الأحد، 23 يناير، 2011

أنا الأديب الألمعي !


أنا من الناس اللي بحب الصور جدا .. اللى كل كام يوم لازم آخد شوية صور ( بالرغم من احتمالية ان الصور تكون حرام معرفش حكمها بالضبط ) سواء طالعين من كويز .. زهقانين .. فرحانين .. بتتاخد صور .. الصور بتبقى ذكرى لطيفة .. حتى الصور اللى انت متصور فيها حزين .. المهم كل صورة بتبقى مختلفة تماما عن أى صورة تانية .. مفيش صورة ليها مثيل حتى لو كررت نفس الوقفة ونفس المنظر.. برضه حتلاقى إن فى اختلاف فى نظرة عنيك .. حتى لو كنت بتبص فى نفس الإتجاه .. حتلاقى إختلاف فى حاجة
أصل استحالة حيكون عندك نفس الشعور بتاع الصورة الاولى .. استحالة تيجى عليك لحظة حسيت فيها بنفس الطريقة قبل كدة .. ممكن يكون نفس نوع الإحساس بس مش بنفس الدرجة .. عشان بيدخل فى إحساسك اللحظى ده الأفكار اللى انت كنت بتفكر فيها فى اللحظة دى ومين اللى بتبصلهم وإيه اللى حصلك النهاردة وانت لابس إيه .. كدة فاستحالة كل الحاجات دى تتكرر .. حتى لو اتعمدت تكرر اللى انت كنت بتفكر فيه حتكون عارف إن دى مش أول مرة تفكر فيها مش زى أول مرة يعنى مبتتفاجئش باسترسال الافكار دى .. فأنت بتكون شخص مختلف كل لحظة .. أنت مبتكررش نفسك .. كل ثانية بتبقى حد مختلف !!

فى سعات الواحد بيكون متضايق ييجى يفكر هو ليه متضايق حيلاقى حاجات كتيرة صغيرة كل واحدة لوحدها متضايقش يدوبك تعمل لوكل اكزيتاتورى ستايت .. لكن متسببش ضيق أبدا .. لكن على ما يبدو إن كلها بتحصل فى وقت قريب من بعضها فبتعمل ما يسمى بال سماشن .. وتوصل للثري شولد بتاع الضيق .. فتشعر بالضيق لكنك لا تستطيع أن تحدد أيها هو اللى مسبب الشعور ده .. بس الحمد لله بتاخد وقتها ويخلص الشعور ده

برضه سعاات سعاااات .. سعاات سعاااات بيكون الواحد متضايق بشدة من شئ ما فييجى حاجة تافهة ويتعصب عليها ويتضايق عليها جامد ويكبر الموضوع ..أصل بيحصل ما يسمى بكونفرجن فاسليتيشن ثيورى .. فبتبقى هايبر سنستف عشان دى بتقلل الثرى شولد بتاعة الضيق صح ولا ايه ؟ 

حتهزأ أنا لو دكتور فسيولوجى شاف الكلام ده !!

تبا لتلك الحماسة .. ذلك الشعور الذى يجرفك فى تلك الاشياء التافهة ليس ظنا منك أنك بتقوم بأشياء خارقة .. لكنه فقط مجرد إندفاع لا أريد أن أسميه غبيا ً !


روق دمك :)
 قصة الأصمعى


4 قالوا رأيهم:

Heidenröslein يقول...

بصي يا إيمان
بغض النظر عن أنك غريبة وبتنزلي براحتك وبتستني أنزلك برده براحتك وماشية مع نفسك بس كل ده إيزي بس أنا معترضة معاكي في بضع ( واخدة بالك من بضع دي ) نقاط في اول فقرة .. تاني فقرة متفقة كليا وإن شاء الله اللينك ده على وول الدكتور دايريكتلي كده عشان أنتي هيبرتي تنشني !!
:D:D
حلو الفيديو وبحب الحتة بتاعة
فولولت و ولولت ولي ولي يا ويليلي
:D

غير معرف يقول...

ياعيني يا عيني ..........! اية الابداع الفسيولوجي ده اهو انا كده اطمنت انكم فهمتم السي ان اس تمام وكمان بتتكلمو بالثرشولد و السماشن :)
لكم تحياتي احلي دفعة و احلي مجموعة

دكتور/ فسيولوجي

sony2000 يقول...

لالالالالالالالالالالا احنا مش قد الكلام الكبير دا
احنا غلاااااااابا
انعمه غلابا:))))))
بس حلوا التجديدات
علقي علي باب المدونه خرزا لتتحدسي
يلا خير
اديني قلت اهو

Echo يقول...

فى سعات يا ضحى بكون زهقانة فبكتب وبنشر على طول .. مش مشكلة بقى
شكرا يا ضحى وشكرا على التنسيق والفيديو .. الفيديو ده احسن من اللى جبته ... طبطبطبطبطبطبلى .. كعكع كعكع
شكرا اوى يا Dr حضرتك نورت المدونة
شكرا يا سونى

إرسال تعليق

هنا مساحة للتعبير عن رأيك بحرية ..

ازاي أنا رافع راسك وانتي بتحني في راسي ازاي ؟!

ازاي أنا رافع راسك وانتي بتحني في راسي ازاي ؟!

بحبك يا بلادي

بحبك يا بلادي

جمعة النصر : )

جمعة النصر : )

كلنا ايد واحدة

كلنا ايد واحدة