الأربعاء، 25 أغسطس 2010

تخيلوا معايا


تخيلوا معايا لو كان فى واحدة دمها بيعالج من الامراض (زى مفى مسلسل احنبى تعبان واحدة كدة ) الانسانية حتنعدم من الجميع والكل حيعوز يقتلها ويصفى دمها .. ده فى ناس حيوصل بيهم الدرجة انهم حيعوزوا يحتفظوا بدمها احتياطى فى حالة امراض ولا حاجة .. واللى فى منظمة حقوق الانسان مش بعيد يكون هو اول واحد يعمل كدة

تخيلوا معايا لو الدنيا مفيهاش قانون كدة حتتحول لغابة .. والبقاء للأقوى ... مش للأصلح فى حالة الانسان البقاء للأقوى علشان بيقدر يتكيف فى أى بيئة على العكس الحيوانات البقاء فيها للأصلح ... كل الناس حتتحول لوحوش والطيب المسالم اللى انت شايفه حيبقى وحش علشان يعيش كون انه كان طيب فده علشان كان فى قانون بياخدله حقه وحيعاقبه لو أخد حق حد فمكنش له لزوم انه يظهر الطبيعة الاخرى

هى ايه حكاية غريزة البقاء وحب الحياة ان الانسان يفضل انه يكون قاتل وميكونش مقتول دى للأسف بتظهر الانسان على حقيقته وانه ممكن يعمل اى حاجة علشان يفضل عايش حاجة يعنى مقززة

عاجبانى جملة نحن لم نخلق اوغادا

حكمنا على الناس او على اى حاجة بيعتمد فى الاول على الحالة النفسية اللى بيكون فيها الشخص عند الرؤية اول مرة مثلا موضوع لو قريته وانت كنت بتضحك قبلها حتقعد تعلق على كل كلمة وتضحك عليها حتى لو مكنش الموضوع مضحك كان عادى .. لكن لو قريته اول مرة وانت متضايق مهما يكون مضحك ولا حتبتسم حتى وتقول ايه الموضوع الرخم ده ..وبرضه كدة فى الاشخاص لو كنت متضايق قبل متشوف شخص لأول مرة حتلاحظ الحاجات السلبية وتنتقد كل حركة فيه والعكس

بفكر اشتغل .. بس حشتغل ايه ؟ انا مش ولد علشان اشتغل اى حاجة .. الولد ممكن يبيع جرايد ويوزع حاجات فى الشارع مش حكاية عايز فلوس بس اللى بيشتغل بيحس انه بيعمل حاجة مهمة انه مش عايش علشان نفسه وخلاص وكمان ميبقاش عال على حد

محدش يتوقع ان واحد عاش بره مصر خمسة وعشرين سنة انه يقدر يمسك مصر ويحس بشعبها

كم احترم الجراحين .. تلك الايدى الخفية والناس الذين يعملون فى صمت لا يرغبون فى المجد او الشهرة فقط مصلحتهم هو سلامة المريض .. على الجانب الآخر هو من يخبر اهل المريض بوفاته لو العملية فشلت شئ سئ جدا ... هناك دكتور نسا وولادة ما اجمل ان يولد على يديك طفل اول صوت يسمعه هو صوتك واول يد تحمله هى يدك مهنه جميلة .. دكتور اطفال الاطفال هم احباب الله تخيل نفسك تكشف على طفل صغير وتلاعبه وتعطيه لعبة يلعب بها وتجعله يضحك بعد بكائه .. دكتور امراض نفسية لا انكر ان النفس البشرية تثير اهتمامى انا احب الاستماع للناس لكن مشكلته انك تنخرط كثيرا فى حياة المريض الشخصية وتتألم لألمه وتنسى انك طبيب معه وتعتبره صديق .. اختيار صعب

4 قالوا رأيهم:

Eslam Fouda يقول...

بصراحة موضوع اختيار التخصص ده صعب جدا
بس انا مش هتخيل اننا عايشين في غابة
لاننا فعلا عايشين فيها

Alice يقول...

قدامنا باين 5 سنين نقرر
المشكلة فى تخصصات بيبقى ليها مجموع زى تخصص حاجة بياخد امتياز من 87 يعنى فى ناس بيتفرض عليهم تخصصات على حسب مجموعهم دى حاجة وحشة علشان كدة المذاكرة فى الكلية دى مهمة
لأ على الاقل فى ناس مسالمين دلوقتى لكن لو مكنش فى قانون الدنيا حتتحول لغابة جامد كل الناس حيظهروا على حقيقتهم

Rouan يقول...

موضوع حلو يا ايمى بس الدنيا اللى احنا فيها فعلا البقاء فيها للاقوى و بالعكس انا منرايى يلغوا القوانين لانها ملهاش اى لزمه بالعكس دى زودت من اسلحه الفساد ضد الناس المسالمه


اما بالنسبه لموضوع التخصص فالتخصصات كلها رائعه
مهنه الطب اصلا رائعه

موضوع حلو يا ايمىىىىىىى

Alice يقول...

معاكى حق مهنة الطب رائعة فعلا .. بس حاولى تفكرى فى تخصص انا فى دماغى الاربعة اللى فوق بحاول ارسى على تخصص .. مش فى دماغى عيون ولا جلدية ولا انف واذن وحنجرة ولا صدر ولا مخ و اعصاب انا اصلا عايزة حد يظبطلى اعصابى
شكرا يا روان

إرسال تعليق

هنا مساحة للتعبير عن رأيك بحرية ..

ازاي أنا رافع راسك وانتي بتحني في راسي ازاي ؟!

ازاي أنا رافع راسك وانتي بتحني في راسي ازاي ؟!

بحبك يا بلادي

بحبك يا بلادي

جمعة النصر : )

جمعة النصر : )

كلنا ايد واحدة

كلنا ايد واحدة