الأحد، 18 يوليو 2010

فاتانيستا .... إلى أين ؟

(صورة من نخاع الكلية .. من كان يصدق أن وسط تلك البقعة قد يوجد شىء بهذا الجمال ؟!)


 قلت لك في المرة السابقة .. وداعا ..

وها أنا ذا أسألك إلى أين .. ؟


إلى أين بعد تركك ذلك الأثر العميق .. أو ذلك الجرح الغائر ؟
صدقيني عزيزتي .. فلن تتمكني من مسح تلك الذكريات .. ومسح تلك الدموع والقبلات .. !!

عذرا فقد بدأت في الـ - تخريف - كما يقال .!!. لكن .. لم لا أهذي وأنا على وشك أن أبدأ في سرد حبي المجنون .. الثاني  .. الأناتومي !!

Anatomy

أو كما يقال بالفصحى - التشريح -

واسمح لي عزيزي أن أوضح من يقصدون بالتشريح .. أهو تشريح الجسم البشرى - كما يدعي أولئك الأوغاد !! -  ؟؟  أم تشريح .. طالب طب - كان الله في عونه وعون أبوه وأمه وإخوته وجيرانه وأهل الحتة والشارع وأحلى سلام لطنط بكيزة بنت عم مرزوق - ..

مجرد عينة لما يصيبني حين يذكر أمامي كلمة التشريح .. حالة نفسية عافاكم الله منها !


محاضرات تلك المادة العتيقة لا أذكر منها سوى د/ مكرم ذو القلب الطيب الأبيض الناصع  - عشان زملكاوي - والذي لأجله رفعنا كلنا ذلك العلم الأبيض معلنين استسلامنا لما قد يحدث لنا على يد غيره من المحاضرين .. لم أحضر كثيرا لأحكم .. لكنه كان الأفضل .. على ما أظن ..
لا زلت أذكر د/ منى وتفانيها في شرح المقدمة .. ولا أود أن يذكرني أحد بأنها هي من وضعت الإمتحان .. ! على الرغم من حسها المرح ولطافتها ...... !  لقد أثبتلي ذلك الموقف تلك المقولة الشهيرة .. ( في الطب  .. ترى العجب !! ) ..

سكشن الأناتومي .. هو يوم مميز .. بكل ما فيه من الأحداث والوقائع .. ألطفها على الإطلاق أن ذلك السكشن يؤخذ في المشرحة - على أساس إنه المفروض يتاخد في الجونينة يعني  !! - .. لكن الطريف أن المخلوق الطبيعي حينما يدخل المشرحة عليه أن يقابلها بلتقديس والتبجيل كما يقول ( الصعيدي ) .. وسيأتي التعريف لتلك الكلمة بعد قليل .. لكن دعوني أخبركم أن المخلوق الطبيعي يجب أن يتجنب دخول المشرحة بالطعام والعصائر وخلافه .. لكن طالب الطب المجتهد لا يحلو له الأكل إلا يوم السكشن .. كما أن معدته المبجلة  تستيقظ على رائحة الفورمالين المحببة ..


آه .. بخصوص الفورمالين .. اعتدنا في الأفلام ذلك المشهد الرومانسي حيين تصاب الفتاة بالدوار ثم الإغماء ليلتقطها زميلها ويتبادلان قصة حب ولدت مع فورمالين .. ومن الطبيعي أن تنتهي في المشرحة ! .. لا أذكر حدوث ذلك في أى من أيام السكشن ( مبنشوفش الحاجات دي عندنا ! ) .. وهنا مرة أخرى تتجلى المقدرة الفائقة للمصري بوجه عام وطالب الطب بوجه خاص في القدرة على التحمل .. - اذا كانت المعدة بتهضم الزلط , هيصعب عليه شوية فورمالين ! - ..



المعركة ..

وصف دقيق لما يحدث في السكشن .. ولن أقول أن وصف المعركة ينطبق على شرح المعيدين وهم يتعاركون مع المعلومة أو عراكها مع عقولنا لكي تدخل أو عراك الملل مع ارتفاع درجات الحرارة .. لكن تلك الكلمة تنطبق على ما يحدث بعد أن ينتهي المعيد من الشرح ويستعد الطلبة للمشاهدة - عالطبيعة - .. ويصطف الجميع أمام الجثة .

عذرا فقد أخطأت في كلمة يصطف .. ففي العلم لا شىء يدعى الإصطفاف أو النظام أو أى شىء من هذا القبيل .. بل هناك .. معركة !!

أولها القتال مع غيرك من الزملاء للوقوف في أقرب أو أعلى مكان للتحكم بمنظور الرؤية الكاملة .. وقد ينتهي ذلك القتال المرير إما بالنصر بالتمركز فوق الجثة أو في فم المعيد أو حتى فوق غيرك من الزملاء - قال زملاء قال !! - وإما ينتهي بالشهادة .. لتخرج جريحا مصابا بشدة بلوزة أو قطع في الطرحة أو خدش في القميص - انت ونصيبك - أو صريعا .. بلا جراح لكن بلا يد أو قدم لتمشى عليها .. !!

