الخميس، 15 يوليو 2010

Illusion


ناس كتير بتعيش نفسها فى الوهم عارفين جملة اللى بيكدب الكدبة ويصدقها اهو دة بيألف وهم يعيش فيه المشكلة انه بيقيله كأنه حقيقة مفيهاش شك وبيصدقه اكتر من الواقع ... فى قصة ان كان فى واحد بيشتغل فى شركة كان عامل كان عليه انه ينظف الشركة ويتأكد ان التلاجة اللى فيها المنتجات مقفولة وكان دايما بيمشى آخر واحد من الشركة مرة اتقفلت عليه التلاجة وكان اليوم اللى بعدبه كان عطلة جلس العامل فى ركن وعرف ان مفيش حد حييجى للشغل بكرة ومحدش حيفتح التلاجة المهم فكر العامل انه مؤكد انه حيموت من البرد .. شعر بعدها بأن اطرافه بتتجمد ونفسه يقل بالتدريج حتى توقف قلبه تماما يوم العمل اللى بعد العطلة فتحوا التلاجة لقوه ميت والتلاجة اصلا مكنتش متوصلة الراجل دة عيش نفسه فى الوهم ومات لاقتناعه التام انه لازم حيموت من البرد

فى حاجة ظريفة ناس كتير بتعملها ودكاترة فى العيادات النفسية بتعملها ييجى واحد يكون عنده ارق ومش عارف ينام وانه منمش من تلات ايام ويطلب حبوب منومة فالدكتور يديله حبوب فيتامينات او اى حبوب مش مضرة ويقوله دى حبوب منومة قوية التأثير فالمريض ياخدها وينام على طول هو منمش من الحبوب علشان هى مش حبوب منومة نام علشان الوهم اللى عاش فيه انها حبوب منومة قوية التأثير يبقى لازم حينام على طول


فى قصة مرة قريتها المهم ان راجل بيتجوز الستات الاغنياء وبعد كدة يقتلهم ويورثهم المهم كانت آخر واحدة كانت بتعمله كل يوم قهوة وفى مرة عرفت انه حيقتلها شافت انه مجهز العدة وكاتب انه حيقتلها بالليل بعد ما يشرب القهوة المهم وهو بيشرب القهوة كانت عايزة تماطله لغاية مييجى البوليس قالتله انها حتعترف له بسر خطير انها قتلت زوجها السابق بأنها كانت بتحطله السم كل يوم فى القهوة وان السم دة بيعمل كذا وكذا بحيث يبان ان الوفاة طبيعى بعدها الراجل حس بان احشائه بتتقطع ونفسه قل لغاية مامات برضة الراجل ده عيش نفسه فى الوهم انها حتكون سممته زى زوجها الاولانى

فى وهم من نوع خاص الناتج من كلمة مستحيل انا دايما كنت بقول ان استحالة اكتشف حاجة جديدة كل حاجة الناس اكتشفتها ولو كان فى حاجة جديدة لسه حتكتشف يبقى اكيد مش انا اللى حاكتشفها اكيد واحد من العلماء اللى افنى عمره فى العلم هو اللى حيكتشفها طبعا كل الكلام دة وهم ومش صح بصوا الحكاية دى تقريبا حقيقية كان فى مرة واحد فى كلية كدة مش فاكرة اسمها كان الولد ده عادى خالص دخل المحاضرة وقعد ورا ونام مصحيش غير فى آخر المحاضرة ولقى على السبورة مسألتين فافتكر انهم واجب وعليه انه يحلهم قبل معاد المحاضرة اللى جاية راح المكتبة وقعد يدور على حل للمسألة الأولى قعد اربعة ايام وحلها المهم جت معاد المحاضرة وقال للمحاضر انه ملحقش يحل غير المسألة الأولى قاله ان المسألتين دول كان قعد يتكلم عنهم ان العلم عجز ان يحلهم هو حل واحدة منهم

كلمة مستحيل بتثبط الواحد بجد والله ... الواحد يكون عنده ايمان قوى وثقة فى ربنا ويبذل جهده بإخلاص ويبعد عن ذهنه كلمة مستحيل وهى الحاجة ان شاء تتحقق

3 قالوا رأيهم:

قبل العالم الأخير يقول...

جميلة جدااااااااااا

Rouan يقول...

الموضوع ده رائع

Alice يقول...

شكرا
شكرا يا روان

إرسال تعليق

هنا مساحة للتعبير عن رأيك بحرية ..

ازاي أنا رافع راسك وانتي بتحني في راسي ازاي ؟!

ازاي أنا رافع راسك وانتي بتحني في راسي ازاي ؟!

بحبك يا بلادي

بحبك يا بلادي

جمعة النصر : )

جمعة النصر : )

كلنا ايد واحدة

كلنا ايد واحدة