الجمعة، 20 أغسطس 2010

حاجة غريبة !


هو ليه الواحد مبيتعلمش بالساهل لازم يعانى قبل مياخد الدرس ؟! كان ممكن يتفادى ده لو سمع نصيحة صغيرة اتقالت له !

ولا واحد يقسو على واحد علشان يعلمه درس يخرجه من التجربة دى انه مش قادر يستفيد باللى تعلمه .. زى مثلا واحد يعلم واحد الجرى ويقسو فى تدريبه لدرجة رجليه تتعب ويضطر يقطعهم !

هو ليه فى ناس بتبحث على اللى ملهوش وجود بس لمجرد انه تفضل تبحث وتقول انها بتبحث ؟!

هو ليه فى ناس بتكون عارفة الحقيقة جواها ولما حد يعلن الحقيقة دى بيتظاهروا انهم اول مرة يعرفوها وانهم متفاجئين بيها ويزعلوا عليها مدة ؟! مهم عارفين من الأول !

حاجة غريبة لما متعرفش ايه الطبيعى وايه الغريب من كثرة الغريب وانتشاره وسيادته !

حاجة غريبة برضه لما تسأل نفسك هو مين اللى ليه الحق انه يزعل انا ولا الشخص الآخر .. ألهذه الدرجة الامر ليس جليا ؟

حاجة وحشة لما تعاند مع نفسك تكون عايز حاجة بس تاخد التانية لمجرد العناد ..

عارفين احلى حاجة فى رمضان ايه ؟ بعد طبعا العبادة وكدة ان العيلة كلها بتتلم فى وقت واحد على الفطار والسحور فى الايام التانية الغدا مثلا بيتحط فى بيتكوا على الاقل تلات مرات وبتاكل لوحدك !

الانطباع الاول بيدوم دى حقيقة .. بجد صعب انه يتغير بعدها وخصوصا لو كان سئ!

شعور سئ لما فى موقف تتخلى عن صفة علشان صفة تانية اتحكمت بقوة اعلى .. صفة مش متناقضة لأ .. بس كان لها سلطة اعلى فى الموقف ده!

حاجة غريبة لما تقعد تنكر حاجة انت عارف انها صح ..  زى مثلا انا قعدت فترة كبيرة انكر ان الأخ لما بيتجوز بيفضل مراته على اخته وبقول ازاى وكدة بس هو ده بجد اللى حيحصل وبيحصل فى تقريبا كل البيوت !


3 قالوا رأيهم:

Ahmed Elfeky يقول...

هو ليه فى ناس بتكون عارفة الحقيقة جواها ولما حد يعلن الحقيقة دى بيتظاهروا انهم اول مرة يعرفوها وانهم متفاجئين بيها ويزعلوا عليها مدة ؟! مهم عارفين من الأول !

I hate that

nice topic

Rawan يقول...

هو ليه الواحد مبيتعلمش بالساهل لازم يعانى قبل مياخد الدرس ؟! كان ممكن يتفادى ده لو سمع نصيحة صغيرة اتقالت له

لان دايما اللى بيقدم النصيحه بيكون اكبرمننا و غالبا بيكون الاب او الام فعشان كده مش بنقدر نتفهم وجهه النظر لان فرق السن كبير و الخبره اكتر وساعات بيبان لينا انهما من زمان ومش قادرين يفهمونا عشان كده انا نسمع الكلام بدون نقاش

الانطباع الاول بيدوم دى حقيقة .. بجد صعب انه يتغير بعدها وخصوصا لو كان سئ!


الانطباع الاول بيدوم دى حقيقة .. بجد صعب انه يتغير بعدها وخصوصا لو كان سئ!


انا مختلفهمعاكى فى النقطه دى الانطباع الاول ببيعتمد ع المظهر عموما لكن بعد كده المواقف بتبين معادن الناس و غالبا بيكون الانطباع الاول خاطىء

الموضوع يا ايمى رائع و هنكمل مناقشه فيه اما اقابلك

Alice يقول...

شكرا
بتبقى مادام الفكرة ركبت دماغ الواحد بيصمم يعملها .. واحم ايه يعنى هو يعنى قليلا جدا جدامن العناد
لأ مبيعتمدش الانطباع الاول على المظهر بس ..وعلى اول كلمة واول تصرف اللى قدامك بيعملهبرضه ماشى بعد كده بيظهر انها طيبة مثلا بس عدم الارتياح موجود
شكرا يا سكر آه بجد عايزين نتقابل ... فى مواضيع كتيرة مكملناش نقاش وكلام وهزار فيها

إرسال تعليق

هنا مساحة للتعبير عن رأيك بحرية ..

ازاي أنا رافع راسك وانتي بتحني في راسي ازاي ؟!

ازاي أنا رافع راسك وانتي بتحني في راسي ازاي ؟!

بحبك يا بلادي

بحبك يا بلادي

جمعة النصر : )

جمعة النصر : )

كلنا ايد واحدة

كلنا ايد واحدة