السبت، 24 يوليو 2010

خرق فى الصميم


من جديد أرى خرقا واسعا في ثوب الإيمان لدينا ، ومن ثم ظهرت شطحاتنا البشرية ، وبدا جهلنا الجم . 
خرقنا الواسع هو خرق في الصميم ، صميم الثوب ، أفسد مظهره ، وأظهر ما كان يخفى من تخبط فكرى ، ونواقصَ إيمانية .

ظهرت نتيجة دفعتنا الكريمة هذا العام ، وليتها لم تظهر، لأنني ساعة بعد
ساعة وجدت هذا الخرق يتسع ويتسع في ثوب الكثيرين .

بالطبع لا اقصد بحديثي هذا هؤلاء الذين حزنوا لبعض الوقت سواء
للتقصير الهائل في العام المنصرم - وأنا أحد هؤلاء - أو لعدم التوفيق في
الامتحانات أو لعدم توقع النتيجة ، ولكني أتحدث عن فئة جاهلة تماما ، فهناك
الكثير من الأميين ولكنهم ليسوا بجاهلين ، فهم يؤمنون جيدا بالله و قدره ، ويعلمون أن شريعتنا بها ما يسمى التوكل وآخر يدعى الرضا ، يعلمون ذلك حق العلم ، وهذه المصطلحات ليست مجردة بالنسبة لهم .

ما يثير إستفزازك ويحملك على أن تنعزل وحيدا هو رؤية تلك الفئة تقسم
الأقدار، وتقدح في الأسباب ، وربما يخوضون فيما لا يصح الخوض فيه
إبتدائا .

لن أخوض كثيرا أنا الآخر في التفاصيل لأنني بالفعل أملٌها للغاية ، ولكنها فقط تذكرة بأن كليتنا العزيزة ليست من ُيضحًى من أجلها بالغالي والرخيص ، وأنها ليست نهاية المطاف أبدا ، بل هي بداية يحسن أن نبدأها على بياض ، وتذكرة أيضا لأن يكون إيماننا حاضرا دائما في قلوبنا ، وليس ثوبا ُيمزق وقت الاختبارات والمحن .

أعرف أن حديثي ربما يكون مبهما نوعا ما ، لكنى واثق من أنكم رأيتم هذا الخرق ، وربما لامستوه ، وإن لم يكن فسوف ترونه وتلمسونه عما قريب ! !


10 قالوا رأيهم:

Doha يقول...

موضوع على الجرح !
كنت لسة انا ودعاء بنتكلم ونستغرب من ردود الفعل الغريبة للناس على النتيجة كأنها آخر الدنيا .
وبجد حضرتك جبت المفيد

omnia saif يقول...

فعلا زي ماضحي وصفت موضوع علي الجرح بس علي الجرح اوي يعني
ياسااااااااااااااتر
أنا رأيي إن الحمد لله أولا وأخيرا مهما كان الحمد لله أحسن من غيرنا كتيييييييير ومحدش يبص لغيره عشان كل واحد عارف عمل إيه وقصر في إيه وإتظلم ولا لأ ونتعلم من اللي عملناه وخلاص
وزي ماحضرتك قلت هي فعلا مش نهاية المطاف

Eslam Fouda يقول...

ده انا لقيت ناس بتتكلم عن النيابات
بس هي في كل الاحوال سنة مفيدة جداااااااا

Rawan يقول...

وتذكرة أيضا لأن يكون إيماننا حاضرا دائما في قلوبنا ، وليس ثوبا ُيمزق وقت الاختبارات والمحن .
الجمله دى اكثر من الرائعه بجد لازم نضعها امام اعينا طوال الوقت

بس هو ليه حضرتك قولت ان هيبقى فى خرق واللى لسه ملمسهوش هيلمسه ويشوفه؟؟؟؟؟؟؟؟
ان شاء الله كلنا هنبقى كويسين هو الموضوع مش مبهم بس انا مش فاهمه اخر سطرين

Alice يقول...

انا برضه مش فاهمة يعنى الفئة دى بتعمل ايه؟ حضرتك قول زى ايه علشان نتفاداه
اللى انا شفته عادى ناس زعلانين وبيحمدوا ربنا احسن من غيرهم بكتير بس مبينفوش انهم زعلانين ... الشعور بالحزن دة احسن من البلادة والبرود .. بيبقى الواحد نادم دة كويس

ولكنها فقط تذكرة بأن كليتنا العزيزة ليست من ُيضحًى من أجلها بالغالي والرخيص ، وأنها ليست نهاية المطاف أبدا
حضرتك معاك حق فى الجملة دى .. المهم الصحة

al-saadany يقول...

انا شوفت الخرق ده :) ربما شوفته فى نفسى كمان
ووالله فعلا لو الواحد ايمانه مش مهزوز حاجات كتير فى حياتنا تتغير
مثلا لو الواحد بيزعل على ذنب اذنبه فى حق الله زى ما بيزعل على النتيجه كانت الحياه هتبقى احسن
ربنا يهدينا جميعا

Think Pink يقول...