بعد أول مشهد تصل لنتيجة حتمية .. أنك لن تحاول القتال مرة أخرى .. أو ستحاول وأنت وائق من النصر !! ( ابقى قابلني !)

مشهد طريف حينما تنال النصر أخيرا وتتمركز على إحدى الكراسي لتبدأ في توجيه نظراتك إلى المعيد أو محاولة سماع الصوت .. لتجد نفسك قد تتهاوي فتنزل قليلا .. وبمجرد أن تطأ قدمك الأرض تكتشف أن قد تعرضت للإحتلال من قبل متطفل على موقعك .. لتلعن ذلك اليوم لذي تركت أرضك للغرباء ..

اللطيف أنك تقف مبهوتا من ذلك المشهد العجيب وتحاول أن تدرك ما حدث للتو .. لتتجاوز تلك المحنة مستسلما - لأنك مؤدب ومش بتاع مشاكل - فتذهب لإحضار كرسي آخر .. أو تخرج مخزي الجبين ..

الجميل أنك قد ترى عدوك اللدود الذي احتل موقعك فتحاول التحدث بلباقة واستعادة حقك منه - بالذوق - لتجده قد تركك وذهب بعيدا .. وحين تعرف اسمه وتقرر أنك ستنسى الأمر .. وحين تراه تلقى التحية بقولك - ازيك يا سعيد/ة ؟ - لتجد الرد بابتسامة وفم ينطق بـ - الحمد لله - وعقل يضحك ويقول - عبيط ده ولا إيه - .. !!

والله كانت أيام .. ! أحلى حاجة انك بعد ما المعيد خلص توزيع اللحمة تحاول تضور على حاجة جديدة استفدتها متلاقيش حاجة تعوضك القتال المرير اللى فات ..

د / سامح


دكتور جميل
دكتور معقول
مقدرش أقول حاجة عنه ..

الحقيقة أنه كان المنقذ .. لن أخبركم عنه فالجميع يعرف من هو .. ويكفيني فقط أن أسطر تلك الجملة بأن الجميع يحبك ويحترمك كأخ قبل أن تكون معلم .. فلك جزيل الشكر ..

بس بالله عليك  تبطل الأفشات العجيبة في وسط الحصة !!



انتهت المهلة
وحان وقت السداد .. !

تبا لك فاتانسيتا .. ! لم لم تدعينا نمر في سلام .. لم أجبرتنا على دخول الإمتحان !

في البداية .. امتحان العملى .. تحفة فنية .. اكتفي جميع من كان حظه العسر في اليوم الأول بمشاهدة الـ Spot كتحفة فنية غريبة الصنع والمنشأ والتكوين ثم الخروج من ذلك الإمتحان مبهوتين ..

الصعيدي .. كلمة أعجمية خبيثة .. لا داعي لأن أعرفها فتكفي الدعوات عليه أن تخبرك أنه واضع الإمتحان .. !

فاجعة أخرى في آخر يوم .. اكتشفوا عن طريق الخطأ أن هناك من يغش .. - ووالله العظيم محد غشش حد حاجة - إلا أنه وسواس قهري جعلهم يغيرون الإمتحان .. وكان قريبا لإمتحان الصعيدي .. !

سؤال يتأرجح في ذهني الآن .. فقط أريد أن أفهم ما  الذي يقيسه امتحان كهذا ؟ ! أو امتحان كالذي أتى في النهاية ؟ !

" هق هق هق ... لا شىء  !!! "            .من الأقوال المأثورة عن طب طنطا !


الإمتحان النهائي .. إحساس رائع وأنت تنظر إلى ورقة الأسئلة لتقوم مسبقا بتأجل الأسئلة التي قد - ولا حظ كلمة قد - تكون صعبة .. ومع نزول عينيك وقلمك في ورقة الإمتحان تكتشف أن السؤال الوحيد الذي يمكنك أن تجاوب عليه هو كتابة اسمك على أول الورقة ويا للأسف ( معليهوش درجات ) !!


لا تنكر عزيزي المنحوس - أن الدكاترة بيحبونا - فبعد تقديم تلك الوجبة الرائعة  .. لازم يجيبوا التحلية  - امتحان McQ

سؤال ساذج إلى حد ما .. ليخبرني أحدكم معنى تلك الإختصارات .. !!


أليس أمرا مخزيا ألا تعرف معناها بعد مرور سنة من وجودك في تلك الكلية العتيقة  ؟! .. كما هو أمرا مخزيا أن تسأل صديقك هو قسم البايو في الدور الكام ؟ ! ...



تذكر دائما تلك الكلمات وأنت مقبل على أى ذكرى للكية ... وكل مفاجأة من مفاجآتها ..

مرحبا بك عزيزي في كلية الطب  !


لسة كمان شوية !




9 قالوا رأيهم:

Rouan يقول...

gamda ya do7a ana mkontsh 2dra 2b6al dehk ............ana fakra kways sekshan 2l anatomy kona bnd5ol sa3a me6a5r w ne6la3 nos sa3a badry.............go on luv it kteeeeeeeeeeeeer

Ahmed Elfeky يقول...

