الأربعاء، 24 فبراير، 2010

مواهب ضامرة


بسم الله الرحمن الرحيم





مواهب ضامرة ...

تتكرر تلك الكلمة في عقلي كثيرا كلما قرأت قصة أو خاطرة أو قصيدة لإحدى صديقاتي أو لأحد من زملائي...وحين أبدأ في مدح ما كتبوا...لا أجد سوى تواضع كاذب أحيانا وغرور صريح في أحيان أخرى ...لكن أكثر ما رأيت من ردود هو السخرية من قدرته ... وإخباري بأنها لم تكن يوما موهبة ...وبأنه توقف عن الكتابة أو حتى ممارسة هوايته منذ وقت طويل.... ويصعب الآن استعادتها ...

أو أن أحاول أن أشجعهم على إخراج مكنوات صدرهم ...ومحاولة البحث بين ثنايا وطيات أنفسهم كل جميل ومبدع...فأجد السخرية من تفاؤلي الزائد عن الحد...أو أحيانا لا يكلفون أنفسهم عناء الرد...ويتركوني وكلماتي ...نهذي سويا ...في صحراء المواهب المدفونة ....

تعلمت في مادة الphysiology عن العضلات ...أو أجزاء الجسد أنها تضمر إذا لم تستخدم بمرور الوقت ....فحينما تكسر يدك وتضعها في جبيرة لعدة شهور....تجد يدك رفيعة أكثر من اللازم...ولا تكاد تحركها ....حتي تستعيد عضلات يدك حالتها السابقة ...واذا ازاد المراس والتدريب ...ازدادت عضلاتك قوة ....وأصبحت أفضل من البداية ....


إلى حد كبير أرى تشابها بين المواهب والعضلات ....فحين نتوقف عن ممارسة هواية نحبها لسبب ما ....ولفترة لا تكون قصيرة ...نشعر بالغرابة حين معاودتنا ممارستها ونشعر أننا لم نكت كما كنا ...فينتابنا اليأس والإحباط...ونعاود تركها من جديد ...لتكمل مرحلة ضمورها ...إلى أن تختفي أبديا .....

لست في حاجة إلى أن أخبر الجميع كيف أن التعلم يزيد صقل المواهب ...وكم نحن في حاجة إلى تنمية مواهبنا ....ربما لأنكم تعرفون هذا الكلام مسبقا ....أو لأني ما إن أبدأ في ذلك الحديث حتى أجد السلبية ....فلا أحد يتجاوب معي .


الآن صرت أتردد في الحديث عن ذلك الأمر...وأخجل من حث الكثير على الاستمرار فى الكتابة ثم لا أسمع سوى أصداء صوتي ترتد عائدة إلى لتخبرني بأنه لا أمل .

11 قالوا رأيهم:

قلب نابض يقول...

الأمر نفسه يشبه البحث عن الذات

معاكي حق

Dawlat Nader يقول...

انتى عارفه ياضحى
بجد انتى ودعاء شجعتونى انى مارميش اللى كنت بكتبه ...انا فعلا كتابتى مش اوى بس عارفه بحس انى بعمل حاجه لما اكتب مش مهم مستواه بس المهم انى اعبر
بس ماعتقدش انك لما تقولى لحد انه بيكتب كويس مش هيكلف نفسه عناء الرد (ولا ايه ؟)

Heidenröslein يقول...

لا لما اقولهم يكتبوا

يعني مثلا عملت فى مرة موضوع على جروب كليتنا وقلت اننا هنعمل مكان نجمع فيه كتاباتنا واى حاجة وننمي موهبتنا وفى ناس كتيرة بيكتبوا كويس
محدش رد
ولا كلمة
كان منظرنا توحفة ساعتها .........

Dawlat Nader يقول...

انا مشوفتش الموضوع ده
بس هقولك هو غالبا الموضوعات وكده مش كله بيشارك فيها
انتى عارفهاحنا محتاجين نعمل دعايه للمدونه عشان الناس تتشجع وتشارك ممكن يعنى انا ملاحظه ان فيه ناس مش بيشاركوا خالص

Heidenröslein يقول...

