الخميس، 20 يناير، 2011

Beneath this mask



الاعتذار مؤلم دى حقيقة بس بتسأل نفسك بعد ما تعتذر هو انت اعتذرت علشان الشخص ده يهمك امره ومش عايزه يزعل منك ولا عشان نفسك عشان تسكت الصوت اللى بيزن فى دماغك ده من تأنيب الضمير.. حتتصدم وتلاقى انه السبب التانى الا فى حالات نادرة .. ايه الانانية والوحاشة الفظيعة دى !
لو حد شرير عمل حاجة وحشة ضايقك بيها او عامة بيعاملك وحش خليك احسن منه وعامله كويس ومتقابلش الاساءة بإساءة .. ياه انا بكررها تانى .. حكاية انك تعامله كويس عشان تبقى احسن منه دى برضه انانية انك بتعمل صح عشان نفسك .. هو مرة عشان المجتمع والمنظر الاجتماعى ومرة عشان نفسك ايه ده ؟ .. على العموم حاول لما تعمل حاجة كويسة حسن نيتك يعنى مثلا قول انا بعامله كويس عشان ربنا كدة يعنى عشان فى ناس كتير بتعمل الصح اما عشان المجتمع زى ما قلت قبل كدة واما عشان نفسها
Beneath this mask there is more than flesh. Beneath this mask there is an idea, and ideas are bulletproof
الجملة دى جامدة جدا كانت اتقالت فى فيلم حلو .. حاجة غريبة لما تلاقى حروب قامت عشان فكرة واحد .. ناس مستعدة تضحى بنفسها علشان مبدأ مقتنعة بيه عشان كدة اقوى ادوات التحكم فى التانيين بتبقى عن طريق التحكم فى افكارهم وتوجيهها الشعب بصعوبة شديدة بيخضع تحت التأثير الجسمانى من تعذيب وكدة ده ان خضع لكن بسهولة اوى ممكن التحكم فيه والضحك عليه بالخطابة والكلام اللى بيخش العقل ويسممه ده
انا قبل كدة قلتها .. فى ناس بتتباهى بحاجات متستحقش الفخر بيها واحد مثلا يقول انا رديت على المدرس رد معرفش ينطق بعديها .. عذرا منذ متى كانت الوقاحة شئ يفتخر بيه ؟ .. مش عارفة ليه افتكرت الجملة دى النهاردة بس على اية حال حتقول لنفسك انا مين عشان انتقد تصرفات حد عشان انا برضه بكره ان حد ينتقد تصرفاتى على مبدأ كل واحد حر فى اللى بيعمله
اللى مصلاش العشا لغاية دلوقتى يزعل من نفسه اوى ويقوم يصليه واللى مبيصليش ده واحد فى الضياع خالص ربنا يهديه ..
بس

0 قالوا رأيهم:

إرسال تعليق

هنا مساحة للتعبير عن رأيك بحرية ..

ازاي أنا رافع راسك وانتي بتحني في راسي ازاي ؟!

ازاي أنا رافع راسك وانتي بتحني في راسي ازاي ؟!

بحبك يا بلادي

بحبك يا بلادي

جمعة النصر : )

جمعة النصر : )

كلنا ايد واحدة

كلنا ايد واحدة