الاثنين، 2 أغسطس 2010

بدون عنوان

هوا احنا فين؟
احنا فى مصر


مصر دى ايه؟
بلد اسلامى ...تنكر


أنا.....أبدا


بس الملاحظ بقى ....الشركات والفنادق وشركات الطيران والمؤسسات الاعلاميه وغيره منهم الناكر


ازاى يعنى ؟


الحجاب .....لمجرد ان الواحده محجبه يبقى مالهاش شغل عندنا
انا مش بهاجم غير المحجبات فكلنا أخوات
لكن بهاجم التحيز
الحريه الشخصيه بتفتح صوتها علينا لو قلنا الحجاب فرض
وقلنا كل واحد حر ....وفعلا كل واحد حر
لكن لم لا تكون الحريه فى لبس الحجاب كما هى الحريه فى خلعه؟؟




هوا ده التحرر الفكرى ؟؟


حسنا....أعترف أننى ظننت يوما أنى الوحيده فى العالم التى بلغت السادسة عشر من عمرها ولم تقرأ فى حياتها سوى قصص الأنبياء وسلسلة هارى بوتر ومجلات الأطفال . يوما كنت أشاهد برنامج فطرح الضيف موضوع القراءه ربما كانت كلماته قاسية لدرجة أبكتنى نظرا لكونى معدومة الثقافه حينها قررت أن أقرأ حين وجدت علامة تعجب كبيره تطل من رأسى حين فتشت عما قرأت خلال 16 سنه حاليا .... أحاول دعوة صديقاتى وزميلاتى للقراءة سويا لنشجع بعضنا بعضا فلست من هواة القراءه بدرجه كبيره وخصوصا لكونى اقرأ عبر شاشة الكمبيوتر وجدت التهكم من الكثير ووجدت الردود " ونقرا ليه أصلا " ...."يعنى هما اللى عرفوا عملوا ايه " وغيرها


ولكن ألسنا حاملى راية المستقبل فكيف لنا أن نحملها دون أدنى فكره عن الواقع المحيط بنا ؟ وربما الثقافه الوحيده المنتشره بيننا "أخبار النجوم" و "أحدث صيحات الموضه"

يووووه...........مش تفكرونى نسيت أقولكم رمضان كريم
هاه .....نويتم تتابعوا ايه من مسلسلات السنه دى ؟
"رمضان شهر القرآن " ......لكن لدينا له مفهوم مختلف .....موووووووسم المسلسلات
فصار التعليق المشهور
"حتى اللى بيتابع مسلسلات بقى مش عارف من كترها "


مسكين الصائم .......هيتابع ايه ولا ايه؟؟
يقال أن الشعب المصرى .......متمسك بلغته لأقصى الحدود فهو من علم المستعمر اللهجه المصريه ولم يتأثر بلغة المستعمر كباقى الدول
هعمل نفسى موافقه .....بس نتمشى فى الشارع ونقرا لافتات المحلات " انجليزى ده يامرسى؟ "


الفرانكو.....لغة الجيل
(مجازا)
مجرد سؤال ....هل من عجز بلغة القرآن؟ لغة أهل الجنه ؟اللغه العربيه ؟
لدرجة ان أجد أفيشات أفلام عربيه بالانجليزى المعرب ولغة الكتابه فى الاعلانات فرانكو
أتلك هى العولمه؟.......
انا مش ضد الفرانكو ...
بس
مش للدرجه دى

















3 قالوا رأيهم:

قبل العالم الأخير يقول...

على نهج محمود درويش ...سجل انا عربى...اقول..سجل انا معجب بهذا المقال..بجد ماشاء الله جااااااااااامد جدااااااااا...البلد الاسلامى والحرية..بجد نقاط فى الجووووووون وبالطبع امر القراءة اللى اصبح ضرورة اكثر واكثر لأن معلومات النت فى اغلب الاحيان مغلوطة والكتب القديمة وحسب مؤلفيها لن تكذب ان شاء الله لأنها كانت شاهدة على العصر..ولازم نعرف الوضع حوالينا كان عامل ازاى عشان نعرف نعمل حاجة دلوقتى ونبص لقدام....رمضان مش بتاعبع غير تامر وشوقية لأنه بيبقى ساعة الفطار وعايز اتابع مسلسل الجماعة بتاع وحيد حامد...موضوع جمييييييل جدااااااا وحلاوته فى قصره كمان :D

Doaa helal يقول...

