الخميس، 16 سبتمبر، 2010

قــطـر الـحـيــاة












يا قطر الحياة واخدنا لفين وعلى فين مودّينا
لَفلِف ودور .. لِف الديور .. وبالحزن غطّينا
دهــ احنا اللي متنا .. وعشنا نكون غارقين في أمانينا
دهــ احنا اللي عشنا .. نقول ونعيد للهمـ أسامينا
و على فين واخدنا يا قطر وعلى فين مودّينا

..

للحزن ُكنّا عبيد .. وللفرحة كنت وليد .. حسيت وحسّينا
عاش الكدب ويّانا .. مات الصدق جوّانا .. و مـ الدنيا ملّينا
طار الحب مننا .. مين مكروهــ زيّنا .. وللفرق خلّينا
وعلى فين واخدنا يا قطر وعلى فين مودّينا

..

حقق و قود .. فكــ القيود .. للفرحة عدِّينا
علّي الصفير .. حلّق و طير .. للحب روح بينا
اقفل بيبان .. في وش الزمان .. افضل أمان لينا
وعلى فين واخدنا يا قطر وعلي فين مودّينا

..

حلق و ثور .. زي النسور .. لقيتنا ولقينا
اقتل وحوش .. فرّح وشوش .. للغمـ نسيّنا
صلّح عيوب .. صفّي القلوب .. مـ الحزن خفّينا
وعلى فين واخدنا يا قطر وعلى فين مودّينا

..

عدّي البلاد .. صحّي العباد .. وللفجر نادينا
انسى العتاب .. وافتح كتاب .. واكتب أسامينا
اكتب بنور .. زقزق طيور .. نسيّنا ماضينا
اوعى تبص وراكـ .. وكون لينا الملاكـ.. للجنة ودّينا
ويا قطر الحياة واخدنا لفين وعلى فين مودّينا

3 قالوا رأيهم:

Heidenröslein يقول...

رائع .. :)

Ahmed Adel El-Feky يقول...

رائع .. جميل .. أستمر :D

Doaa Helal يقول...

جميل اويي ما شاء الله بجد اكثر من رائع

إرسال تعليق

هنا مساحة للتعبير عن رأيك بحرية ..

ازاي أنا رافع راسك وانتي بتحني في راسي ازاي ؟!

ازاي أنا رافع راسك وانتي بتحني في راسي ازاي ؟!

بحبك يا بلادي

بحبك يا بلادي

جمعة النصر : )

جمعة النصر : )

كلنا ايد واحدة

كلنا ايد واحدة