ناس عسل وناس بصل.........

انهارده هكلمكوا علي اربعة متجوزين لا هما مخطوبين ولا مصاحبين ولا مانتمين عشان يكون كلامنا

في اطار الشرع والدين هنتكلم عن احمد ولمياء

وعبد الله ونجلاء

يمكن مش هحكي حكاوي انا هقولكوا شوية مواقف ومنها هنتعلم كتير

واسيبكو بقي مع المواقف

احمد راجع من الشغل هلكان ومش قادر

احمد : "ياااااااااه الواحد طول النهار طالع عينه بس والله يا لمياء لما بدخل البيت واشوفك بحس بالراحة"

لمياء " ربنا يخليك ليا هو انا ليا غيرك قوم كده ريح شوية علي لما احطلك الاكل "

*******************************

نبص علي عبد الله زميل احمد في الشغل وراجع برده طالع عينه

عبد الله : " ايه القرف اللي الواحد فيه ده مش عارفين نرتاح خالص وانتي يا ست انتي حضري الاكل

انا علي لحم بطني من الصبح وبعدين انتي مقفله الشبابيك كده ليه خنقتينا "

نجلاء : " ايه يا اخويا ما براحة عليا شوية وبعدين الاكل لسه قدامه كتير واوعاك تفتح شباك انا لسه مروقة

ومش ناقصة تراب يدخل ما انت معيشنا في حته زباله مليانة تراب "

**********************************

مع دخول المدراس بنحتاج طلبات كتير وكل المصاريف علي الزوج

لمياء : " احمد انا عارفة ان مصاريفنا بدات تزيد بس انت عارف ان الدراسه داخله

ومحمد عاوز يجيب لبس المدرسة والشنطة "

احمد : " يا حبيبتي انا محرمهوش من حاجة ابدا ان شاء الله بكرة اول ما تجيلي الفلوس

هديكي تجيبيله الي هو عاوزه كله "

***********************************

نجلاء :"يا عبده الفوس تكون بكرة قدامي هنا الواد عاوز حاجات المدرسة ولا

دي كمان مش هترضي تجيبهاله "

عبد الله : " يا اعوذ بالله عمرك ما تشوفيني الا لما تقولي فلوس يا ستي

اتهدي بقي وبعدين بمزاجي وقت ما احب اديي هديكي "

***********************************

ويوم العيد

لمياء : " كل سنة وانت طيب يا حبيبي وكل عيد واحنا مع بعض "

احمد : " وانتي طيبة يا لمياء ربنا يخليكي انتي ومحمد ليا ماليين عليا حياتي ومتزعليش

اني مقدرتش اديكي فلوس تجيبي كحك ولبس بس انتي عارفة العيد الجاي هعملك الي انتي عاوزاه "

لمياء : " ربنا يخليك ليا اهم حاجة عندي رضا انت والعيد مش باللبس العيد بالفرحة

اللي ماليه علينا البيت "

*******************************

نجلاء : " انت يا راجل فين الكحك اللي قايلالك عليه وفلوس اللبس والله ما ينفع كده

دايما منكد علينا كل عيد"

عبد الله : "ياستي حرام عليكي اجيبلكو منين لكل ده المرتب علي القد ارحميني كرهتيني في عيشتي "

********************

بس اللي عاوزة اوضحه اني مش بكتب مقاله ساخرة ولا بتفرج علي مسلسلات كتير

انا جاية اتكلم عن فكرة كلنا فاهمينها غلط

فكرة الزوج والزوجة الزوج متخلقش عشان يقرف الزوجة ولا الزوجة اتخلقت عشان تنكد عليه

تعرفوا ايه الفرق بين الاتنين انه احمد ولمياء فهموا الزواج صح عرفوا ان الغرض منه الامن والسكينه

وان الله سبحانه وتعالي قد خلق الزوجين سكن ورحمة وجعل بينهم الموده كاساس للحياه

كل منهم قد خلق لاسعاد الاخر علمت لمياء التي اعني بها من يماثلها من الزوجات

ان رسولنا الكريم قال "لو امرت احد ان يسجد لاحد لامرت الزوجة ان تسجد لزوجها"

فاطاعته وعملت علي راحته فكان رد الفعل من زوجها انه قد بادلها الاحترام والحب

واما بالنسبه لعبد الله ونجلاء فهم مثال للمسلسلات التي نستمع الليها كل يوم

كل ما يفهمونه عن الزواج انه مرحله في حياتهم يجب ان يقضونها علي حد التعبير " بالطول او بالعرض "

لا يهتمون بما في الزواج من حب واحترام كل ما يعرفونه ان الزواج هم ونكد

واترك لكم التخيل كيف يكون حياه كل منهم في شتي المواقف وليس في تلك المواقف الصغيرة البسيطة

التي ذكرتها

وفي النهاية انهي الحديث بانالكلمة الطيبة صدقة " وان الطيب لا يجلب الا الطيب