جميل اوي يا دودو بجد خصوصا التحرر الفكري والحجاب
اما عن القراءة فعندك حق بس الصراحة انا بحب القراءة بس من كتر الكتب الي بنقراها طول السنة انا اخري اقرا قران وشوية كتب بسيطة كده الي هي متتعداش 50 او 60 صفحة
والقراءة علي الكمبيوتر دي مشكله انا حد يجيبلي كتاب كده اقعد علي السرير واجيب كوبايه شاي واقعد بمزراج اقرا اما علي الكمبيوتر وفي حاله عدم وجود النظارة الي مليت منها (نظري مش ضعيف بس عشان محدش يفهمي غلط اانا نظري -.75) بس برده الواحد عينيه هتروح من التدقيق في الكمبيوتر
بالنسبه لرمضان فكل سنة وانتي طيبة احنا هنا معندناش تليفزيون في رمضان ولو فيه اما الجزيرة واما الرحمة ومن قبلها الناس
بالنسبة للفرانكو انا بمقته وعمري ما بقرا كومنت او موضوع معمول بالفرانكو بحس اني الي بيكتبوا بيتفلحس علي القارئ وانا مبحبش كده وعيني بتوجعني منه
موضوع جميل عجبني جداااا

Alice يقول...

زى فى فرنسا اللى منعت النقاب فرنسا اللى بتفتخر انها بلد الحريات يعنى ميسيبوا المنقبات فى حالهم زى مبيسيبوا اللى بتلبس كات ولا بتلبس ايه دى ما علينا والشيخ الطنطاوى اللى قال قرنسا من حقها تلات مرات ماعلينا الميت متجوزش عليه غير الرحمة ولا الممثلة اللى لبست الحجاب لقت ان مفيش شغل راحت قلعته وجالها شغل بجد خسارة فيها اصلا
على فكرة انا برضه كانت اقصى حاجة قريتها هو رجل المستحيل وقصص اجاثا كريستى وفلاش وميكى لغاية مخلصت ثانوى يعنى اقصد عادى الواحد بيكون طفل يدخل ثانوى يخرج يبقى حد تانى يبقى باين شاب زى م بيقولوا .. بس على فكرة حكاية القراية على الكمبيوتر دى رخمة لو لاب ماشى يبقى فى الظلمة وعلى الرجل وجنبه نسكافيه وكله تمام لكن الكمبيوتر العادى رخم
جملة اللى عرفوا عملوا ايه الجملة دى انا بكرهها اخويا الكبير بيقولهالى ليلة الامتحان ويقولى تعالى اتفرجى الفيلم ده جامد بس هو طيب

بجد للأسف رمضان بقى موسم المسلسلات وفى مسلسلات بيجيبوا فيها راقصات ويقولوا سلى صيامك يا نهار ابيض

انتى عارفة ليه الفرانكو انتشر ؟ علشان بيوفر فى الرسايل على الموبايل (انا بهزر ) غير الفرانكو اصلا شوفى اللى احنا بنستخمه فى الطب زى النرفات ايه النرفات دى ميقولوا الاعصاب وخلاص عادى عولمة عولمة مع انى معرفش معناها بس ما علينا

واخيرا بعد التهييس اللى فوق الموضوع جميل يا بيرى
ومعلش اتأخرت فى الرد علشان انتى كتبتيه فى يوم كان ورايا اليوم اللى بعديه شفوى فملحقتش اقراه ده كان الموضوع التانى فى اليوم لحقت بس اقرا الموضوع الاول

إرسال تعليق

هنا مساحة للتعبير عن رأيك بحرية ..

ازاي أنا رافع راسك وانتي بتحني في راسي ازاي ؟!

ازاي أنا رافع راسك وانتي بتحني في راسي ازاي ؟!

بحبك يا بلادي

بحبك يا بلادي

جمعة النصر : )

جمعة النصر : )

كلنا ايد واحدة

كلنا ايد واحدة