الأحد، 20 مارس 2011

بعد الإستفتاء



إمبارح كان فى تصويت وحسب التقارير المبدئيه إن عدد المواطنين اللى قاموا بالإستفتاء حتى الأن 25 مليون يعنى مش بطال بالنسبه لأول تجربه ديموقراطيه حقيقيه .

كان الجميل فى الفتره اللى فاتت هيا المناقشات المستمره بين الجميع فى محاوله إتخاذ قرار سليم .. الفرق ما بينهم هوا الترتيب الزمنى فقط ولا غير .. وبغض النظر أنا قلت نعم أم لا .. إنتا أو إنتى صوتوا بإيه .. فده شئ يرجعلك مينقصشى من مكانتك أو وجودك كشخص فاعل فى فكر جديد !
 
ولكن .. أه من كلمه لكن .. تعمدت فى الفتره اللى فاتت إنى مظهرشى برأيى وأتفرج بس أتفرج على كل الكلام اللى كان بيتكب .. فى الكلام الجميل المقنع اللى ميختلفشى عليه إتنين وده كان من الطرفين وفى كلام تانى كان بيجيلى حاله من الضحك الهيستيرى ..
التعديلات كانت واضحه تماما وأقصد بالوضوح هو ما سيتم الإستفتاء عليه .. بس اللى حصل بقى فى إعتقادى هيا لعبه إتلعبت من السياسيين أو النخبه اللى بنتكلم عليهم تمام إستمر السيناريو نتيجه وجود حاله من الإنفتاح الرهيب والمفاجئ واللى عندو كلمه يقولها لقينا الكنيسه بتتكلم فالطبيعى حيرد السلفيين .. جهتين فى الأساس بيتلككوا لبعض .. ودخل الإخوان بقوه فى الخط .

اللى مش فاهموا بقى إيه اللى دخل الماده 2 بقى فى الموضوع ؟! وإيه اللى يخلينا نحصر نفسنا فى إن أه يبقى إرهاب لا يساوى علمانيه وطز فى الإسلام مع إن الموضوع أعمق من كده بكتير ! لكن أعتقد بقى إن تم إستخدام نفس الأسلحه القديمه سلاح العاطفه الدينيه أه يبقى يا مسيحيين يا محترمين حتتقتلوا وإنتوا بتصلوا فى كنايسكم ولأه يبقى إنتى يا محجبه يا موحده بالله مجرد حمقاء رجعيه متخلفه !

واللى يغيظ سواء لا أو نعم .. لن يتم المساس بيها إلا : - ها حط تحت إلا دى مليون خط - بعد إستفتاء شعبى تام 

لكن برده الواحد حيرجع ويحاول إنوا بيفكر بعقلانيه الأخوان كقوه سياسيه مؤكد إنه حيكون ليهم دور كبير فى الحياه السياسيه القادمه سواء بقى فى البرلمان أو اللجنه التأسيسيه للدستور أو حتى لو كان فى مجلس رئاسى وفى الناحيه الأخرى الكنيسه الخائفه من الإخوان تبتدى تجيب الأصوات بلا مجرد حمايه منهم بغض النظر بقى عن الموضوع إحنا ليه حشرنا نفسنا فى الحته المهببه دية أنا بجد مش فاهم ولا إحنا حشرنا بفعل فاعل ثم إيه لازمه الكلام اللى سمعناه فى خطب الجمعه إننا لازم نقول نعم واللى ميقولشى يبقى كافر زنديق حاجات عجيبه يعنى !

هوا الشعب بجد العملاق اللى أصر على النزول يا جماعه ووقف فى طوابير فى منتهى الإحترام واللى كانت بتوصل أحيانا 100 150 متر كان واقف يختار عشان المنظق ده يعنى ؟!

غير كده لو حتى قعدتوا سنه أو سنتين فى إنتظار تحسين المشاركه السياسيه فى مصر ده حيقلل من قوه الإخوان مثلا I don't 
think so

خلاصه القول يا أيها الساسه .. إحترموا عقولنا .. أنا لا أشكك فى نزاهاتكم ولكنى أريد أن أعيش بحريه لا أستيقظ يوما ( مسلم أو مسيحى) لإبرر أى شئ للأخر ...... وشكرا 

نتويه هام :- 1- يقد يرى القارئ إنى أهاجم جهه على حساب أخرى لكن يعلم الله إنى ليسى فى نيتى شئ من هذا
2- تم عرض هذا الموضوع بعد الإستفتاء مباشره وقبل ظهور أى نتائج حتى لا يقال إنى أروج لجهه على حساب الأخرى

2 قالوا رأيهم:

amany elshaer يقول...

انا شايفه الموضوع حلو جدا و بجد نفس السؤال كان محيرني لييه كتير من اللي بيقولو نعم يقولوا عشان الماده التانيه و خايفين منها و كده ليييه اصلا لييه نوصل لمرحلة ان يتقال ده مسلم و ده مسيحي احنا كلنا مصرييينننن و اهي النتيجه طلعت نعم و يارب محدش يكون اضايق و اكيد ربنا عرفلنا الخير فين و ربنا يصلح البلد في اقرب وقت ان شاء الله

sony2000 يقول...

مدام في ناس لسا مش فاهمه

او مش بتحاول تهم ولغيه عقلها
طبيعي يحصل اكتر من كدا

ياااااارب
حلها من عندك

إرسال تعليق

هنا مساحة للتعبير عن رأيك بحرية ..

ازاي أنا رافع راسك وانتي بتحني في راسي ازاي ؟!

ازاي أنا رافع راسك وانتي بتحني في راسي ازاي ؟!

بحبك يا بلادي

بحبك يا بلادي

جمعة النصر : )

جمعة النصر : )

كلنا ايد واحدة

كلنا ايد واحدة