الجمعة، 13 أغسطس 2010

.. وبس



انا بس كنت عايزة اقول انى فعلا سعيدة بالمدونة .. والناس المشاركين فيها .. واللى متابعينها .. انا حكتب اكتر المواضيع اللى عجبتنى هنا فى المدونة : ذكرى من انسانة احبتك بجنون , عيون الموناليزا , صدمات , رسائل , رسالة حب , خدعت نفسها , بحثت عنك , كلمات , اقنعة ولكن , تائه ام تأبى البيات , مجرد اسئلة , خلوا بالكوا , هندس عقلك , اللهم بلغنا رمضان , زور يقال , همسات , رابطة الإيمان , رحلة البحث عن حبيبتى , ببساطة مصر , خاطرة عقلك , حكاية روح , انا سعيد , مجرد ذكرى , عودة الى الماضى , سلسلة تزكية القدس و المسجد الاقصى .. وشعر يوهان جوته.. وسعيدة بأن عدد كبير مشارك عشرين ( ليس تسعة عشر ) وان شاء الله يكتر العدد .. دى حاجة تفرح

حاجة حلوة جامد ان ممكن اى حد يستغل المدونة انه يقول كلام يوصل 500 شخص ويؤثر فيهم بس برضة بيتحمل مسئولية الافكار اللى بيكتبها لو كانت سلبية

تبقوا تقرأوا تفسير القرآن بجد والله متعة وشعور رائع فعلا لما الواحد يفهم الآيات ويعرف الموقف اللى نزلت فيه الآية دى ونزلت فى مين

برضه حاولوا تقرأوا فى كتب الفقه بس المشكلة ( هى مش مشكلة اوى ) ان الواحد يعمل باللى يقراه ويحاسب فى تصرفاته من حاجات مثلا مكنش بيعملها مضبوط اوى علشان كدة مش حيبقاله حجة لأنه عرف

بجد ربنا يكرم تلك الزوجة الشابة الحامل التى تصلى التراويح

star Bucks Coffee
الكافيه ده بيقال انه بيقدم احلى قهوة ممكن تشربها وتلاقى فاتح فى اكبر المولات وعنده ناس زحمة انا بعمل دعاية ليه علشان محدش يتهمنى بالتشهير الكافيه ده كل خمس كوبايات قهوة تمن اربعة بيروح لإسرائيل ومش للتعمير والبناء لأ للسلاح الاسرائيلى حاجة تجيب الفخر وتلاقى مصريين كتير بيرتادوا هذا الكافيه ده حتى شعاره واحدة ست رمز لأميرة يهودية واسمه كمان المال اللى رايح للنجمة اللى هى نجمة اسرائيل

وبس

5 قالوا رأيهم:

Doha يقول...

اتلخبط اوي
من الموضوع كله
واحلى حاجة اني مش عارفة انهو موضوع بتاع مين :D:D:D

فعلا حاجة كويسة ان فى فكرة بتتنشر عند ناس كتير
بس فى ناس بتطنش
وفى ناس مبتكلفش نفسها تقرا
وأوقات كتير الفكرة مش بتوصل
سلبية او ايجابية
واحيانا اللى بيشوف فكرة سلبية مش بيناقشها !

آخر فقرة بجد مدايقاني
انا معرفش الكافيه ده أصلا وكويس اني معرفتوش
:D

Alice يقول...

انا حافظة المواضيع وبتاعة مين بالتعليقات بعددها .. يا نهار ابيض انا بقعد كتير على المدونة .. انا كتبت اكتر الحاجات اللى عجبتنى كل الحاجات عجبانى بس دى اكترها من وجهة نظرى وعلشان اللى محتار يقرا ايه فى المدونة ينشن على اى موضوع من دول
الكافيه ده انا برضه اتشليت لما عرفت الحكاية دى

Eslam Fouda يقول...

على فكرة الكافيه ده في مطار القاهرة
و انا كدة دافع تمن بندقيتين على الاقل

Doha يقول...

حلو اوي
قوليلي بقى علشان بضور على حاجة من الخواطر للمجلة ومحتاسة سيادتي
قولي بتاع مين وفى ركن ايه !

Alice يقول...

مهو موجود فى كل حتة للأسف
فى ضحكنا كثيرا ليكى وبرضه هل من احد بداخلى ام انه شبح

إرسال تعليق

هنا مساحة للتعبير عن رأيك بحرية ..

ازاي أنا رافع راسك وانتي بتحني في راسي ازاي ؟!

ازاي أنا رافع راسك وانتي بتحني في راسي ازاي ؟!

بحبك يا بلادي

بحبك يا بلادي

جمعة النصر : )

جمعة النصر : )

كلنا ايد واحدة

كلنا ايد واحدة