السبت، 5 مارس 2011

أدينا بندردش .... ميموري كارد






  الموضوع النهاردة سرحااااااان

خيال في خيال
ادوني خيالكم بقى عشان نعرف نتكلم
من كتر تعاملي مع الكومبيوتر و خبرتي المتواضعة فيه
بقيت مستشارة العيلة و صحباتي في صيانة الاجهزة المحلية و المستوردة
أسطب سيستمز و برامج و نسخ ويندوز
و من كتر شغفي بالسرحان و التفكير في أي حاجة من غير حدود
سيطرت فكرة على دماغي بنت اللذين مش عارفة اخرجها منها من خامسة ابتدائي
يا سلام
لو مخي ده بقى
ميموري كارد
زي المرميين عندي في الدرج كده
هصحى الصبح أركب الميموري كارد
يو اس بي طبعا
و أمشي أروح مدرستي و كليتي
اقابل الناس
عينيا هتاخد لكل واحد صورة
و تخزنها في الميموري
و تكتب تحتها اسمه
و هعمل فولدرات للناس
Friends
Family
Neighbors
Teachers
Enemies :D:D:D:D
و بعدين أركب صوت كل واحد على صورته
يا سلااااام
هروح الكورس هشغل الساوند ريكوردر
و أرجع البيت هعمل
Scan
للكتاب بعينيا
Copy & paste
للكتب المبعترة على المكتب و برضه الميموري بتاعتي منظمة فولدرات
Anatomy , physiology , bio & histo
Copy & paste
في الإمتحانات كذلك
ياااه مفيش مذاكرة
و بليل قبل ما انام
همسح أي خناقة مع حد و أي موقف زعلني
Edit
لأي كلمة غلط قولتها
و هغيرها للصح
Save changes
و بعدين هنام
و أصحى الصبح أبتدي يومي من جديد
و هكذا ..
و في مرة صحيت لقيت الميموري بتاعتي مهنجة
يا خبرررررررر
الميموري اتهكر عليها
العمل ايه دلوقتي ؟؟؟
برنامج الأنتي فايرس محتاج كراك و إلا مش هيشتغل
و الحل الوحيد
Format
و نبتدي من جديد
و فجاة
أخذ تفكيري منعطف آخر ,
طب ماحنا منفرقش كتير عن كده على فكرة
انت فعلا بتصنف الناس اللي حواليك حسب علاقتك بيهم
فعلا بتسجل صوتهم و صورتهم
رجع تفكيري الخيالي يسيطر عليا ::
احنا لو ركبنا ميموري مش هنذاكر
كل اللي هنعمله
Upload & download
للمعلومات من الكتاب لورقة الامتحانات
طيب
و احنا كده هتبقى ايه لزمتنا في الدنيا
ما احنا لازم نشتغل و نتعب و نذاكر و نبني نفسنا بنفسنا عشان نلاقي الثواب عند ربنا
رجع الخيال يكلمني ::
طيب ما احنا كده مش هنعرف نمسح المواقف الوحشة من حياتنا وقت ما نحب
قلتله ::
أحسن بلاش نمسحها
الأحزان وجدت علشان نتعلم منها
لو فضلت أمسح كل موقف صعب هفضل اكرره و عمري ما هتعلم أتصرف إزاي فيه
آآآآآآآآه
بس كده مش هينفع أمسح أي حاجة غلط عملتها أو كلمة وحشة قولتها
صحيح انت معندكش زرار
Delete
بس عندك كلمة
أستغفر الله
تمحي أي ذنب مهما كان حجمه
آآآآآآه كده أحسن على الأقل مش هنهنج زي الكومبيوتر
ههههههههه لا ممكن
ساعات ممكن تقف و تضرب لخمة في موقف او كلمة أو قدام حد
وارد يحصل
مااااااشي بس محدش هيهكر عليا هههههههه
مين قالك مبيحصلش ؟!
ناس كتير بتتدخل في اللي ملهاش فيه و دي محتاجلها وقفة
و إلا خصوصياتنا هتبقى نسخة مقلدة عند الكل
طييييب بس مفيش فيروسات و لا هحتاج انتي فايرس
ياااااااااه و ليكي عين تقولي كده
طبعا الفيروسات موجودة
ذنوب حواليكي من كل حتة
و الأنتي فايرس عندك من غير تسطيب و لا كراك
كتاب ربنا و سنة نبيه – عليه الصلاة و السلام –
و لما تلاقي نفسك بعيدة عن الأنتي فايرس ده
يبقى ساعتها لازم فعلا تعملي
Format
و تمحي اللي فات من حياتك و تبتدي صفحة جديدة
.......................................
يااااااااااااه أخيرا اقتنعت
مفيش أحسن من سنة حياتنا اللي ربنا أرادها لينا
و افتكروا أنا لا بحل و لا بربط ..... أنا بس بدردش

5 قالوا رأيهم:

Doha يقول...

عودة إلى الدردشات القيمة الممتعة .. كان عندي حق لما عملتلك كاتوجري لوحده :D :D :D


المهم بقى إن كلامك صح جدااااااا جداااااااا

بس انا عن نفسي حاسة إنه كان هيبقى أحسن لي لو كنت ميموري كارد :)
Keep Up ya Rana :)

Anastasia pop يقول...

ههههههههههه دي حرية شخصية على فكرة
و من حقك كمان تختاري السايز :D:D:D
أنا مثلا هبقى رنا 8 جيجا
هههههههه
مرسيه يا دودو

sony2000 يقول...

انا عوزا لاب توب
ملييش دعوا:)

Unknown يقول...

صحيح...كتاب ربنا وسنة نبينا هو الحل الاول والاخير
شكرا لكي اختي
وبالتوفيق ان شاء الله

قبل العالم الأخير يقول...

nice imagination ,,we nice topic :D

إرسال تعليق

هنا مساحة للتعبير عن رأيك بحرية ..

ازاي أنا رافع راسك وانتي بتحني في راسي ازاي ؟!

ازاي أنا رافع راسك وانتي بتحني في راسي ازاي ؟!

بحبك يا بلادي

بحبك يا بلادي

جمعة النصر : )

جمعة النصر : )

كلنا ايد واحدة

كلنا ايد واحدة