الثلاثاء، 7 سبتمبر 2010

العيد فرحة


العيد جه اهو قرب بكرة باين الوقفة لاما بعد بكرة ... حتخرجوا تروحوا لقرايبكم ... كل واحد حيلبس التيشيرت الجديد والبنطلون الجينز الجديد ولو فى كوتشى كمان وكل واحدة حتلبس البلوزة الجديدة والجيبة الجديدة ولو فى جزمة كمان تاخدوا العيدية من الوالدين والاقارب وترموها فى الدرج انت مش محتاج حاجة كنت مستنى تاخد العيدية علشان تجيبها وفى العيد تتفرج على المسرحيات وتاكل بسكوت وكحك والحياة جميلة خالص .... فى ناس يتامى واطفال الشوارع ... اليتامى الناس بتحن عليهم ويفتكروا يزوروهم فى العيد ويفطروهم فى رمضان باقى السنة لا زائر .. واطفال الشوارع الشارع هو ابوهم وامهم وقرايبهم .. بالنسبة للهدوم آل يعنى هم عندهم هدومهم الاساسية علشان يكون عندهم هدوم للعيد ده حتى الهدوم اللى عندهم قديمة اغلبها بالى واكترها مستعمل ناس رفضت تلبسه فقالت تعمل خير وتتبرع بيه ليهم .. بخصوص العيدية انا يعنى بجد عاذرة الحرامى الايام دى كل اب نفسه يجيب لاولاده لبس جديد ويديهم عيدية اكتر حاجة تكسر اى اب لما ابن من ابنائه يطلب حاجة وهو معهوش يديله و يبقى كمان معهوش يديله عيدية هو قادر يصرف على البيت فى الشهور العادية لما يصرف اكتر فى العيد فيضطر يسرق .. شوفوا الفرق انت ممكن تكفل يتيم بعشرة جنيه كل شهر.. عشرة جنيه بالنسبة ليكوا ايه تقريبا ولا حاجة .. فى ناس بتكمل صيام اجبارى .. رمضان عندها زى اى شهر كله صيام بس مبيلقوش على الفطار فراخ ولا لحمة ولا العصير ولا الحاجات دى
وزى مادايما بقول الحياة حلوة و جميلة مفيهاش اى سبب يدعو للحزن او الالم
اهو هوة دة اللى جه فى دماغى لما افتكرت ان بعد بكرة العيد ... بصوا انا بخرف مع نفسى .. العيد فرحة يا جماعة اتبسطوا وافرحوا وزوروا اقرايبكوا كل سنة وانتوا طيبين

6 قالوا رأيهم:

Heidenröslein يقول...

بغض النظر عن انك مستنتينيش النهاردة :D
وبغض النظر عن تكلفة الرنة :D
وبغض النظر برده عن انك وحشتيني وكل سنة وانتي طيبة :D

إلا إن ::D:D

بصى يا ايمان انتي يبقى موضوعك حلو وفكرتك حلوة بس بتيجي تكئبي الواحد فى الأول .. يعني بدل متقولى انتوا بتفرحوا وفى مساكين وانتوا معندكوش قلب وبتاع

كان ممكن تفكرينا بان فى ناس لسة محتاجة وكده .. والواحد هيفهم من نفسه انه معندوش دم لما يفرح والناس دي مسكينة كده

بس احلى حاجة اخر جملتين
كل سنة وانتوا طيبين وافرحوا

بعد ايه بس ؟؟ :P

يا مخرفة وبعدين المفروض موضوعي ينزل قبليكي محطوط فى الدرافت الأول :P:P:P

رخمة انا .. واه انا غريبة :P:P

بهزر طبعا بما اني مش غريبة :D

rawan يقول...

ايه يا ايمى حراااااااااااام عليكى ىىىىىىىىىىىىىىىىىى يا حاجه ده عيييييييييييييييد و يا رب كل الناس تبقى مبسوطه و الكل يجيب اللى نفسه فيه بس بجد التوبيك لو حد قراه ليله العيد ممكن يموت من النكد
ليه يا بنتى ؟؟؟؟؟

انا لسه مصممه ان الحياه حلوه و زى الفل

و كل سنه و انتى طيبه

unbroken arrow يقول...

يا شرييييرة ياشريرة انتى اللى اتأخرت اوى افتكرت انك رنيتى حلاوة روح يا شريرة انا مشيت ووصلت المسجد والله وهو بيقول استقيموا يرحمكم الله وخلاص كان حيبتدى ووقفت فى صف من الاواخر .. وانتى برضه يا ضحى وحشانى .. وانتى طيبة يا جراند تشيلدرين آه جراند تشيلدرين
مهو بقى مش مشكلة مزاجى مكنش رايق وانا بكتب الموضوع انتى عارفة ان انا مع نفسى فى المدونة
انا كنت كتبالك اعتذار رسمى فى الدرافتس بس دلوقتى طبعا شيلته انتى مش غريبة يا ضحى لو حد تانى مكنتش حعمل النهاردة الموضوع
منا نزلته قبل العيد بكام يوم اهه .. وانتى طيبة يا روان

amany elshaer يقول...

kl snaaaaaaaaaaaaaaaaaaaaa w entm tybinw b2lf s7h w slaaaaaaaaaaaamh w yarb el3id dh mkt2bsh fih zy 3ady kl sna w yarb elnas klha tbst fih 2a5r 7agh esa w dma3'na y emy mat5fish fkrin wlahy wly smh fakr 2diky fkrtiiih nice topic

A fugitive يقول...

:D:D كل سنة واتنم طيبين

Era يقول...

وانتى طيبة يا أمانى ان شاء الله يكون عيد سعيد على كل الناس وان شاء الله محدش يكتئب
شكرا يا امانى منورة المدونة والله
وحضرتك طيب

إرسال تعليق

هنا مساحة للتعبير عن رأيك بحرية ..

ازاي أنا رافع راسك وانتي بتحني في راسي ازاي ؟!

ازاي أنا رافع راسك وانتي بتحني في راسي ازاي ؟!

بحبك يا بلادي

بحبك يا بلادي

جمعة النصر : )

جمعة النصر : )

كلنا ايد واحدة

كلنا ايد واحدة