الخميس، 8 يوليو، 2010

قصة حب حقيقية .... وداعا فاتانسيتا ... !

 وداعا فاتانسيتا 

دعوني في البداية أخبركم بأن قصة الحب تلك ( فاتانسيتا ) .. حقيقية !

على الرغم من أني لا أذكر بالتحديد من أين أتيت بهذا اللقب لكنه يبدو ملائما وبدرجة غريبة على قصة حب مررت بها هذا العام .. عشت فيها بكل ذرة من كياني  .. لمستها في كل ورقة كنت أقرأها وكلمة أكتبها .. إنها قصة ستسطر في كتاب الحب ولمدة سبع سنوات متتالية .. ففيها عرفت الكثير لأول مرة  .. وأحببت الكثير لأول مرة  .. وكرهت الكثير أيضا .. لأول مرة  !!


قد تضكون مني في نهاية القصة  .. لكني أعدكم بأنكم لن تندموا .. وربما تضحكون معي وتبكون معي  .. فقد مررتم أنتم أيضا بتلك التجربة الحلوة .. فنحن في مركب واحد يدعي .. كلية الطب !


فاتانيستا هو لقب السنة الأولى من كلية الطب .. حين يدخل المرء مكانا يبدو مجهولا إلى حد كبير .. في البداية يكون النشاط والهمة هما المسيطران .. ثم يبدأ ذلك الشعور الخلاب باليأس والكآبة في السيطرة  .. حتى تصل في النهاية إلى نتيجة حتمية .. الإنتحار ! ( مع العلم بأن الانتحار حرام يا جماعة !! ) .. 

أحببت أربعة .. 

الأول كان الفسيولوجي ( حبي المتصلب شريانيا !)
Physiology 

ارتبطت تلك المادة دائما بالإبداع .. ولا أدري حقا مالسبب الحقيقي وراء ذلك .. ألأنها مادة تنشط العقل الخامل وتثير فيه قوة التفكير الخفية ؟ .. أم أنها مادة مملة فيكون اللجوء إلى شىء محبب هو رد فعل طبيعي لمادة غريبة ؟

أروع ما في الفسيولوجي .. محاضراته .. لا أذكر أني حضرت منها في البداية سوى مع الـ د/ سلمى أو الـ د/ ماضي .. وهما من المعمرون فى الأرض .. أو بمعنى أصح .. المعمرون في الطب .. لا يمكنني سوى أن أدعو لهم بالصحة ودوام ذلك النهر المندفع علما  .. لكني سأخبركم بسر خطير .. لطالما أحببت د/ماضي .. لا أدري ما السبب .. لكني بحق  أحببت تلك العبقرية المندفعة من شدقه الممتلىء بالصوت الصاخب مرة والخافت مرة  .. أو لمجر حبي لطريقة نطقه لكلمة
 Autonomic Ganglia
!! 

لا داعي لأخبركم عن سكشن الفسيولوجي فقد سجلت غيابا لاكثر من أربع مرات .. فلم يكن من الممكن استيعاب معلومات بعد الواحدة ظهرا  .. لأن تلك المعلومات ستجد مكانها تفكيرا في ( ماما طاببخة إيه النهاردة ؟ ) .. أوأن يكون الطريق مسدودا أمام نعاس ملح .. ينتهي إلى إغفاءة صغيرة بعيدة عن أعين المحاضر .. آه نسيت أن أخبركم .. في غالب الأوقات .. لم يكن هناك معلومات لكي تجد طريقا مسدودا  من الأساس !!

د/ أنس  .. أسطورة كورسات الفسيولوجي .. وعدو الكلية اللدود .. من وجهة نظر الكلية ( ولاحظ أنها دائما من وجهة نظر الكلية ) .. في البداية أحببت محاضراته .. وأحببت المادة .. لكني وجدت فيه كبحا مستمرا لعقل يهفو إلى السؤال .. تبعها الكثير من الأخطاء في المعاملة معنا .. لكنها مقبولة  .. ويسهل غفرانها .. ولا يزال هناك الكثيرون من عشاقه .. لكني لم أعد واحدة منهم .. ولا أدري بحق ما السبب .
الجميل في الأمر أنه - طلع معرفة - وعلى حد تعبيره _ والدتك كانت بتلاعبني وأنا صغير - ..

