الخميس، 29 يوليو، 2010

التليفونات











التليفون بيرن......












( اهواك و اتمنى لو انساك.........)














هنا (برقة شديدة) : الو




امير: ايه الصوت الحلو اللي ع الصبح ده






هنا : ميرسي يا حبيبي مفيش احلى من صوتك




امير : ايه بتعملى ايه النهارده ؟








هنا : مفيش قمت من النوم النهارده و انا بقول ميرو ميرو ميرو (طبعا دي مروة صاحبتها مش امير)




و ماما دخلت عليا و قعدنا نتكلم عنك ساعتين ( و هي اساسا لسة صاحية من 5 دقايق )




و الله يا أمير ماما بتحبك اوي مش عشان حاجة انت بتجيبها وانت جاي


انت عارف دي آخر حاجة احنا بنفكر فيها






امير (في سره) : اخر حاجة دا انتوا خاربين بيت اهلى


اهم حاجة انك تكوني مبسوطة يا حبيبتي




مش انا كنت بحلم بيكي طول الليل






هنا: بجد كنت بتحلم بايه ؟






امير: حلمت ان انا و انت اتجوزنا و الفرح خلص و مروحين و انت كنت لابسة ابيض في ابيض


(طبعا هو اساسا كان صاحي على كابوس عايز الحرق)






هنا : الله انا بحلم باليوم ده يا امير






امير: ان شاء الله يتحقق يا هننونتي




يلا اقفلي بقى




هنا : لا اقفل انت الاول




امير: (ام الموال بتاع كل مكالمة)




خلاص هنعد من واحد اتلاتة و نقفل سوا




1 2 3 و قفل امير علطول




هنا : انت ماقفلتش ليه


امير امير امييييييييير (طبعا دي هتبقى خناقة لرب السما بالليل)






********************************************






بعد الجواز بسنتين








التليفون بيرن










سيد مصطفى(متقلبش المواجع الجرح لسة واجع......)




















هنا (بخشونة صوت غير مسبوقة) : الووووو




امير : نعم






هنا : انت هترجع امتى؟




امير: وقت مابرجع بس لو مش عايزاني ارجع ان ممكن ابات بره (اريح)






هنا : عايز تهرب






امير: هو في حد بيهرب من قدره (انا حاسس ان ربنا بيعاقبني) عايزة حاجة






هنا : عايزن حفاضات لابنك






امير: هو انت معندكيش ايدين و رجلين ماتنزلى تجيبي


و لا هو كل حاجة امير امير هو انا امير البحار








هنا : هو الواحد معدش يعرف يتكلم معاك






امير : اه انا مفيش حد بيعرف يتكلم معايا






هنا : يا امير اليوم ده مش بيفكرك بحاجة دا عيد جوازنا




امير: (دا اليوم اللي انا وقعت في في الفخ)

لما ارجع هنبقى نقف دقيقتين حداد على الجريمة دي


وبعدين انا ورايا شغل


سلام

5 قالوا رأيهم:

just like a heaven يقول...

gamel awy awy

^_^

keep it up

fouda يقول...

الفكرة الاساسية في الموضوع ده انه بلاش سهوكة بزيادة في الخطوبة عشان الدنيا ما تبقاش سودة اوي كده بعد الجواز

Think Pink يقول...

like
:)

shahenda shalaby يقول...

الموضوع جامد
فعلا لازم تكون الامور طبيعيه وكل واحد يتصرف بطبيعته
ومش يكون فى سهوكه ورقه لدرجه تكون اوووووووووفر وتخنق بجد
وبعد كده يظهر ويبان المستخبى من عصبيه وزعيق وصويت
اللهم احفظنا
بس موضوع حلو بجد وبيمثل الواقع فعلا

sando يقول...

gamil awi

إرسال تعليق

هنا مساحة للتعبير عن رأيك بحرية ..

ازاي أنا رافع راسك وانتي بتحني في راسي ازاي ؟!

ازاي أنا رافع راسك وانتي بتحني في راسي ازاي ؟!

بحبك يا بلادي

بحبك يا بلادي

جمعة النصر : )

جمعة النصر : )

كلنا ايد واحدة

كلنا ايد واحدة