الاثنين، 23 أغسطس، 2010

18


كان فى مرة واحد اسمه 18 ..عمره 18 سنه .. ليه 18اخ .. وساكن فى الدور 18 .. عمارة رقم 18 .. له 18 جار.. (سؤال ذكاء يبقى العمارة كام دور؟ ) .. وله 18 صديق .. و18 ولاد عم .. و18 ولاد خالة ..عنده 18 دبدوب .زوقرا 18 كتاب .. رقمه 18 فى كشف الكلية .. بيحب الساعة 18 .. كان زمان مصروفه ل18 يوم هو 18 جنيه ..مبيكلمش اللى اقل من 18 .. ايه حكايته بقى ؟ لسه مطلعش بطاقه ومرة صحابه ضمنوه

العيال الصغيرين بيكونوا عايزين يكبروا مش عارفة ليه ؟ خليهم يستمتعوا شوية بطفولتهم وعدم ادراكهم للبلاوى اللى فى الدنيا يستمتعوا ويمتعونا ببراءتهم وتلقائيتهم ولبسهم العسول ... حاجة غريبة لما الطفل الصغير يعمل غلط مبيكنش مدرك انه عمل حاجة غلط ويبصلك فى براءة ويضحك فيخليك تنسى غضبك وتضحكله

عارفين ارخم سؤال واحد ممكن يسأله لواحده يقولها ( انتى عمرك كام سنة ؟ ) .. ( ايه ايه 16 سنة )

فى حاجة رخمة برضه محدش يعملها فى ناس مثلا واحد يقول لواحدة ( شكرا يا مدام ) ويستنى ويرهف اذنه علشان يستمع للتعقيب اللى دايما بيحصل ( آنسة لو سمحت ) حاجة رخمة رخمة يعنى

حاجة غريبة لما يكون فرق بينك وبين اخوك الكبير 11 سنة واللى بعده 8 سنين واللى بعدهم صغير الفرق بس 3 سنين

حاجة غريبة لما الدعوة تستجاب فى لحظتها بس كان التمن غالى .. التمن شدة اعصاب وتوتر فى يوم زى ده

7 قالوا رأيهم:

طالبة مقهورة ..درجة أولى يقول...

اولا انا مستمتعة جداااااااا بالتواشيح اللي هنا :) ومهنش عليا ادخل صفحة الكومينتس عشان مقطعهاش

سؤال ذكاء..هوا السؤال اللي ف الاول ده المفروض نجاوب عليه ^_^

بصي موضوع الكبر والصغر فده طبيعة بشرية..مفيش حد عاجبه حاله..الصغير عاوز يكبر
والكبير نفسه يصغر..فده من عجايب البشر

بس المتعة بجد..انك تعيش كل لحظة في عمرك كأنها لحظة مميزه...بعفاشتها واوحش ما فيها قبل احسن ما فيها عشان نستمتع بجد

تعرفي اساسا ف الاتيكيت..ممنوع ان راجل يقول لست انتي سنك كام..ده غللللللط جدا ..بس المفروض لو حصلت الست تكون عندها كمان طريقة لذيذة ترد بيها على اللي بيسأل :)

كفايا رغي عشان ورايا هوم وورك
سلاماتوز

Think Pink يقول...

بصراحه جامد الكلام ده

وعلى فكره انا بتضايق اوى كل ما افتكر ان كلها كام شهر ويبقى عندى 18
:)
:)
:)

Heidenröslein يقول...

عارفاها أنا البت اللى انضمنت مرة دي
:D:D

Echo يقول...

شكرا .. ربنا معاكى
انا برضه كنت كدة لغاية مييجى يوم ميلادك حتكونى مبسووطة اوى مع اصحابك وحتعدى طول اليوم تضحكى متعرفيش حتضحكى عليه ممكن علشان 18 سنة ضاعوا من غير اى حاجة تتعمل بس حتبقى مبسووطة ان شاء الله
انا بس يا بت يا ضحى كنت عايزة اكتب اى موضوع وخلاص النهاردة قبل منتصف الليل كانت دماغى عالية لما رجعت وبعد التسمم اللى اكلناه .. وحشششششششانى خاالص بقالى خمس سعات بالتوقيت المحلى لمدينة طنطا مشوفتكيش

manar يقول...

كل سنه وانتى طيبه يا ايمو وعقبال ما تكونى 28 سنه وعروسه زى القمر فى بيت العدل

Echo يقول...

الله يخليكى يا منار
وانتى ماشى ماشى على حركة الايس كريم ودبستينى انى ارميه وتقولى للراجل مش مشكلة انزل فى الآخر يا شريرة

Alice يقول...

كل سنة وانا طيبة :D ^_^

إرسال تعليق

هنا مساحة للتعبير عن رأيك بحرية ..

ازاي أنا رافع راسك وانتي بتحني في راسي ازاي ؟!

ازاي أنا رافع راسك وانتي بتحني في راسي ازاي ؟!

بحبك يا بلادي

بحبك يا بلادي

جمعة النصر : )

جمعة النصر : )

كلنا ايد واحدة

كلنا ايد واحدة