الثلاثاء، 13 يوليو 2010

مص دماء


انا حاسة كل الناس بقوا مصاصين دماء .. الكل بيمص دم الطبقة اللى اقل منه .. انتوا عارفين ان فى تلات طبقات بس فى الدول المتقدمة لكن احنا عندنا فى مصر تسعة ( ماشاء الله علشان الحسد ) فالحكاية دى بتزود المسألة .. فرق رهيب بين اول وآخر طبقة فتخيلوا آخر طبقة المطحونة دى بيتمص دمها من التمانية اللى فوقها .الدكتور بيزود تمن الكشف , المدرس بيرفع تمنه , ولا المحتكرين دول مرة واحد صاحب اخويا راح لتاجر قاله ده ب500 جنيه مثلا قاله دة كدة كتير اوى انا حدور فى حتة تانية التاجر رد عليه وقاله انت مش حتلاقى ولو رجعتلى حبيعهولك ب550 واضطر صاحب اخويا للاسف انه يشتريه ب550 علشان ملقهوش فى حتة تانية .. حاجة يعنى والله تثير الاشمئزاز.. الحكومة اللى ماصة دم الغلابة .. الراجل من دول يمسك منصب وهو مثلا مليونير يخرج منه ملياردير يا سبحان الله منين جت الفلوس دى ؟ من دم الفئات المطحونة برضة ..عارفين جملة احنا وصلنا فى مصر ان فلوس الشعب عند الحكومة وفلوس الحكومة عند افراد .. دة دخل قناة السويس بس يعيش كل الشعب فى رخاء فما بالكوا بأن احنا عندنا السد العالى غير السياحة غير التصدير .. بمناسبة التصدير مصر بتصدر الغاز الطبيعى لإسرائيل بتمن اقل .. محنا بنستفيد منه يعنى بجد حاجة ترفع الضغط التصدير ليها والتمن ..المشكلة كمان الاكبر ان اللى بيمتص دمهم بيمصوا دم الطبقة اللى اقل منهم علشان يعوضوا بقى !!اللى يغيظ انهم بيتذمروا من اللى بيمصوا دمهم فى نفس الوقت اللى بيعملوا زيهم وبيمصوا دم اللى اقل منهم لغاية منوصل للطبقة اللى مبتمصش دم حد ..ليه ؟ علشان مفيش اقل منهم يمصوا دمهم فبيلجأووا الى مص دم بعض .طب يعنى هو الغلط من مين من الحاكم ولا الحكومة ولا من مين بالضبط بجد البلد دى محتاجة ابادة جماعية لشوية ناس ماسكة السلطة بس لو دورنا مين اللى حيمسك البلد بدالهم مش حنلاقى غير شباب اغلبه ميعرفش اى شئ عن حالة بلده غير مدرك قضية فلسطين يعنى ميعرفش اى حاجة فى اى حاجة فيبقى الخيار الوحيد اللى قدامنا ان يبقى الوضع على ما هو عليه وعلى المتضرر الخرس؟ !فى انواع تانية من مص الدماء ان يكون مثلا واحد خاطب واحدة تمص دمه لمدة خمس سنين تكون خلصت دراستها وجالها عريس احسن الحكاية دى للاسف بتحصل كتير..او فى الامتحان واحد فاشل يقول للى جانبه قولى السؤال كذا وكذا وكذا دة احنا عشرة سنة سكاشن فالتانى يتحرج ويقوله .. اهو الفاشل دة مص دم التانى .. وفى حاجة معروفة فى البلاد اللى برة اللى بيشغلوا المصريين طالما هم قادرين يستفيدوا منهم اول ما الاستفادة دى تقل او تنعدم او يلاقوا الاحسن يقولوا مع السلامة .. بس بعد ايه بعد ما يكونوا مصوا دمهم لآخر قطرة !

2 قالوا رأيهم:

Yassin Omar يقول...

فعلا حاجة غريبة اوى اوى .... بلد نامية او متخلفة يعنى... وفيها 3 من اغنياء العالم حسب المجلة السنوية دى...ناس فووووووق ناس تحت واللى فى النص دول قليلين..
فعلا مص دم

Era يقول...

الغنى بيزداد غنى والفقير بيزداد فقر

إرسال تعليق

هنا مساحة للتعبير عن رأيك بحرية ..

ازاي أنا رافع راسك وانتي بتحني في راسي ازاي ؟!

ازاي أنا رافع راسك وانتي بتحني في راسي ازاي ؟!

بحبك يا بلادي

بحبك يا بلادي

جمعة النصر : )

جمعة النصر : )

كلنا ايد واحدة

كلنا ايد واحدة