خلو بالكو من دماغكو!الدماغ دى هى القنبله الموقوته اللى ممكن تنفجر فى اى وقت
متستهونش بعقلك
انت سرعه تفكيرك اسرع من سرعه الضوء
يعنى انت ممكن فى دقيقه تتطلع اكتر من الف فكره
وممكن تشعر باحاسيس متناقضه فى الثانيه الواحده
ع فكره انت ممكن بتفكيرك تسافر اللى المكان اللى انت عايزه يعنى احسن من اله الزمن
انت ممكن تفكر فى الماضى او الحاضر او المستقبل
انت ممكن تعيش فى العالم اللى تحبه ومع الناس اللى انت بتحبهم
ركزززززززززززززززززززززززززززز
خلى بالك من الى بتشوفه و اللى بتسمعه واللى بتصاحبه
خلى بالك القيم الانسانيه اللى بنكتسبها من سن 8 لحد سن 21
يعنى احنا دلوقتى فى مرحله دماغنا وعينينا وودننا عامله زى المغناطيس
اى حاجه بتتقال او بنشوفها او بنمر بيها بتتر سب ومش هتخرج نهااااااااااااااااااااااااااااااائى
ومفيش حاجه بتتنسى
انت فى مرحله لو استخدمتها صح هتغير مسار حياتك
تصور اى صفه او طبع بتكسبه لو مقدرتش تغيره لحد سن 21
مش هيخرج منك بعد كده هيبقى فى دمك بعد كده
يا ترى تقدر تعيش من غير دمك ؟؟
انت الحمد لله دلوقتى واع اهو ومش صغير
يعنى عارف انت بتعمل ايه كويس اوى ى ى ومش نايم
وبما انك مسؤل عن عقلك يبقى انت مسؤل عن تصرفاتك
اوع فى يوم من الايام تغلط وتعلق غلطك ع شماعه الاخريين
اعترف بغلطك و اوع تلوم غيرك !
وطبعا فى مننا اللى عامل نفسه كبير وفاهم كل حاجه وعارف كل حاجه وفاكر نفسه الزكى اللى مفيش منه اتنين !
اول ما يجيلك الشعور ده اعرف انك ولا عارف اى حاجه وانك قريب هتاخد مقلب قريب هيطلع من نفوخك !
اسمع لنصايح الاخريين لان معلش انت حياتك مش هتكفى انك ترتكب اخطاء الاخريين بالاضافه لاخطائك !
اى نصيحه اهلك يقولوهالك ومتبقاش مقتنع بيها اعرف ان هيا دى النصيحه الصح
اصل انت اكيد مخك مش هيستوعب خبره حد عنده 50 سنه بس نصيحه اسمع الكلام ومتسالش وخد وقتك فى التفكير ..
ومتنساش انت مطالب بانك تطيع اهلك فاسمع الكلام
بلاااااااااااااااااااااااااااااااااااش تعمل نفسك كبير لانك لسه صغير !
5 قالوا رأيهم:
هو كلام حلو ومشجع
حلوة أو معلومة القيم ما بين سن 15 لحد واحد وعشرين دي
فترة مهمة فعلا
بس عارفة أحلى حاجة انك فوق قولتي
" انت الحمد لله دلوقتى واع اهو ومش صغير "
وجيتي فى الآخر قولتي
" بلاااااااااااااااااااااااااااااااااااش تعمل نفسك كبير لانك لسه صغير ! "
هو في تناقض ولا ايه ؟
اى نصيحه اهلك يقولوهالك ومتبقاش مقتنع بيها اعرف ان هيا دى النصيحه الصح
اصل انت اكيد مخك مش هيستوعب خبره حد عنده 50 سنه بس نصيحه اسمع الكلام ومتسالش وخد وقتك فى التفكير
بلا شك أنا مش عندى خبرة أهلى بس فى حاجه أهلى مش
هيفهموها هى إيه التحديات اللى أنا فيها ببساطه جدا
لأنهم خلقوا فى زمن غير زمنى فمش بالضروره يكون كل
اللى بيتقال يكون صح بدليل قول سيدناعلى بن أبى
طالب لا تربوا أولادكم على أخلاقكم فهم خلقوا لزمان
غير زمانكم ما أقصده مش إنى أطلع عن طوعهم اللى
أقصده هوا المناقشه اللى بالنسبه لكتير من الناس
اللى أعرفهم بيفتقدوها ده رأيى
ثانيا فى بعض الأخطاء فى الحروف بمراجعه بسيطه تتعالج
ثالثا واع اهو ومش صغير - تعمل نفسك كبير لانك لسه صغير
هناك تناقض أم حضرتك قصدتى المقارنه بين الشخص
وبين أهله
وأخيرا الموضوع جميل وعجبنى جدا طريقة التسلسل فى
سرد فكرته
وشكرا
احنا صغيرين اوى فعلا بالنسبه لخبره اهالينا بس احنا فى الواقع 18 سنه يعنى كبار و ربنا هيحاسبنا ع اللى احنا بنعمله
انا اسفه ع الاخطاء فى الحروف انا اصلى باكتب ومش باخد بالى
اما بالنسبه للاهل فانا اظن ان كل الناس بتناقش اولادها وخصوصا دفى المرحله اللى احنا فيها دى وانا اعتقد ان دى المرحله اللى احنا كل واحد فينا رقيب ع نفسه وهيا دى المرحله اللى فيها ما اظنش ان فى اب او ام بيغصب ابنه ع حاجه
هما بيدوا النصيحه من بعيد و اللى احنا عايزينه بنعمله حتى لو ده كان ضد نصيحتهم بس اللى انا ملاحظاه ان كل النصايح اللى اهلى ادوهانى كان وقتها مكنتش بابقى مقتنعه باللى هما بيقولوه بس فعلا انا دايما باكتشف بعديها بفتره ان تفكيرهم فى مننتهى الحكمه وان هما فعلا اللى كانوا صح وانا اللى كنت فعلا تفكيرى غلط خالص وقتها
بس انا الحمد لله من دلوقتى هركز فى اللى هما بيقولوه و هاحاول استفيد من خبرتهم ع قد ما اقدر لان مفيش حاجه بتعلم فى الدنيا دى قد الزمن
موضوع جميل جدااااااا ولازم ناخد بالنا اننا فى مرحلة تكوين فكرنا وشخصياتنا ورسم قواعد حياتنا
إرسال تعليق
هنا مساحة للتعبير عن رأيك بحرية ..