الثلاثاء، 3 أغسطس، 2010

سراب




عارفين حكاية ان امريكا بتهاجم وبتثير الدنيا على ايران .. واوباما اللى قال (خيار الحرب غير مستبعد) علشان المشروع النووى اللى عندها .. مش حكاية انهم عايزين يحرصوا على السلام فى المنطقة لأ السبب الحقيقى انها عايزة هى لوحدها تكون محتكرة للطاقة النووية اللى بتستخدم فى السلم... بعد كام سنة البترول والمخزون من الطاقة حينفذ فحيبقى السبيل هو الطاقة النووية وخصوصا انها رخيصة لو قلنا مثلا ثمن الكيلووات من البترول بيكلف 10 سنت .. الكيلووات من الطاقة النووية بيكلف 1 سنت .. امريكا بقى ناوية تصدر الطاقة دى فى السنين اللى جاية لكل دول العالم مادام هى المحتكرة وحتبيعه بسعر 5 سنت .. متخيلين كمية التريليونات اللى حتكسبها وكل الدول حتشترى يقولوا( ياه ده ارخص من البترول) بس للأسف ظهر لها منافس ايران كدة يا جماعة المكسب حيقل طب وتعمل ايه ؟ فتهاجم ايران وتثير البلاد عليها .. فى ناس بتقول وانا مصدقاهم ان امريكا نفسها تدى ايران قنابل ومتفجرات نووية مجانا بس تتخلى عن المشروع النووى بتاعها

عارفين برضه احداث 11 سبتمبر تفجير برج التجارة العالمى عارفين الآراء مرة يقولوا العرب ومرة يقولوا اليهود واتهموا فيها بن لادن .. آخر الآراء وارجحها ان امريكا هى اللى دبرت العملية تاخدها فرصة انها تمتد وتوسع وتفرض سيطرتها على العالم وتعمل اللى عملته فى افغانستان واتحكمت بالبترول فى منطقتها .. يعنى هو الشعب الفقير ده ممكن يقود الطيارة المتقدمة دى ؟ بجد كانت حركة .. يعنى بجد امريكا خسرت ايه ؟ مخسرتش حاجة .. ده طلع البرج كمان متباع لجهة ما و4 ألاف يهودى اخدوا اوامر انهم ميجوش فى اليوم ده طب هى كسبت ايه؟ طبعا كسبت الكتير والكتير اوى كمان بقت القوة الاولى فى العالم

انا متعجبة ازاى وصل الضلال برة للشكل دة كان فى كنيسة عايزة تجمع تبرعات فواحد اعلن بأنه بيبيع اجزاء من الجنة اللى عايز يشترى ييجى والناس بتدفع والراجل بيكتب عقود وبتاع لغاية مجه راجل قال (انتوا بتعملوا ايه ؟ ) ردوا عليه (احنا بنشترى اماكن فى الجنة) راح للراجل اللى بيبيع وقاله (انا عايز اشترى النار كلها ) الراجل عمله صك ولا عقد مهو اى كلام المهم حيدفع.. الراجل خرج وقال (يا جماعة انا اشتريت النار ومش حدخل حد فيها فمتخافوش ومحدش يشترى خلاص) مهو كله اى هبل فى هبل


عن عائشة رضى الله عنها أن النبى صلى الله عليه وسلم كان يقول : " اللهم إني أعوذ بك من الكسل والهرم والمغرم والمأثم اللهم إني أعوذ بك من عذاب النار وفتنة النار وفتنة القبر وعذاب القبر وشر فتنة الغنى وشر فتنة الفقر ومن شر فتنة المسيح الدجال ، اللهم اغسل خطاياي بماء الثلج والبرد ونق قلبي من الخطايا كما ينقى الثوب الأبيض من الدنس وباعد بيني وبين خطاياي كما باعدت بين المشرق والمغرب " الدعاء دة حلو


3 قالوا رأيهم:

A fugitive يقول...

موضوع ايران اعقد من كده مش لمجرد الطاقة السلمية وفقط...امريكا واسرائيا عندهم بعبع من قيام دولة بحكم اسلامى..حتى وان كان شيعى..المهم انه يمت للإاسلام بصلة...واكيد خايفة من السلاح النووى..ازاى يبقى فيه بلد غير اسرائيل مسلحة نوويا فى المنطقة؟؟!


امريكا طول عمرها وخصوصا بعد الحرب العالمية القوة الاولى فى العالم..معتقدش ابدا ان احداث 11 سبتمبر تكون من تدبيرهم..ولو على دخول افغانستا فهى مش محتاجة تعمل الحركة دى..طب مهى دخلت العراق ومن غير موضوع الارهاب ده خالص..دى ماما امريكا عندها مليون طريقة عشان تعمل اللى هى عايزاه..وده طبعا ميمنعش انها واخدة موضوع الارهاب تسلية عشان تعمل كل اللى هى عايزاه..

دعاء من اجمل الادعية اللى بحبها جميل جداااااااا

اسلام سعيد يقول...

اظن فى بعض الاجزاء خطأ فى المفال ...مين فال ان امريكا هى محتكرة الطاقة النووية..احنا فعلا على وشك بناء محطة لانتاج الطاقة النووية....
غير كده ..مظنش ان الادارة الامريكية تملك من الغباء ما يجعلها تدمر مبنيان للتجارة..

ايران من حقها امتلاك طاقة نووية زيها زى دول العالم لكن المشكلة (انه يقال)ان المنطقة (خالية)من الاسلحة النووية(طبعا غلط)و ان امريكا عاملة اللى عاملاه حفاظا على (السلام) فى
المنطقة ؟!!!!!!!!!!! اظن ان الموضوع اكبر من كده بكتير و انا رأيى نشوف الامور ترسي على ايه لان مش فى ايدينا نغير مجريات الأمور

Alice يقول...

مع حضرتك حق فى موضوع ايران بس جزء كبير من تفكيرها فى حكاية التريليونات اللى حتكسبها

لأ سبب من الاسباب الرئيسية لدخول العراق ان امريكا قالت احنا خايفين من الارهاب وطبعا لينا الحق بعد احداث 11 سبتمبر والارهاب اللى حصل وقالوا يا خبر صدام حسين معاه اسلحة دمار شامل وانه مبيسمعش الكلام ده خطر بس طبعا هدفهم من ورا ده البترول

كلام على ورق وصرفوا عليه وهو فين المشروع ده يعنى هى امريكا حتخلينا نعمل برضه
بالظبط نشوف الامور هترسى على ايه اغلب الحاجات دى محض آراء

إرسال تعليق

هنا مساحة للتعبير عن رأيك بحرية ..

ازاي أنا رافع راسك وانتي بتحني في راسي ازاي ؟!

ازاي أنا رافع راسك وانتي بتحني في راسي ازاي ؟!

بحبك يا بلادي

بحبك يا بلادي

جمعة النصر : )

جمعة النصر : )

كلنا ايد واحدة

كلنا ايد واحدة