الأحد، 24 أبريل، 2011

فكره



يوميا ما نتعرض لتجارب منها المفرح وكثيرها المؤلم والغريب إن من منطلق إن كل البشرية سواء بس فى بعض الإختلافات الفرديه اللى منها نقدر نقول عليها من صنع إلهى ومنها المكتسب تحت منطلق "مفيش حد بيتعلم بالساهل واللى مربهوش أبوه وأمه تربيه الأيام والليالى"
أمر طبيعى إننا نتعرض لتجارب يوميه ويكون تأثيرها مختلف فيه ممكن اللى يسبب جرح وينتظر الشخص فتره طويله فى محاوله آمله لتخفيف أثار الألم ده .. وينتظر وينسى ولكن فى المقابل يخسر الكثير من حياته .. والبعض لا ينتظر من الزمن شئ ليفعل ما يرام صائبا فينجح أو بمعنى آخر غالباً ما ينجح

فالحياه تجارب


فأنت أحمق لو أخبروك بتجربه ما وأعتقدت الإلمام بكافه جوانبها .. بصراحه فى نظرى ده غباء فإيه وجه الإستفاده الكاملة – الكاملة الكاملة واخدلى بالك الكاملة – من مجرد كلام تحصل عليه من غير مقابل فالتجربة ومهما أخبروك عنها ليست كما تعيشها أنت وتدركها وتتعلم منها وتشعر بجرحك الدامى وتنتظر يد الأمل من مساندات من حولك لوضعك على مفترق الطريق لتكمل أنت بإرادتك وتختار ..

الماضى وأخطاء الماضى وندم مستحيل تغييره وشوق عجيب جداً .. حقيقة يعنى أنا فعلا لا أدرك لماذا إنجذابنا الدائم لموقف معين ورغبه مستميته للتصحيح أو إعتذار أو حتى مجرد إبتسامه .... أخطائك ليس من حقك أن تندم عليها فما فائده الخطأ إن لم تستفد منه ؟! وصدقنى ليس هناك من ضمانات ترتكز عليها فى مواجهه أخطاء الجنس البشرى فالكمال لله وحده فهناك فرق بين عدم الإكتراث وسلبيه التعامل مع الخطأ ..

فالتجربه فى حد ذاتها شئ مبهم وتأثيره يعتمد على عوامل كتير منها زى قلت طبيعه الإنسان البشريه .. ومنها قوه الصله بين الشخص وربه .. وقوه الصله الدينيه بمختلف أنواعها وتدرجها بنوعيه النفس اللى بتتعامل معاها ..

وأخيرا التجارب المختلفه شئ مينفعشى نخاف منه بل بالعكس تماما دى كيان لازم نخترقه ونتعرف عليه لكن قبل أى حاجه لازم الواحد يدرك تماما حجم نفسه وقدراته الفعليه عشان ميدمرشى نفسه بنفسه 
فإدراك الذات عنصر السحر فى معادله تغيير الحال من مجرد إستقبال إلى تحكم وإختراق المواقف اليوميه المختلفه

7 قالوا رأيهم:

Heidenröslein يقول...

بجد ما شاء الله الكلام كبير أوي وكل كلمة في مكانها .. بتطلع المعنى بأسلوب عالي وبسيط في نفس الوقت :)

ما شاء الله
:)

Ahmed Adel El-Feky يقول...

أنت مُبدع !

Adel fawzy يقول...

Heidenröslein :- شكرا بجد على الكلام الجميل ده
elfeky :- الله يكرمك وبعدين إنتا مش ناوى تكتب حاجه جديده ولا إيه

Rawan يقول...

