الأحد، 28 فبراير 2010

انا كده كويس

انا كده كويس ...........كلمة سمعناها وقولناها كتير كلمة بتتكرر كل يوم وفي كل موقف

تلاقي الابن داخل البيت بخيبته وبيقول لباباه اللي شال الهم وسهر وتعب علي لما جابله ثمن الكورسات والاقلام

ومصاريف الكلية ومصروفه الي كل يوم عاوز يزوده داخل عليه بدون خشي

" بابا باركلي عدييييييييييييت "


وابوه بكل سذاجة "عديت من ايه يا حبيبي "

" عديت من الامتحانات ونجحنا "


الف مبروك يا حبيبي فرحني عملت ايه "

" الحمد لله مقبول "


وطبعا الصدمة تتملك االاب ليه يابني هو انا قصرت في حاجة معاك

" ياعم الحاج صلي علي النبي انا كده كويس احنا هننهب ده احمد وايهاب ونادر نزلوا السنه دي "

ادي موقف من المواقف ليه بصيت لايهاب واحمد

ليه مبصتش للي احسن منك وتحاول تبقي زيهم


ليه تقول انا كده كويس ليه متقولش انا عاوز ابقي احسن

وموقف تاني تلاقي انت قاعد مع زميلك بعد لما رجعت من صلاه العصر

واذان المغرب قرب
ويسالك الا هي الساعة بقت كام دلوقتي

وانت تقوله ان خلاص المغرب هياذن


فيستاذنك انه هيقوم يخطف العصر ويجي مع التركيز علي كلمة يخطف

ولما يخطف العصر ويجي تساله انت كنت ناسي ولا ايه ليه مجيتش تصلي في المسجد

هيقولك يا عم الحمد لله اني صليت انا كده كويس احسن من غيري كتير ده فيه

ناس مبيركعوهااااااااااش عارف يعني ايه وبعدين انا بصلي الجمعة كل جمعة

اه الجمعة ذكرت في القران


ادي نموذج تاني ليه متبقاش افضل وتصلي الوقت في وقته

مش هياخد منك خمس دقايق وقت اغنيه من الي


بتسمعهم ولو بتسمع كاظم ولا العندليب ولا ام كلثوم

هيكونوا الخمس دقايق دول وقت الموسيقي اللي في االاول


ولو كلمت حد علي سلوك مش عاجبك ونصحته انه يبطله

لو فرضنا انه السجاير صاحبك وخايف


عليه ونفسك يبطلها ولو قلتله هيرد عليك " يا عم حل عني انا مبسوط كده

وبعدين انا كده كويس مش احسن من
الي بيشرب مخدرات ولا اللي بيشربه خمرة "

ليه انت كمان بصيت للخمرة ليه مبصتش ان السجاير حرام ولازم تبطلها وانها بتدمر صحتك

الحال بقي صعب اوي والناس كلها بقت بتقول انا كده كويس واحسن من غيري كتير

لو كل واحد قال كده هنفضل مكاننا ولا هنتقدم ولا هنتقدم ممكن نتغير ونتاخر

لو انت او انتي ايوه ياللي بتقروا بتقولوا الكلمة دي كتير حاول تقلل وابدا اتقدم وفكر انك تكون افضل

وبطل بقي انا كده كويس

خليها انا كويس بس لازم ابقي احسن

2 قالوا رأيهم:

Perry يقول...

فعلا لازم الواحد يحاول يحسن من نفسه
موضوع جميل اوى

Lost Hope يقول...

حلوة
بس سؤال هو انتى ملقتيش اسماء تانية غير احمد وايهاب طب سيبك من احمد علشان يتكرر كتير وفى كل بيت فى واحد اسمه احمد جبتى اسم ايهاب ليه بقى وبتفولى عليه كمان حرام عليك

إرسال تعليق

هنا مساحة للتعبير عن رأيك بحرية ..

ازاي أنا رافع راسك وانتي بتحني في راسي ازاي ؟!

ازاي أنا رافع راسك وانتي بتحني في راسي ازاي ؟!

بحبك يا بلادي

بحبك يا بلادي

جمعة النصر : )

جمعة النصر : )

كلنا ايد واحدة

كلنا ايد واحدة