جامده .. نُحفة .. مش لاقى كلام يوصف الروعه اللى انا كنت شايفها من شويه .. أستمرى ..

Doha يقول...

ألحمد لله يا روانة اني ضحكتك
مع انك مبطلتيش ضحك من الصبح أصلا

شكرا على التشجيع .. سأستمر :D

sando يقول...

do7a.......el section da ana 3arfah.....da bt3na 3lshan keda batalt el siction elgamil dah..wala el2akl fi el mashra7a....bgd ganmil gdn ya dodo and so funny and goodbye fatanseta....so beautiful ya dodo 

Alice يقول...

تلاقى اختصار كلمات
multi choose questions
د مكرم بجد لو كان كمل شرح والله مكنت اخدت كورس علشان دكتور رائع مشفتش زيه فى الاناتومى ودمه خفيف
بخصوص د سامح مش الجميع وجهات نظر برضه
جميل الموضوع

Alice يقول...

اغانى المدونة جميلة بس اللحن الاخير كئيب لدرجة بس حلو جامد

Doha يقول...

اه يا ساندرا صح هو سكشنا وانا اللى بيتقال عليا عبيطة دي ولا ايه عشان مباخدش حقي بالدراع .. والله انا بخاف على البنات من الجثث بخاف يكلوها .. :)

اه طبعا يا ايمان اختصارها كده
وبيحطوا أسئلة صح وغلط ضمن الاتشووووز .. :D

اه طبعا لازم الأغني تبقى حلوة .. آخر واحد لقيته بالصدفة وهو حزين أوي فعلا لو مش عاجبك أشيله
قال يعني تقدري تقولى حاجة !
:P

قبل العالم الأخير يقول...

هو فين نخاع الكلية ده عشان ابقى اروح هناك ؟:D

ههههههه بالنسبة للمشرحة ههههههه فبجد انا فاكر كويس اصحابى اللى اكبر منى وهما بيقولولى ان البنات هما اول ناس بتندفع ع الجثث
وفعلا طلعت حقيقة يعنى انا كنت متخيل ان المفروض احنا اللى قلبنا جامد وبتاع والبنات هتكون فى رهبة او حاجة كده
لكن بجد معركة هى الوصف الدقيق لما يحدث
طبعا ياريت محدش من اخواتنا البنات يزعل محنا كمان فينا العبر من تناحة واستعباط ولا مبالاة
بس كله بيعدى:D:D

معلش لازم اقول الموقف ده
كنا فى ايام مراجعات الاناتومى العملى فى المشارح والدنيا زحمة جدااااا
المهم دخل عمو الصعيدى وفى ايديه المسًاحة وبيقول يلا يلا انت وهو امشوا
العهدة عليا واتحاسب عليها قدام ربنا
يلا من هنا المشرحة هتتقفل
طبعا انا كرامتى بتنأح عليا جامد لكن كان معانا ولاد دكاترة كتير وعدت
تانى يوم كان واقف بيشرح فى المشرحة لولاد الدكاترة
وفى امتحان العملى بعد ما اخد موبايلاتنا واحنا اتكلمنا وصوتنا على دخل و هو وقوووووور كده ههههههه ويقولنا بقى بالزمة ده سلوك حضارى
ههههههههههه عمو الصعيدى بيتكلم عن التحضر
يلا ربنا يهديه ويهدينا والغريب انه مطلعش استاذ ولسه واخدها قريب لما شوفت اليافطة فى اول الكلية :D

دكتوووووور سااااامح ده اسطورة ما شاء الله تسأله فى ريفلكس فسيو او امثلة هستو تلاقيه شغال زى الفل
حقيقى الكلية اللى خسرته مش هو اللى خسرها

ههههههه وفعلا عليه قلشات بنبقى هنموت من الضحك :S:S

multiple choice questions سؤال بيثيرنى وبيحسسنى انى دكتور وكده فى الفسيو بس لكن فى الباقى بكرهوووووووووووووه


معلش طولت جدااااااا كالعادة:D بس بدل ما ننزل مواضيع كتييييييرواصلا حضرتك بتقومى بالواجب وبتوصفى اللى بيحصل بالظبط

اخيراااااااا
مرحبا بك فى كلية الطب !طب طنطا!!

Doha يقول...

نخاع الكلية ده جنب الباب على طول :D

مفيش تعليق عالصعيدي لانه باين عليه صعيدي فعلا .. بس الحمد لله مش بلدياتنا احسن تبقى مشكلة
:P

شكرا د/ يس على ردك ..
ومرحبا بك فى كلية الطب

إرسال تعليق

هنا مساحة للتعبير عن رأيك بحرية ..

ازاي أنا رافع راسك وانتي بتحني في راسي ازاي ؟!

ازاي أنا رافع راسك وانتي بتحني في راسي ازاي ؟!

بحبك يا بلادي

بحبك يا بلادي

جمعة النصر : )

جمعة النصر : )

كلنا ايد واحدة

كلنا ايد واحدة