أكيد مجازا .. !!

إمتحان الفسيولوجي لا يلائم سوى الطالب المذاكر الصام الدحيح الدودة الى فارك الكتاب و مقطعه دح .. وما أكثرهم عزيزي المطحون !

إحساس جميل وأنت تخرج بعد امتحان الشفوى والجمع جلوس - وواضح انهم قاعدين من ساعة مخلصوا امتحان - والجميل أنك مدرك لكل هذا لكنك تحاول الخروج على الرغم من ذلك .. فقط تخيلوا معي أن تلك العقلية هي التي كانت منذ قليل في خضم امتحان !

مشهد طريف فريد من نوعه وأنت تقف أمام الدكتورة في امتحان الشفوي لتجد تلك النظرة من الإستحقار الغريبة تعلوا الوجه الخالى من أى لمحة جمال ! .. ثم تجد تلك الحركة الغريبة باليد متزامنة مع ذلك الغضب - أو القرف - على وجه الممتحن  !! .. ومع تلك الكلمة ( قومي !! )

لن يتكرر ذلك الموقف أبدا ما حييت ! .. حين تقف أمام ممتحن الفسيولوجي في الشفوي لتجد ذلك السؤال الذي ليس له أى وقع سوى وجه مسبهل .. 
- بتاخدي كورسات ؟؟
- احم .. لا مش باخد .. !! 

لتجد الدكتورة تنصحك بطريقة تشير إلى مدى خوفها عليك .. ( لا ازاى .. لازم تاخدي .. الكلية دي يا بنتي مش هتوصلك لحاجة ! ) وأنت تقف لتسمع ووجهك مبتسم وعقلك يقول تلك الكلمات : طب والنبي اتحايلي عليا شوية !

يتـــــــــــــــبع !!
****************















8 قالوا رأيهم:

Rouan يقول...

هههههههههههههههههههههههههههه ايه يا ضحى انسى خلاص الاحداث دى بس مع ان بيقولوا ان الانسان مبيفتكرش الا الشخاص والاحداث اللى اثرت فيه وغريبه انى لقيت اسماء ناس ماثروش فيكى ومكنتيش بتحضرلهم الا انك لسه فاكراهم
من الظواهر اللى دايما بفكر فيها
يا رب اهدينى

Yassin Omar يقول...

فاتانسيتا ! ! عنوان مميز ويلفت النظر بس سنة اولى اسهل منها :D

حبى المتصلب شريانيا دى جاااااااااااامدة اووووووى

حضرتك سجلتى 4 غياب احنا بتهيألى حضرنا 4

دكتور انس مية 100 بس هو سلوبه يناسب الكلية من ناحية الترتيب عشان تحفظ وتكر

وفى مثال لازم الواحد يحطه فى دماغه فى الكلية دى

(احفظ زى الجاموسة تعدى زى الناموسة) وده كان واضح فى الامتحان
وسبحان الله الواحد بيستغرب ان النظام الامريكى معظمه mcq ومفيهوش كل العجن ده بس راجل ورينى نفسك وحل
بيشوفك فاهم الموضوع ولا لا انا هستفيد ايه لما تسمعلى نص ادبى وانت مش فاهم فيه كلمة ..احنا فاهمين بعض الكلمات :S

لجان الشفوى دى فيها العجب ..ههههه بس حلوة اوى لازم تاخدى كورسات...الله بجد...

مستنين باقى قصة الحب لأنهاممتعة جدااااا واسلوبها رشيق

وممتعة جداااااا لأن كلنا فى قلب الحدث برده

والله انا فكرت قبل كده انى انزل ذكريات السنة الاولى بكل حاجة فيها من سكاشن ومحاضرات وكورسات دكتور سامح ورا او دكتور انس
لأن من اهدافنا ان المدونةهنا تبقى مرجع لذكرياتنا طول السنين الدراسية ونقدر بعد كده نشوفها ونتذكرها وتكون حاجة حلوة قدام

لكن بجد بجد بجد مش هينفع خااااالص طبعا حرصا عليكن وعلى مشاعركن لأن فى حاجات مش لذيذة خالص ومينفعش تتقال :D:D
بس ممكن احاول انقى الموضوع مع انه هيفقد حلاوته:D


معلش طولت اوووووووى


 

shahnda shalaby يقول...