تذكرة بأن كليتنا العزيزة ليست من ُيضحًى من أجلها بالغالي والرخيص ، وأنها ليست نهاية المطاف أبدا ، بل هي بداية يحسن أن نبدأها على بياض ، وتذكرة أيضا لأن يكون إيماننا حاضرا دائما في قلوبنا ، وليس ثوبا ُيمزق وقت الاختبارات والمحن .

موضوع حلو اوى

Unknown يقول...

لعدم توقع النتيجة
فيه فرق بين عدم توقع النتيجه وعدم تصديقها المشكله اللى وقعنا فيها هو إننا غير قادرين على إدراك الفرق
الشاسع بين ما كان وما نحن عليه الأن أقصد يعنى كلنا
داخلين ب 99 -إحم مش كلنايعنى- بس الفرق هوا مين اللى فهم اللعبة بسرعه وقدر يأقلم نفسه على حياته الجديده أكاد أجزم إن كل واحد طلع من اللجنه وهواعارف هوا عامل إيه بس المشكله فى تصديق الواقع
بمعنى أنا اللى كنت جايب إزاى .... هىا دى المشكله
والكلمه بتجر كلمه لغاية ما نوصل إلى وأظهر ما كان يخفى من تخبط فكرى ، ونواقصَ إيمانية .
أعرف أن حديثي ربما يكون مبهما نوعا ما ، لكنى واثق من أنكم رأيتم هذا الخرق
عجبنى أوى على فكره إختيار إسم الموضوع بالتسلسل بتاعة .... وشكرا

قبل العالم الأخير يقول...

dr rawan يمكن حضرتك متكلمتيش مع ناس كتير او ملاحظتيش ردود الفعل من ناس تانية بس عموما كويس عشان ده خرق مش حلو خالص وهيضايق حضرتك

ِAlice مقولتش خالص ان الواحد يبقى بارد او غير مبالى اللى قصدته بس التفرقة بين الرضا عن النتيجة اللى لازم يحصل كركن ايمانى وطبعا مرفضتش غير الرضا عن الاداء وانا واحد من اللى مش راضيين عن الاداء طبعا
لكن انى اسخط واقعد ابص للباقى واصل وفصل وشوف مش معقول والحاجات دى هى اللى اقصدها طبعا وعلى رأى اسلام فى ناس كانت بتتكلم فى النيابات ..شىء فظيع يعنى..


عادل عندك حق فى موضوع التأقلم وفهم اللعبة ده
فعلا هو ده مربط الفرس
بس حكاية تصديق النتيجة انا اقصد حاجتين وديه فايدة النقاش فعلا
اولها
نتيجتك الشخصية برده مش بالتوقع اللى هو يعنى لأن فى عملى وشفوى فلازم كان هيبقى فى جزء مش متوقع

والتانية نتيجة الدفعة كلها يا عزيزى :D

شكرااااا جميعا

Doaa helal يقول...

الموضوع جميل اوي واجمل ما فيه انه بيناقش حقيقة كلنا مرينا بيها موضوع النتيجة ده الصراحة بين للواحد حاجات كتيرة يمكن عرفه هو عمل ايه وكان لازم يعمل ايه وميعملش ايه وهل هو راضي عن نفسه لكن طبعا اهم درس اتعلمته هو الرضا بقضاء الله وان الدنيا موقفتش لسه قدامنا كتير وكمان ان الدنيا مش كلها دراسه ودرجات والله العظيم الحمد لله الواحد عنده نعم احسن الف مرة من النتيجة او غيرها
والصراحة انا اتعاملت مع ناس كتير الصراحة حسيت انهم معندهمش ثقة في ربنا والعياذ بالله ومعندهمش رضا ولا قناعة بالي ربنا كاتبه دايما بيبصوا للي في ايد غيرهم
انا بستغل بقي الموضوع ده وعاوزة اقول لكل واحد مجبش الي كان بيحلم بيه حاجة من اتنين اما قصرت لاما ربنا ليه حكمه انه ميخليكش تجيب الي انت عاوزة يمكن منع بيه عنك اذي او فقدان شئ او شخص عزيز عليك لو فكرت شوية وقعدت تحسبها وتقول لو فقدت كذا(كل واحد بقي حسب الحاجة او الشخص الي بيحبه)قصاد درجات مش هتفيد هتلاقي نفسك بتقول تغور الدرجات
انا نفسي منبقاش اطفال ونقصر كل حياتنا علي التعليم اي نعم هو اهم مشروع في حياتنا حالا بس برده الحياه فيها كتير
انا اسفة اني طولت بس ياريت كل الي يقرا الكومنت بتاعي يقول الحمد لله الذي لا يحمد علي مكروه سواه الحمد لله حمدا كثيرا مباركا فيه ملأ السماوات ملا الارض

إرسال تعليق

هنا مساحة للتعبير عن رأيك بحرية ..

ازاي أنا رافع راسك وانتي بتحني في راسي ازاي ؟!

ازاي أنا رافع راسك وانتي بتحني في راسي ازاي ؟!

بحبك يا بلادي

بحبك يا بلادي

جمعة النصر : )

جمعة النصر : )

كلنا ايد واحدة

كلنا ايد واحدة