الثلاثاء، 1 مارس، 2011

يا الله





يا عيني على قلبي حزين .. ما يعرف ليه
لأ هوا عارف بس رافض يعترف
انه غلط يمكن ؟
يا قلبي يا حزين بوح واشتكي
يمكن بشكواك انت وروحك تلتقي
وجعني بكاك الخفي
وكتمة دموع العين وقت ما تلقاك وحيد
اصلك نسيت
وجريت ورا وهم ظنيته حب كبير
لكن حقيقى ده سراب وزال
ولما زال ولاح المخفي عن العين
بكيت
وقعت
انكسرت
لكن الآه جواك كتمت
أصلي غلطت
وقت ما نسيت ان ربي الكبير
الودود الرحيم
سبحانه الحب والحب الجميل
اللى معاه وبحبه يضحك القلب ويلاقي روحه
سعيد ولا ينكسر عمره
أصل إلهي بيه أحن مني عليه
يحييه
وبإيده وقف النبض وقت ما يحين الأوان
الحين صار قلبي وحيد
أصله بعد
ندمان ؟
مكسور يا قلبي ؟
لكنك اتأكدت
مالك غيره
وحده تشكيله وحده توجهله الدعا
وبين ايديه تبكى وهمك تشتكى
لما بعدت زاد عليك همك .. تقل
بيكسر فى ضلوعك وانت مش عارف لمين تشتكي
ارجع ياقلبي
لسه ما ضاعت فرصتك
وحده تشكيله
وحده تبكى بين ايديه وتحكيله
سبحانه عليك الأحن وحده قادر يشفي جرحك
أما أرفع ايدي بالدعا وأبكي
الهي عفوك وغفرانك
مالي سواك فكيف لي إلهي أن أحيا بغير رضاك
أموت
جوايا يصير خراب وخوف مكبوت
إلهي أنت بي أرحم
أرجو رضاك برحمتك
ارحم ضعفي فأنا بشر
وكل البشر خطاء إلا من رحمت
سبحانك
وتب على ياالله
سترك وغفرانك

4 قالوا رأيهم:

Heidenröslein يقول...

I really needed your words :)
thank you :)

Heidenröslein يقول...

حاسة فيها بحاجة غريبة زي ميكون حد من العرب الحكماء كده بيقول شعر .. مش عارفة أوصفهالك ازاي بس جميل أوي أوي

my own dream يقول...

لا إلاه إلا الله وحده لاشريك له له الملك والحمد وهو علي كل شئ قدير

رائع ....

الشيماء حمزة يقول...

رائعــــــــــــــــــة حقا
ربنا يبارك ليك ويزيدك

إرسال تعليق

هنا مساحة للتعبير عن رأيك بحرية ..

ازاي أنا رافع راسك وانتي بتحني في راسي ازاي ؟!

ازاي أنا رافع راسك وانتي بتحني في راسي ازاي ؟!

بحبك يا بلادي

بحبك يا بلادي

جمعة النصر : )

جمعة النصر : )

كلنا ايد واحدة

كلنا ايد واحدة