الأربعاء، 21 يوليو 2010

تخاريف




كلاكت تالت مرة .. اكشن ..

القلب غبى .. يقول انه لا يحزن لمثل هذه الاشياء ولكنه يحزن .. يبتعد عما يسعده ..ويتذكر ما يحزن


شعور سئ عندما تعتبر شخص بمثابة ضميرك الآخر
الدموع تذكرك بأنك لازلت انسان له مشاعر وحس

آه كم رائعة هى الحياة وبسيطة ومفهومة وجميلة .. الحياة حلوة ليس بها ما يستدعى الألم او الحزن ... الجميع صادق وشفاف ونقى واصلى وقلبه من ذهب .. كلامه دواء لجرح غير موجود فى تلك الحياة السعيدة دائما هناك نور ليس هناك ظلام الهموم

فى فرق كبير بين رسم فنان حالم ورسم فنان بيعرف يرسم كلاهما تجد الرسمة جميلة .. لكن الرسمة الاولى بالتأكيد اروع تفوق الاخرى بمراحل بها روح من رسمها .. بها حلمه .. بها خياله .. لكن الرسمة الثانيه ينقصها حلم وخيال صاحبها بالطبع يظهر الفرق وهذا هو الفرق بين رسام عظيم مبدع وآخر رسام عادى .. خدوا الكلام دة بالقياس على كل حاجة

الواحد لو وجه عقله للنقد سيحرم من الاستمتاع بجمال الأشياء حقا ستفوته اشياء كثيرة


عندما تفكر فى كلامك قبل حديثك مع صديقك فاعلم ان هناك خطب ما

يوجد اشخاص يجدون متعتهم تشويه الصور الجميلة وابطال المعانى الرائعة التى نتمسك بها مثلا كمن يرسم طفل ( رمز البراءة ) له انياب ومخالب وملطخ بالدماء وبيده سكين .. او عندما يقول شخص انك لا تحب من تحبهم بل تحب المعانى التى تراها فيهم او من يقول ان شعور لهفة اللقاء هو ناتج من هبوط فى الاحشاء او الفلاسفة الذين يقولون ان الشر هو ثمن الحرية ..ماذا اصاب هؤلاء الناس




التنازل يبدأ بخطوة .. والنجاح يبدأ بخطوة .. والفشل يبدأ بخطوة .. كل شئ يبدأ بخطوة والعملية تمشى بالتدريج فى البداية انت تشعر بوخز ابرة المخدر (الخطوة ) ثم بعد ذلك لا تشعر بشئ على الاطلاق الافى النهاية عندما تنتهى العملية و تصل لنهاية الطريق

نفس صوت المشية فى نفس التوقيت كل يوم .. حقا ربنا يبارك فى ذلك الرجل العجوز ويعطيه الصحة



انا عاجبانى فكرة حلم جوة حلم على كدة ممكن يكون الواقع اللى احنا فكرينه واقع ماهو الاحلم بنحلم فيه حلمنا اللى احنا عارفينه عادى بس السؤال هو احنا حنصحى امتى وحياتنا الحقيقية شكلها ايه وانا عمرى قد ايه ممكن نكون كلنا فى غيبوبة علشان كدة الحلم طويل (الواقع ) .. بس الاحلام الطويلة ممكن بتاخد دقائق نوم ...السؤال الاهم هو احنا فى حلم مين فى حلمى ولا حلمك ولا حلمها ...دلوقتى حقا ادركت انى اهذى

7 قالوا رأيهم:

Heidenröslein يقول...

كلامك جميل كالعادة
ومعانيكي راقية برده كالعادة
استمري يا ايمان وشدي حيلك في الفسيو
:D

just like a heaven يقول...

انا عاجبانى فكرة حلم جوة حلم على كدة ممكن يكون الواقع اللى احنا فكرينه واقع ماهو الاحلم بنحلم فيه حلمنا اللى احنا عارفينه عادى بس السؤال هو احنا حنصحى امتى وحياتنا الحقيقية شكلها ايه وانا عمرى قد ايه ممكن نكون كلنا فى غيبوبة علشان كدة الحلم طويل (الواقع ) .. بس الاحلام الطويلة ممكن بتاخد دقائق نوم ...السؤال الاهم هو احنا فى حلم مين فى حلمى ولا حلمك ولا حلمها

جميلة اوي دي بجد
وحاجة بتكرر كتير
يا ترى اللي احنا بنحلم بيه واحنا نايمين دهــ الحلم ؟ ولا الواقع اللي بجد ؟
يا ترى لما بأقومـ من النومـ الصبح بأقومـ من النومـ ولا بأروح في النومـ ؟
في الأحلامـ بأحقق اللي انا عايزهـ وفي الواقع قلما لما بأحقق حاجة وبتبقى بعد عناء
بس غالباً الواقع هو الواقع والحلمـ هو الحلمـ لإني في الواقع بأحس وفي الأحلامـ بأكون محسوس والحياة اتسمت حياة عشان الواحد بيحياها مش هي اللي بتحييه

موضوع جميل جداً

Think Pink يقول...

موضوع اكتر من رائع ....:):):)
مش عارفه أعلق عليه :):)

Echo يقول...

شكرا يا ضحى
رائع .. للأسف شكل فعلا الواقع هو الواقع والحلم حيفضل حلم ..شكرا
شكرا يا بيرى

Yassin Omar يقول...

عندما تفكر فى كلامك قبل حديثك مع صديقك فاعلم ان هناك خطب ما


الواحد لو وجه عقله للنقد سيحرم من الاستمتاع بجمال الأشياء حقا ستفوته اشياء كثيرة

عند حضرتك حق فى دول فعلا
موضوع جميل

sando يقول...

تحفة و جميل جدا و مفيش كلمة توصفه غير حقيقى و مبدع

Echo يقول...

شكرا
شكرا يا ساندرا

إرسال تعليق

هنا مساحة للتعبير عن رأيك بحرية ..

ازاي أنا رافع راسك وانتي بتحني في راسي ازاي ؟!

ازاي أنا رافع راسك وانتي بتحني في راسي ازاي ؟!

بحبك يا بلادي

بحبك يا بلادي

جمعة النصر : )

جمعة النصر : )

كلنا ايد واحدة

كلنا ايد واحدة