رحت عند بابا العياده مرة لقيت واحد بيقول للممرضة انتو غليتوا الكشف كده ليه مع العلم الكشف 10 جنيه انا بصراحة كنت هطق بس هنقول ايه بيروحوا عند الدكاترة التانيين وبيدفعة ال100 وال200 بالجزمة ولا بيقدروا يتكلموا
بس الحمد لله اللي بيمشي بما يرضي الله ربنا بيكرمه والله انا كذا مرة اروح هناك الاقي الممرضة بتقول لوحده انتي ايه اللي جايبك مش انتي كنتي لسه هنا قالتلها بصراحة انا عاوزة اشوف الدكتور بحس انه والدي وانا كنت قاعده قعدت تقولي والدك ده ربنا يخليهولك الناس كلها بتحبه انا باجي بس عشان اسمع نصايحه والله تغور الفلوس قدام كلمتين زي دول
وانا اسفة بقي طولت عليكو والله الموضوع كبير اكبر من كده كتير وعاوز اكتر من وقفه

Ahmed Adel El-Feky يقول...
أزال المؤلف هذا التعليق.

إرسال تعليق

هنا مساحة للتعبير عن رأيك بحرية ..

ازاي أنا رافع راسك وانتي بتحني في راسي ازاي ؟!

ازاي أنا رافع راسك وانتي بتحني في راسي ازاي ؟!

بحبك يا بلادي

بحبك يا بلادي

جمعة النصر : )

جمعة النصر : )

كلنا ايد واحدة

كلنا ايد واحدة