الأربعاء، 1 سبتمبر 2010

طربيزة


كل واحد ليه حرية التعبير والرأى والشعور مفيش طبعا حاجة تضايق فى الكلام ده ومفيش اعتراض

لازم نلتمس للكل الاعذار يعنى دايما نقول تلاقيه ميقصدش .. اكيد كان قصده حاجة حلوة .. مأخدش باله .. مش قصده مضايقة اصل يعنى مفيش حد حيكون عايز يضايق حد متعمد ده كدة حيبقى شرير اوى يعنى

حاجة غريبة الانجليز احتلونا لمدة كبيرة باين لسبعين سنة واحنا دلوقتى بنتعامل معاهم بشكل طبيعى كأنهم لم يحتلونا والعلاقات ماشية عادى زى الجزاير وفرنسا الجزائريين بيموتوا فى فرنسا
مهو معلش الناس بتنسى بسرعة

هو انا لإما مش مقدرة جيدة لاهمية الامور لإما هى تلك المشكلات هى اللى تافهة اوى ومتستهلش اصلا الكلام فيها

لا انكر انى سعات بستغل المدونة فى تسجيل تواريخ .. المدونة وسيلة لقضاء وقت الفراغ فى شئ جيد وهى تسلية عمرى محخليها وسيلة اتضايق بسببها ..

تخيلوا معايا طربيزة مليانة أكل واحد فى آخر الطربيزة عايز مثلا الديك الرومى اللى فى اول الطربيزة فطبعا الناس حتمرره لغاية مايوصل للى فى الآخر فلغاية ميوصله حيلاقيه عظم كل واحد من اللى بيمرروا اخد حتة لغاية موصل للغلبان اللى فى الآخر والديك عظم بس وصل دى معلومة مهمة .. المرتب بيكون حاجة بعد الخصومات والضرايب والمعاش والنظافة وحاجات عجيبة بيبقى رقم تانى خالص .. الحكاية دى ظاهرة اوى فى جوايز الدولة او المنح والمكافئات

ما اسهل ان الواحد يتكلم فى مواضيع كثيرة ويلقى اللوم على الآخرين الذين وضعوا فى تلك المواقف ويقول ( كان المفروض يعملوا كدة ) وهو لو كان فى مكانهم كلن احتمال كبير انه يرتكب نفس خطأهم هو لا يعرف الظروف الكاملة التى كانت محيطة بهم ولا حالتهم النفسية وقتها ولا اى شئ سوى جزء صغير من الموقف عقله يحجمه

الشعور بالتوتر والقلق عند عملك اى شئ لم تكن معتاد عليه هو ما يشكك الناس فيك و فى صدق نياتك المشكلة ان كل حواسك بتتيقظ على اتفه حاجة لو حد اصدر صوت فى ناس تلتفت من التوتر شعور ان كل الناس ينظرون إليك هو شعور واه يسبب التوتر يثير الشكوك حولك

2 قالوا رأيهم:

Doha يقول...

متخيلتش انها هترسى فى الآخر على الطرابيزة يا ايمان
:P:P
:D فين اللى اتفقنا عليه ؟

Alice يقول...

قلت خلاص بقى علشان متزعليش ( ضحكة شريرة )
وكمان نفس حوار كل موضوع العنوان هو طربيزة ولا طرابيزة يلا بقى اى حاجة

إرسال تعليق

هنا مساحة للتعبير عن رأيك بحرية ..

ازاي أنا رافع راسك وانتي بتحني في راسي ازاي ؟!

ازاي أنا رافع راسك وانتي بتحني في راسي ازاي ؟!

بحبك يا بلادي

بحبك يا بلادي

جمعة النصر : )

جمعة النصر : )

كلنا ايد واحدة

كلنا ايد واحدة