الثلاثاء، 10 أغسطس 2010

بحبك يا بلدي


بحـــــــــــــــــــــــبك يا بلدي

بحبك يا بلدي ومغلباني 

بحبك واحوالك مش عاجباني 

ولو بعدت عنك ثواني 

بيرجعني شوقي ليكي من تاني

حياة ناسك فيكي صعبه 

وحكومتنا عملالهم رهبه

والاسعار فيكي شايفينها عتمه

رغيف العيش ولا اللحمة

العيش بالمسامير اكلوه 

وكيلو اللحمة بقي حلم بيتمنوه

والمواصلات .. المواصلات بقت زحمة

مواردنا في بلدنا مرميه 

وشبابك كلهم عواطليه

والشغله بيتقدملها ميه

وياخدها صاحب الواسطة الي هي

المرتب من هنا بياخدوه 

ويوم عشرة بيخلصوه 

هيقضوا علي الغاز ولا الميه 

ولا الكهرباء والفول والطعميه

والناس التانيه في التكييف مريحين

واكلين وشاربين وعلي فلوسهم مش ملاحقين

وكان البلد من حقهم واحنا نفضل في الطين

بس لسه ميعرفوش ان مصر ام المصريين

ميعرفوش ان مصر مش ام المستثمرين

ان مصر ام المعدومين الشقيانين

بحبك يا بلدي ومغلباني 

شايفة يا بلدي ولا مكذباني 

حال شبابك بقي شكل تاني

ده بيضرب بانجو وده بيجرب صنف تاني

وده لما اتكلم صفوا دمه في ثواني 

وشبابك يا بلدي شردوه وقال ايه تهذيب سكاني

وكل ده باسمك يا بلدي

وبسكوتك ده مجنناني

شفتي الي بيحصل لابويا وامي في مصالحك 

ابويا بيتهان وبرده مسامحك

بيتذلل للموظف والغفير والامين

وبرده بيطلعوا من المصلحة خسرانين

يرضيكي يا امي الي هيجري لابني 

مش هلاقي حته ارض عليها ابني

بيت وسقف يضمني مع مراتي وابني

واخيرا يا بلدي مش هسكت واطاطي 

لاني بحـــــــــــــــــــبك يا بلدي

8 قالوا رأيهم:

Doha يقول...

جميلة أوي يا دعاء بجد مش عارفة اقولك ايه
:))))

Ahmed Elfeky يقول...

جميلة جدا يا دكتور دعاء..

Doaa helal يقول...

امتشكرة ربنا يكرمكو ولو كانت هي جميله فازدادت جماله بقراءتكو ليها
رمضان مباااااااارك

قبل العالم الأخير يقول...

مواردنا في بلدنا مرميه

وشبابك كلهم عواطليه

والشغله بيتقدملها ميه

وياخدها صاحب الواسطة الي هي



nice one :D

Rawan يقول...

جميييييييييييييييييييييييييييييييييله جدااااااااااا
بحبك يا بلدى

miramar يقول...

جميله اوي يا دعاء ما شاء الله

Alice يقول...

اكتر من رائع يا دعاء

Nile Daughter يقول...

رائعه دعااااااااااااااااء

إرسال تعليق

هنا مساحة للتعبير عن رأيك بحرية ..

ازاي أنا رافع راسك وانتي بتحني في راسي ازاي ؟!

ازاي أنا رافع راسك وانتي بتحني في راسي ازاي ؟!

بحبك يا بلادي

بحبك يا بلادي

جمعة النصر : )

جمعة النصر : )

كلنا ايد واحدة

كلنا ايد واحدة