الاثنين، 14 مارس 2011

خاص بالدستور2





نعم للتعديلات
لا للتعديلات نريد دستور جديد
أنت أمام خيارين فى الأستفتاء القادم تصورات توقعات
يبقى مفيش الا حل واحد تجيب كدا ورقة و قلم و تقعد ترسم المستقبل فى حالة كل اختيار


فاذا كان نعم
سنجرى التعديلات
انتخابات مجلس شورى الاول طبقا للدستور المعدل
على الرغم أنه ملوش أى سلطات تنفيذية و ليس له أى أهمية فى الوقت الراهن
بعد كدا انتخابات مجلس شعب
الوطنى الوفد الاخوان


دى هتبقى الأحزاب الكبيرة فى البلد كل حزب من دول سيتحكم فى ما لايقل عن نص مليون صوت فى أنحاء مصرو شويه كدا مستقلين معاهم مقاعد محدده للعمال و مقاعد للفئات
لا شك أن عدد من أفراد الحزب الوطنى ستخوض الأنتخابات و يتقدم كل منهم بخدمات رهيبه لأهل دوائرهم
الأخوان قالت مش هناخد أكتر من 35% و بتقول ان دا مش كتيير

يللا نبتدى الانتخابات

شويه اخوان و شويه حزب وطنى و شويه وفد و شويه مستقلين و شويه كمان كدا من اللى كان نفسهم يعملو حزب بس ملحقووش
عندك 40 مليون واحد تحت خط الفقر فى البلد
مرشحين الحزب الوطنى بطريقتهم المعروفه لا شك أنها ستجذب فئه كبيرة من الفقراء المحتاجين اللى من وجهه نظرهم ان الثوره كانت سبب فى تعطيل شغلهم و سنسمع بلا شك فى هذه الأيام
"200 جنيه تاخد نص مقدم و نص بعد ما تنتخبنى"
طبعا 200 جنيه دى كانت ايام الرخص دلوقتى اعتقد ان الاسعار هتوصل الى الالاف
ييلا خلو الشعب يعييش
لا عقوبة فى الدستور المرقع لمن يفعل ذلك و ستدون وقتها انتخابات المجلس تحت عنوان انتخابات نزيهه و حقا لم يتم تبديل لأى صندوق أو تزويير
:D
الانتخابات خلصت و كل حزب أخد اللى فيه النصيب من المقاعد و مجلس الشعب اتعمل
انتخابااات رئاسية
طب مين اللى هيترشح و هيتوافق عليه


ما علينا
هيطلع واحد يبقى رئيس بكافه الصلاحيات
يللا اعمل دستور جديد
حااضر يا شعب
فى هذه الحالة سيتم انتخاب 100 من بتوع مجلس الشعب
اللى هما بيبقى فيهم عمال و فئات و عمده كفر بلدنا و عمده الكفر اللى جارنا
طب احنا عايزين ننتخبهم بحيث نجيب حد بيفهم و مثقف و سياسى
؟
لا
ليه؟
الدستور اللى أنت عدلته بيقول لازم ال 100 واحد يكونوا فى مجلس الشعب
سياسين و مثقفين و مفكرين
هيبقى رأيهم كدا فى مدونات و لا جريده
يللا الدستور استوى

طبعا واضعو الدستور أمام أمرين
نكمل رئاسى و لا نحول برلمانى؟
فى حاله بقينا رئاسى هتقوم الثوره تانى لأن صلاحيات الريس هتبقى كتير و ناس مش هتوافق
طب هنعمله برلمانى
ناس برده هتقوم و هتطالب بأن الرئيس و المجلس كله يتشال لأنه انا كنت منتخبك على أساس صلاحيات و فى هذه الحاله ستعاد انتخابات المجلس و انتخابات الرئاسه و هيبقى فات حوالى سنتين و رجعنا لنفس النقطه تانى
و هيبقى الوضع ان عندنا دستور جديد بس الريس و المجلس أتحلو و أنتخابات جديده بقى
طب ما كان من الاول
!! 




لااااااا للتعديلات اريد دستور جدييد

اما نرسم كدا صوره للى هيحصل هيتم انتخاب لجنه تؤسس الدستور و بعد سته اشهر دستور جديد
6 اشهر بدون أى انتخابات فتره هادئه جداااا الوزاره بتقوم بشغلها
فتره كافيه لانتعاش الاقتصاد و فتره كافيه لعوده الشرطة الى الشوارع و سيتم انجاز مشروعات و تقليل البطاله بحيث نتفادى خطر الفقر الذى قد يدفع البعض الى بيع أصواتهم و لا شك أنه ستوضع مواد فى الدستور الجديد تحرم المرشح من الترشيح فى حاله ثبوت تورطه فى عملية رشوى أو شراء أصوات

هدوووء سيحل بالشوارع فلا وجود لانتخابات نهائيا
مفيش ضرب و لا رشاوى
تظهر احزاب اخرى فى ذلك الوقت غير الاحزاب المعروفه و كل حزب بقى سيبادر فى عمل الخير فى مناطقه
و سنتعرف على أشخاص جديدة و أفكار مختلفة
هنعمل انتخابات رئاسية بحسب الشروط الموضحة فى الدستور الجديد و كل رئيس طالع عارف كويس ايه صلاحياته و ايه اللى ليه و ايه اللى عليه
هيطلع رئيس صلاحياته ستتحدد فى الدستور الجديد
و يمضى بعدها فى انتخابات مجلس شعب
و هيكون ساعتها أحزاب اخرى و أشخاص اخرى غير المعروفين من قبل
و ذلك بعد ما بقى عندى دستور اعرف المفروض انتخب مين ؟ و اعرف ايه صلاحيات اللى هنتخبه دا؟.و ناس كتير من الثوره اخدت فرصتها فى تكوين احزاب و اظهار افكارها
و البلد لا شك انها مرت بفتره حوالى سنه بانتخابات واحده


ملحوظة: بعيدا عن نعم أو لا
أنا بجد فى قمه السعادة أن الواحد هينزل يقول رأيه و مش كدا بس دا كمان أحنا بنقول اراءنا و بنفكر و وجهات نظر كتيره
بجد اللى مش ناوى ينزل بيحرم نفسه من متعة كبيره أوى


1 قالوا رأيهم:

sando يقول...

perfect topic bs aham 7aga en e7na nenzel n2ol ra2iena ya ah ya l2 w mankonsh salben .... w aked rabena hai5tar el a7san isa:)

إرسال تعليق

هنا مساحة للتعبير عن رأيك بحرية ..

ازاي أنا رافع راسك وانتي بتحني في راسي ازاي ؟!

ازاي أنا رافع راسك وانتي بتحني في راسي ازاي ؟!

بحبك يا بلادي

بحبك يا بلادي

جمعة النصر : )

جمعة النصر : )

كلنا ايد واحدة

كلنا ايد واحدة