الجمعة، 7 يناير 2011

بدون عنوان


في مكالمة هاتفية مع صديقتي تلك المحببة إلي قلبي استمرت قرابة الساعة بدأنا الحديث عن اليوم وما كان فيه من احداث وكيف سار .. ولكن في الدقيقة الثامنة والخمسين تحديدا ألقت عليَِ صديقتي سؤالا كان كسهم أصابني 

كان السؤال مثيرا حقا ويستحق التفكير " هل من الممكن فعلا أن تستيقظ يوما لتجد أن كل شئ قد اختفي؟

كنت البارحة في أقصي حالات الحب والإعجاب وعندما نمت كأنما غرقت في بحر النسيان

لأستيقظ علي حقيقة مرة .. أن هذا الحب أصبح مجرد ذكريات لا تكاد تذكرها إلا بين الحين والآخر

هل من الممكن أن يصبح من كان لك البارحة العالم بأكمله اليوم هو لاشئ ؟؟

هل من الممكن أن من كانت نظراته وابتساماته لا تفارق خيالك هو اليوم مجرد طيف لا يظهر إلا أوقات قلائل ؟؟

هل من الممكن اذا التقت عيونكما أن تقول " عادي ولا حاجة " ولا يحرك ذلك فيك ساكنا ؟ .. لا مشاعر تتحرك ولا قلب  يخفق ؟؟

هل من الممكن أن تقارن بين حاضرك الخالي من المشاعر وذكرياتك تلك المكتظة بالحب والمشاعر المرهفة ؟؟

وغيرها من الأسئله التي تستحق بالفعل التفكير فيها وإجابتها  توصلت إليها هي

نعم !!ـ

من الممكن أن تنسي حبك إذا علمت أنه لم يكن لك من البدايه

من الممكن أن تنسي حبيبك إذا كان بارد المشاعر متبلد العواطف

من الممكن حتي أن يتسرب إحساس الكره إلي داخلك تجاه ذلك الشخص إذا ازداد حبك له يوما عن يوم .. ولم تجد لحبك مقابل سوي البرود

من الممكن أن تمر بجانب هذا الشخص ولا تحس به أو حتي من الممكن ألا تعرفه

بل حتي من الممكن أن تشعر بذلك الشعور الذي يراودني الآن هو أن تجد أن الإرسال قد انقطع .. او بمعني افضل لم يكن هناك إرسال من البدايه 

ويعود قلبك طفلا في بدايه عمر جديد لا تشوبه شائبات الحب ولا تشغله النظرات ولا تحركة ابتسامات

أنا لا أكره الحب ولكني أكره العذاب

في بدايه الحب تشعر أنك ملكت الدنيا وأنك وجدت بغيتك وتحلق في سماء الفرح والسعاده لأقل لك "عفوا أنت مغفل

فهناك مرحله أخري يترتب عليها نجاح سابقتها أو فشلها وهي

إن كان الحب متبادل فهنيئا لك فأنت من قله قليله لا توجد هذه الأيام

وإن لم يكن كذلك فستتحول حياتك إلي عذاب وجحيم وستلعن هذا الحب الذي سيفعل بك الأفاعيل

ولكن تمهل هناك مرحله ثالثه هي التي تحدثنا عنها سابقا وهي مرحله ميلاد قلبك من جديد ولكنها ستستغرق وقتا ليس بقصير

علي جانب اخر::ـ

أوجه ازدرائي لهؤلاء ممن يتلذذون بعذاب الاخرين أو من الممكن  أن نفسرها علي انها تلك الرغبة في أن يكون محبوبا في أن يتلاهف أحدهم علي نظرة منه ولا يعلم أن هذا عذاب للآخرين

ذلك الشخص أناني في مشاعره لا يخرجها لأحد إن وجدت أصلا

فقط يريد أن يبتسم إليه هذا ويخبره هذا أنه معجب به .. وهو بين هذا وذاك يستمد غروره وثقته المفرطة بنفسه

وبمناسبه الثقة الزائدة أريد أن أخبر قله من البشر وأنا منهم أنكم قد أمضيتم وقتا طويلا مصدرا لثقة الآخرين بأنفسهم يستمدون منكم

كبريائهم وغرورهم

وفشلتم أن تكونوا ولو للحظة مصدرا لثقتكم بانفسكم

 ******************************

(هل اعيش فقط حتي أحب ولم يكتب لي أبدا أن أجد من يحبني )

نسمع تلك الكلمة كثيرا من أناس أعدهم أيضا من المغفلين ..

من قال لك أنه لا يوجد من يحبك ؟ ولكنك أعمي أناني لا تري إلا ما تريد 

تتمتع بخاصية النفاذية الإختياريه

لا تري إلا ذلك الذي يتلذذ بعذابك ولا تحب إلا من لا يهتم لأمرك

أنت من أخطأت الإختيار منذ البداية .. فقط انظر حولك  ! وابحث عن الحب ذاته لا تحبث عن شخص لتحبه لمجرد أن أعجبتك هيئته وتريث وتمهل في حكمك ولا تندفع وراء تلك المراهقة التي ألمسها كثيرا هذه الايام

حتي لا تستيقظ صباحا لتجد كل شئ قد ضاع وأن هذه الهيئة التي أحببتها لم تعد أمامك

ستجد أنك كنت في حلم جميل ولكنه زائف .. تفيق منه علي صفعة ستترك أثرها عليك ما حييت 

أصبحت لا اؤمن بالحب بل العذاب من طرف واحد .. هو حب فاشل من البدايه إن صح أن نسميه حبا

آسفة للإطاله .. كان سؤالا واحدا ولكنه يحمل آلاف المعاني

وآسفة لتشتت عباراتي .. فقد خرجت نتيجة صراع داخلي لعده أفكار فخرجت مختلطة متشابكة لا تشترك إلا في كونها 

تتحدث عن الحب

5 قالوا رأيهم:

Doha يقول...

