الخميس، 30 سبتمبر، 2010

تخاريف آخر الاسبوع


عذرا .. انا لا افهم .. هل من المفترض ان اضحك على هذه السخافة؟ هل المفترض ان ابتسم لهذا واجامل ذاك ؟ هل المفترض ان اتغاضى عن الاخطاء واتناسى السيئات واجدد الذاكرة واضغط على الاعصاب واتعامل من جديد بقلب ابيض جديد ؟ هل الامر بهذه البساطة ؟ .. الحياة علمتنى ان غير التعمد اكتر من مرة بيقى تعمد .. ولا اللى فعلا يضايق لما تلاقى واحد مثلا بتتشم بلده قدامه وهو واقف بلا تعليق .. محدش يقول انه مبيشتركش فى شتيمة بلده يبقى كدة موقفه حلو لأ ده كده موقفه انيل انه مبيدافعش .. عارفين الهزار ده لما واحد يقول انا مبنمش على حد انا بسمع بس الناس بتنم بتقول ايه مش بقولكوا هزار .. وبرضه حاجة تضايق لما واحد يقولك على معلومة صغيرة يشوقك بيها بس يرفض يكمل او يقول مش مشكلة تعرف طب انت كنت بتقول من الاول ليه .. سعات كتير بننسى قرار بنكون اخدناه قبل كدة وبنكون متفقين انحنا ننفذه بس كان كل المطلوب هو قلم علشان نفتكر .. هو معلش المفروض يكون ايه الشعور لما حد يقولك انه معلوماته محدودة وانك ممكن تعرف معلومات اكتر منه انا خالطنى شعورين مختلفين الاول نظرة احترام والتانى نظرة عدم ثقة فى الكفاءة .. بالمناسبة شفت الاسبوع ده كام حلقة من مسلسل عايزة اتجوز على فكرة ده مسلسل مأساوى فى حتت الناس بتتضحك عليها بس هى الواحد لو فكر فيها حيلاقيها المفروض تزعل

5 قالوا رأيهم:

Ahmed Adel El-Feky يقول...

واظبى بقى على تخاريف اخر الإسبوع دى :D على فكره أسلوبك حلو فى سرد الأفكار والخواطر ..

Alice يقول...

شكرا .. ريلى

sony2000 يقول...

هتقولي ايييه بس؟
بجد حاجه تحذن
واللي ذعلني اكتر من كدا
اسلوب تعامل اهلها معاها
علي انها بوه وعوذين يخلصوا منها

A fugitive يقول...

عذرا .. انا لا افهم .. هل من المفترض ان اضحك على هذه السخافة؟ هل المفترض ان ابتسم لهذا واجامل ذاك ؟ هل المفترض ان اتغاضى عن الاخطاء واتناسى السيئات واجدد الذاكرة واضغط على الاعصاب واتعامل من جديد بقلب ابيض جديد ؟ هل الامر بهذه البساطة ؟ ..

فى وقتها والله... بيفضل الامر بسيط لحد ما يزيد عن حده ..وبعد كده الله اعلم باللى بيحصل

وموضوع القرارات ده كمان :S

nice one

Alice يقول...

شكرا

إرسال تعليق

هنا مساحة للتعبير عن رأيك بحرية ..

ازاي أنا رافع راسك وانتي بتحني في راسي ازاي ؟!

ازاي أنا رافع راسك وانتي بتحني في راسي ازاي ؟!

بحبك يا بلادي

بحبك يا بلادي

جمعة النصر : )

جمعة النصر : )

كلنا ايد واحدة

كلنا ايد واحدة