على فكرة انت منور

فى ناس المجتمع والمنظر الاجتماعى بيمثلوا اكبر عقبة فى طريقهم بيعملوا الصح علشان منظرهم الاجتماعى بيتحاشوا الغلط حرصا على منظرهم الاجتماعى واحدة مبتكلمش ولاد فى نفسها بتقول (الناس حتقول ايه ) مش مقتنعة جوة نفسها ان دة غلط واحد مثلا مبيغشش او واحد مبيقبلش رشوة علشان منظره حيبقى وحش لو اتمسك مش عشان ان ده حرام لكن لو ضامن ان الحكاية مضمونة وعمر محد حيعرف بيعمل الحاجات دى

قبل محد يروح الجيش خليك فى آخر شهر وحش اوى مع عيلتك واخواتك .. بتكلم بجد .. خليهم يكرهوك ويكرهوا وجودك علشان لما تمشى يقولوا (حنرتاح منه شوية ) او على الاقل حيقل زعلهم .. عشان فعلا عيلتك بتفتقدك

ظريفة الجمل على قياس ( انا اقتل آه اسرق لأ انا عندى مبدأ ) .. (انا اغش آه افتح الكتاب لأ ده حتى يبقى حرام )

المعلومة اللى بتتعب لغاية متلاقيها او على الاقل مبتجلكش سهلة لغاية عندك بتصدقها على طول الحكاية دى ذكية اوى فى نشر كدبة .. مثلا موقع مقفول مكتوب عليه سرى للغاية وللاعضاء فقط تحاول تقتحم الموقع ده ولما اخيرا تفتحه وهم عارفين ان فى ناس حتفتحه تصدق كل المعلومات المكتوبة .. او تقول لواحدة ست كدبة وتقولها متقوليش لحد ده سر فهى تقول لواحدة تانية بصوت واطى المعلومة الغلط دى وتقولها برضه متقوليش لحد ده سر وهكذا المعلومة دى تتنشر

اذا يوما قررت الرحيل فارحل فى صمت ولا تطلب منى اعطاءك الإذن لأنى لن اعطيك اياه ولن ارضى كذلك ببقاءك رغما عنك

فى نفس المعاد الى نفس المكان اذهب على امل انى اجد اختلاف مع معرفتى ان لاشئ سيتغير ولكنى مع هذا اذهب .. اشعر بالأسف وتأنيب الضمير وأعود