الأحد، 27 مارس 2011

whatever



انا مبحبش الناس اللى بتضحك على نفسها دى مثلا واحدة تكون مقضياها ع النت وفى الكلية ترفض تكلم اى زميل الحكاية دى مضيقانى جدا فرقت ايه الكومنت المكتوب عن الكلام لما يتقال فى وش حد قال يعنى فرقت بلا موضوع نقاش كلام مفيد بلا كلام تافه .. فى حاجة برضه طبيعى ان مفيش واحدة بتوقف تاكسى راجل قاعد ع الكنبة اللى ورا والكرسى اللى قدام قاعد فيه حد لكن ( شوفو الفرق ) عادى تقعد عادى فى الكرسى اللى جنب السواق قال يعنى فرقت السواق راجل يختلف .. وهكذا على موال انا لا اكذب لكنى اتجمل

اكتر شعور وحش هوة اللا مبالاة او جملة منا عملت كذا قبل كدة فدى مفرقتش كتير منا لبست كذا قبل كدة هوة ده اقصر شوية بس مفرقتش كتير .. انا حطيت ميكاب فى الفرح لما احط ميكاب وانا رايحة آخر الشارع طب لما احط وانا رايحة الكورس عادى

هوة حد حس قبل كدة بتفاهة نفسه وهو بيدعى بيطلب من ربنا حاجات تافهه او مش تافهة حاجات عايزها فى الدنيا مش الاولى يدعى ان ربنا يغفر له وينوله الجنة ويحرم جسمه ع النار ويدعى للمسلمين

زى واحدة صاحبتى باباها قالها انا فى واحد صاحبى دكتور نفسانى وكان بيتكلم بجد .. برضه الاعتقاد ده عندى عمره محيتغير اللى بيروح لدكتور نفسانى مجنون او عنده عقد نفسية لكن مش عشان حد اعصابه تعبانة او محتاج يفضفض يروح لدكتور نفسانى

مستر عبد الستار قالها حكمة زمان من ييجى تلاتاشر سنة
some people will never learn

فى حاجة بتريح لو واحد كان عايز حاجة ومحصلتش او كان عايز يروح رحلة ومراحش يقول لنفسه ممكن مكنش حينبسط اكيد فى حكمة فى الموضوع .. ماشى الحكاية دى معروفة بس بجد لو الواحد فعلا آمن بيها فعلا حيستريح من حاجات كتير

واخيرا فى حاجة مستفزة ان فى ناس يقبلوا على نفسهم حاجات لكن ميرضوش لأخواتهم البنات يعملوا نفس الحاجة .. فعلا حاجة مستفزة

3 قالوا رأيهم:

sony2000 يقول...

بصي طبيعي اننا ندعي ونقول يارب
فأي حاجه لو حتا كانت تافهه

هوا احنا لينا غيرو؟

وبعدين لما بندعي الواحد نفسو بيستريح

ملناش ملجأ الا هوا

وسيبي بتوع الوشوش للوشوش

كل حد هياخد جزاؤه
فكما تدين تدان

Doaa helal يقول...

لالالالالالالا انا اختلف كليا وجزئيا معاكي لان في ايه بتقول (لا يحب الله الجهر بالسوء) يعني الاتنين سوء ولكن التاني مجاهرة بيه وده طبعا منافي للايه وربنا غير راضي عن هذا الجهر ثانيا كل واحد فينا فيه في حياته حاجة خطأ بيبقي صعب عليه انه يبطلها وده مش كلامي ده كلام علماء بتبقي دي بمثابة اختبار ليه وربنا مرة والتانيه بيستر عليه لانه بيعملها زي ما بتقولي في السر فيقوم هو يستحي من الله ويبطلها وكمان يا ايمان مفيش حاجة اسمها مفيش فرق بين كلام جاد وكلام غير جاد لا فيه في الشرع وقرات راي لاكثر من عالم والله اعلم انه لو كان الكلام علي النت في امور جد فهي مش حرام .........ثانيا موضوع التاكسي يعني لو وقفت ساعة عشان الاقي تاكسي وملقتش الا جنب السواق مركبش لا اسمحيلي يبقي علي كده كل حياتنا خطأ في خطأ .........ززموضوع الدعاء انا من لناس الي بطلب من ربنا حاجات دنيوية لاني نفسي اعش دنيا جميلة وادخل جنة الدنيا ووانتي بتدعي ربنا يمكن يكون محدش غيره هيسمعك في وقت انتي محتاجي تتكلمي مع حد ده رايي علي الموضوع بصراحة واتمني ميضايقكيش

Alice يقول...

انتى محسسانى يا دعاء انى بحث على الحكاية دى انا عارفة كل الكلام اللى انتى كتباه بس ايه علاقة ده بالموضوع :
واحد فينا فيه في حياته حاجة خطأ بيبقي صعب عليه انه يبطلها وده مش كلامي ده كلام علماء بتبقي دي بمثابة اختبار ليه وربنا مرة والتانيه بيستر عليه لانه بيعملها زي ما بتقولي في السر فيقوم هو يستحي من الله
.. انا كنت بفكر فى الحكاية دى من فترة بس
حكاية الكلام الجاد والتافه كله سواء فى نظرى كله كلام .. بصى يا دعاء انا مبفرضش على حد رأيى
بصى اللى احنا بنعمله ده حاجة والمفروض نعمله حاجة تانية ..ايوا فى حاجات غلط كتير بنعملها

إرسال تعليق

هنا مساحة للتعبير عن رأيك بحرية ..

ازاي أنا رافع راسك وانتي بتحني في راسي ازاي ؟!

ازاي أنا رافع راسك وانتي بتحني في راسي ازاي ؟!

بحبك يا بلادي

بحبك يا بلادي

جمعة النصر : )

جمعة النصر : )

كلنا ايد واحدة

كلنا ايد واحدة