ههههههههههههههههه
حلوه اووووووووووووووى ياضحى
انا اثر فيا برده صوت دكتور ماضى العذب وهو بيشرح
ده لو سمعت اصلا :D:D
وكمان انا عجبانى فكره دكتور ياسين بجد
هتبقى حاجه حلوه وبذات لما نرجع نقرأها تانى بعد كده
وثانكس يا ضحى على التوبك وكملى
انا منتظره الباقى على ناااااااااااااااار

omnia saif يقول...

ههههههههههههههههههه موضوع جميل ياضحي يااااااااه فكرتيني بالذي مضي _قال يعني أنا مخلصة سنة أولي بقالي سنة_ بس برضو فكرتيني بالذي مضي:D:D
بالنسبة بقي للجنة الشفوي بلاش أفتكر اليوم ده عشان بجد ببقي عايزة أخنق المعيدة ربنا يتولاها برحمته:@:@
يلا بقي مستنية قصة حبك مع الزغاليل التلاتة زي ماكان د/أنس بيقول:D بس ياريت وإنتي بتتكلمي عن الهستو متقوليش إنه كان في حب ولا إعجاب حتي:D:D

Adel fawzy يقول...

العنوان لذيذ أوى ويخدع أول ما تقراه وكلمة المتصلب شريانيا دى لذيذه أوى فعلا الإسلوب شيق وممتع جدا ويحمل رنه السخريه الخفيفة بس أكتر حاجه كرهتنى فى الموضوع هيا كلمة يتبع هههه من زمان وأنا بكرها أبقى فى قمة إستمتاعى بالموضوع وفجأه كت وبالطبع مش هقدر أنسى لجنة ال external للفسيولوجى ده الدكتور الوحيد اللى قدر يخرجنى عن شعورى وشكرا فى إنتظار الأجزاء القادمة

Heidenröslein يقول...

آمين يا روان ..
ربنا يهديكي فعلا يا بنتي .. وبعدين انا مقولتش غير الاسمين دول لأني محضرتش محاضرات غير ليهم .. كاوا تلات اربع محاضرات تقريبا ..


احفظ زى الجاموسة تعدى زى الناموسة)

زى الفل .. والله تعبير جامد ..
وهي فكرة حلوة انكوا تنزلوا ذكرياتكوا عن الكلية براحتكوا خالص ..



ربنا يخليكي يا شاهنده بس حاسبي النار تلسعك عشان مش هينزل الموضوع التاني غير بعد كام يوم كده .. :P


أمنية تصدقي نسيت أكتب موقف المعيدة بس بجد الزغاليل التلاتة الجايين .. ربنا يسترها علينا :D

أعتذر عن كلمة يتبع لأنها بتشلني انا كمان والله وكنت هكمل الموضوع بس قولت عشان ميبقاش طويل زيادة عن الازم وكمان المواد الجاية الفسيولوجي جنبها ولا حاجة .. شكرا على رد حضرتك

:)

fouda يقول...

اهم حاجة في سكشن الفسيولوجي
دكتور رامز اللي انا مش عارف هو عارف اسمي منين
و بيحبني بطرقة غريبة
بس سنة كلها خبرات بالنسبة للواحد
و انا مستني الاناتومي

Heidenröslein يقول...

شكرا د/ اسلام على رد حضرتك
بجد اللى عرفته عن د/رامز انه ممتاز جدا فى الشرح بس محتاج بس الى يسمعله .
وان شاء الله الباقي ينزل قريب

إرسال تعليق

هنا مساحة للتعبير عن رأيك بحرية ..

ازاي أنا رافع راسك وانتي بتحني في راسي ازاي ؟!

ازاي أنا رافع راسك وانتي بتحني في راسي ازاي ؟!

بحبك يا بلادي

بحبك يا بلادي

جمعة النصر : )

جمعة النصر : )

كلنا ايد واحدة

كلنا ايد واحدة