فالحياه تجارب



فأنت أحمق لو أخبروك بتجربه ما وأعتقدت الإلمام بكافه جوانبها

انا مختلفه مع حضرتك فى النقطه لان التقدم دايما بيجى اما ابدأ من حيث انتهى الاخريين حتى فى التجارب العلميه برضوا العالم بيكمل على اللى عمله العالم اللى قبله و لو كل عالك ابتدى من الاول ما كناش وصلنا للاختراعات زى الطائره مثلا او القطار دا على مستوى العلم

و لو حضرتك تقصد فى الحياه عادى فمقوله الحياه تجارب مش معاناها انى لازم اجرب كلحاجه ع الرغم من مثلا حد شفته جربها و حياته ادمرت
يعنى مثلا لو انا شفت موقف واحده صاحبتى مرت بيه و انا معاها و عارفه انها غلطت فى حاجه معينه يبقى انا من العقل ان لما حاجه مشابهه تحصلى مقولش بقى انا عايزه اجرب

الحياه تجارب بس لو غلطنا نفسى غلطات الاخرين يبقى احنا هننتهى زى نهايتهم مش هنستفاد حاجه
دى بس النقطه اللى كنت عايزه اوضحها

و عجبتنى اوى النقطه بتاعه الندم على اخطاء الماضى حضرتك ما شاء الله عرضتها كويس

Adel fawzy يقول...

Rawan:- كلام حضرتك سليم تماما لكن فى الحقيقه أنا أصلا متكلمتش على مسأله الإستفاده من أخطاء الغير شئ طبيعى جدا أنا أستفيد من تجارب غيرى لكن مفقشى عليهاوعلى فكره كلام حضرتك يتوافق تماما معايا حضرتك بتقولى إننا نكمل على إختراعات غيرنا وكده وهوا ده رغبتى بالتجربه للإلمام بكافه الجوانب لما يتناسب مع شخصيتى وقدراتى
بالنسبه للجزء التانى فأنا مش متفق مع كلام حضرتك أمر طبيعى إنى أشوف واحد جانبى وقع فى مشكله معينه فلو كانت المشكله غلط من الأول فمن الطبيعى إنى مش حعمل زيها إنما لو كانت تجربه عاديه مثلا ولأى سبب من الأسباب فمينفعشى إنى أوقف نفسى لمجرد الخوف من الفشل زى غيرى
الغرض من الموضوع فى الأساس هو إننا منخافشى من الجديد ونحاول نجرب بما يتناسب مع قدراتنا وإمكانيتنا أنا مبقولشى إنى سوبرمان أساسا اللى يعرفنى كويس حيعرف إنى متردد جدا وبفكر الحاجه مليون مره قبل ما أعملها لكن القصد هوا عدم الخوف من المختلف زى فى جمله بتقول إن الشخص بيخاف من الشئ الغير معروف بالنسبه ليه ولكن ونس إنه عرفه الموضوع بيبقى عادى زى مثلا عالم الشياطين والجن والكلام ده الناس بتخاف منه جدا لكن اللى يقرا القرآن حيعرف إن ملهمشى أى سلطان على المؤمن اللى بحق " إلا عبادك منهم الصالحين "
أتمنى تكون الفكره وصلت

A fugitive يقول...

يا اخي سبحان الله كنت من كام يوم في نفس الفكرة دي .. فعلا التجربة حاجة و الكلام عن التجربة حاجة تانية خالص .. بص كان في مقولة بحبها اوي بتقول ان الذكي اللى بيتعلم من غلطه و الغبي مبيتعلمش و ان الاذكى هو اللى بيتعلم من خطأ غيره .. المهم اني بقيت على يقين ان اى انسان لازم يكون الثلاث حالات دي .. لا زم هيجي يوم تتعلم من خطأك و يوم لا و يوم متغلطش و تتعلم من غيرك .. فكرة حلوة و موضوع في الجون .. مستنييين كمااااان يا عادل بقى ان شاء الله

sony2000 يقول...

ياهلا ياهلا
منوريييين ياجودعااان:)

ايه فين هديه عيد ميلادي؟؟

إرسال تعليق

هنا مساحة للتعبير عن رأيك بحرية ..

ازاي أنا رافع راسك وانتي بتحني في راسي ازاي ؟!

ازاي أنا رافع راسك وانتي بتحني في راسي ازاي ؟!

بحبك يا بلادي

بحبك يا بلادي

جمعة النصر : )

جمعة النصر : )

كلنا ايد واحدة

كلنا ايد واحدة