لا تعليق .. بجد بجد لا تعليق .. الحب ده علاقة بين اتنين .. ليه تدخلوا فيها !!

:))
أحلى جميلة قريتها في الموصوع كله هو صديقتي المحببة إلى قلبي .. آه وكمان بتعدي الدقايق .. للدرجة دي كنتي مخنوقة مني ؟؟؟! :PD::D:D

قال يعني تقدري ..

بصي يا دودو .. صح اللى بيحب أوي ممكن يكره اللى بيحبه لو فعلا ملقاش تقدير لمشاعره .. لو فعلا حس ببرود .. بتبلد في العواطف .. فعلا ممكن يكرهه بسبب العذاب .. بس عمره مبينسى انه حبه في يوم من الأيام ..

اللى اعرفه .. أو بمعنى أصح اللى بسمعه عن الحب إن اللى بيحب بجد بيفضل يحب طول عمره حتى ولو عنده 90 سنة وشاف اللى بيحبه قلبه هيدق وهيبتسم .. !!

عودة للواقع !

معرفش ليه معدتش بلاقي حب أفلاطوني من أجل الحب وخلاص ..
اللى بيحب بيحب عشان لقى حاجة قدامه بتكمله ..
ممكن يكون حب علشان اتقالتله كلمة حلوة
أو حب علشان يضور على حاجة مش لاقيها جواه .. أو حب علام ربنا يفرجها ..

صعب انك تلاقى حد بيحب ولما تسأليه طب وبعدين .. يقولك مستنى ربنا يكتبها تكون ليا وهحبها حتى لو معرفتش ..

بس دائما بنحتاج إننا نحس إن الحب ده متبادل .. وتبدأ المشاكل ..
طلع بيحب واحدة تانية
طلع صش معترف بالحب
طلع غير اللى كنت راسماه في خيالي
طلع وطلع وطلع !!

مش عارفة يا دودو بس حاسة إن كلمة مغفل دي صعبة شوية .. هتحبط أي حد بيحب ..

بس بجد الكلام اللى قولتيه حقيقي بيحصل .. وكتير في الآخر بيكتشفوا إنهم فعلا مغفلين .. واللي ربنا بيحبه هو اللى بيسعد بحبه ..

عارفة .. عجباني كلمة قلب جديد خالى من شوائب الحب .. عشان حاسة إنك مهما حاولتي تقنعي نفسك إنك خلاص قلبك فضي بتكتشففي إن قلبك مرجعش زي ما كان في الأول .. دائما بيبقى في أثر ..

بس والله تصدقي أنا قررت أرفع شعار الحب في الله
طريقه البيت من بابه .. إيه رأيك نرفعه سوا ؟؟

غير معرف يقول...

كلامك واااقعى جدااا جدااا
ودية حقيقة فعلااا ان
من الممكن أن تنسي حبيبك إذا كان بارد المشاعر متبلد العواطف بس مش لدرجة ان لمااا يعدى جنبك مش تعرفية

nice topic
m & e

غير معرف يقول...

كلام جميل جداااااااااااا وواقعي جداااااااااااااااا
ويمكن انت دلوقتي بتتكلم بالظبط عن الي احنا بنحس بيه وهي دي الحقيقه بجد شكرااااااااااا علي الموضوع الرائع

Doaa helal يقول...

دودو حلو الموضوع اللي انتي كتبتيه ده مطوله يا بنتي ولا كومنت بس ثكر يا دودو برده

غير معروع 1 و2 ليه مش كاتبين باسماء عموما شكرااا
بس غير معروف 2 انا بنت مش ولد

شكرا ليكو كلكوا بجد

قبل العالم الأخير يقول...

اولا موضوع جميل جدااااا وخصوصا عشان استرساله مرة واحدة زى ما حضرتك قولتى

ثانيا اكيد موضوع الحب او العذاب من طرف واحد ده صعب اوووووى بس برده لازم نحط فى الاعتبار الجانب التانى ..ممكن تكون فى ظروف كتييرة مش معروفة وممكن وممكن ..

ثالثا اخر فقرة جميلة جدااااااااااا جدااااااااا

برده كومنت دكتورة ضحى منطقى ووافى وفيه حاجات كتير مظبوطة بس حابب اضيف بس على نقطة ما بعد المعرفة يعنى ..فعلا هو ده بيبقى الفيصل ..فى ناس بتدوووس ويتقع فى حاجات كتير غلط والعملية يتبوووظ خالص..وفى عوامل تانية كتير زى الشخصية والتربية والتعليم و الوقت والسن كلها ليها دور فى الموضوع ده

nice one :D

إرسال تعليق

هنا مساحة للتعبير عن رأيك بحرية ..

ازاي أنا رافع راسك وانتي بتحني في راسي ازاي ؟!

ازاي أنا رافع راسك وانتي بتحني في راسي ازاي ؟!

بحبك يا بلادي

بحبك يا بلادي

جمعة النصر : )

جمعة النصر : )

كلنا ايد واحدة

كلنا ايد واحدة