طيب انا بس مستنية الامتاات تخلص ...عشان كده بس مش عاوزة اضغط على حد ...وحلوة موضوع الدعاية ده...اتعمل وفضل :D

Dawlat Nader يقول...

ممكن كلنا نعمل اسامى نيك نيمز واللى نكتبه تنشريه من الاكاونت بتاع ضحك ولعب وجد على الجروبات
ده مجرد اقتراح جه فبالى بخصوص الدعايه

Ahmed Adel El-Feky يقول...

الدعاية الدعاية .. دى المشكلة على فكره .. الجروب بتاعكم لازم يكون عملى اكتر من كده كل ما موضوع جديد يتنشر يبقى فى جزء منه يتبعت فى رساله مع اللينك بتاع المقاله اللى محطوط فى المدونه .. بالإضافة إلى أن الجروب المفروض ميبقاش بيركوست !! والمفروض تدوروا على مدونات الناس التانيه وتردوا على مواضيعهم وهما يجوا يردوا عندكم ودوروا على تجمعات المدونين على الفيس بوك وحطوا لينك المدونه بتاعتكم .. الموضوع مرهق و عاوز صبر


بالنسبة لموضوع الكتابة .. تصدقى وتامنى بمين ؟ احيانا بيبقى هاين عليا ابوس ايد اللى قدامى عشان يكتب وهوا برضه مفيش الموضوع مش موضوع مواهب مدفونه على ما أد هو سلبيه !! وطبعا التبرير الجاهز للكتير أحنا مش فاضين !!

Ahmed Adel El-Feky يقول...

أعملوا صفحة فان بدل الجروب .. أشيك .. ثانيا هتلم عدد كبير فى وقت قليل وممكن تربطها توماتيكى توماتيكى :D بالمدونة عشان أى حاجه تتنشر تتظهر على صفحه الفان على طول .. وكمان ناقصكم انكم تحطوا المدونه على النيت ورك بلوج وتعملولها فولو بدل الفولورز بتاعت جوجل .. ممم إيه تانى .. ممم أه تنوع المواضيع .. بالإضافه إلى التيمبليت لازم يكون لافت للنظر .. وكمان أفتكر انى اقترحت فكره قبل كده وهيا انكم تتفقوا انكم تكتبوا عن حاجه انتوا كلكم وكل واحد يتناولها من وجهه نظره .. اللى بيميز البلوج بتاعكم أساسا انكم اكتر من حد .. ودى ميزه لو عرفتم تستغلوها كويس ..

بس كفايه عليكم كده بقى .. عاوزين نشوف تنفيذ .. :D

Heidenröslein يقول...

اول حاجة بس هقولها ان فكرة حضرتك والله لسة متكلمة عليها انا ودعاء من يومين وعاوزيني ننفذها من زمان فعلا بس المشكلة الامتحانات وانا مقدرش اكلم حد اقوله حط مواضيع لاننا فى وقت زنقة ....

وبالنسبة لموضوع الدعاية النصايح والله مفيدة جدا بس بتبقى مشكلة لان الواحد خبرة طبعا فى النت ...كفاية عليه يدخل يكتب ويطلع :...كمان مفيش وقت عشان اضور على الجروب والله هي بس زنقة الامتحانات ي تعدي وهزقطط المدونة ان شاء الله ...:D

Ahmed Adel El-Feky يقول...
أزال المؤلف هذا التعليق.
Ahmed Adel El-Feky يقول...

الموضوع لا خبرة ولا بتاع .. بس عموما بالتوفيق إن شاء الله ..

إرسال تعليق

هنا مساحة للتعبير عن رأيك بحرية ..

ازاي أنا رافع راسك وانتي بتحني في راسي ازاي ؟!

ازاي أنا رافع راسك وانتي بتحني في راسي ازاي ؟!

بحبك يا بلادي

بحبك يا بلادي

جمعة النصر : )

جمعة النصر : )

كلنا ايد واحدة

كلنا ايد واحدة