السبت، 1 مايو 2010

عندك وقت....ممكن تضيعه ؟؟


بداية تلك التدوينه ماهى الا مجرد سرد لموقف حياتى شهدته بل ولعبت دور البطوله فيه ....حسنا....كلنا فوجىء بذلك الاعلان المأسوف عليه الذى قررته ادارة كليتنا العزيزه بضرورة تقديم الاوراق لشهادة الاى سى دى ال قبل امتحانات آخر العام الى نهاية ذلك الاعلان السخيف ....مقترنا بذلك التحديد الوقتى لانتهاء التقديم والذى صدقته للاسف لأكتشف مؤخرا انه لم يكن تحديدا حقيقيا والله أعلم...ناهيكم عن الازدحام السخيف الخانق طوال فترة التقديم الوهميه ....حاولت التقديم خلال تلك الفتره كغيرى من الطلبه المساكين (حرام عليهم اللى عملوه فينا ده )


حاولت التمسك بمبدأ الاعتماد على النفس لأقدم بنفسى الاوراق دون تدخل خارجى ...نعم فمثلى مثل غيرى ...وكم من الوقت الذى ضاع منى منتظرة على تلك البوابة الحمقاء أحاول الدخول فكنت دائما ما ادفع الى الخلف لكونى فاشله فى المزاحمه (ماليش عيش فى البلد اللى ماتمشيش غير بالضرب)...وهكذا الى ان جاء آخر يوم فى التقديم .....قررنا انا وصديقتى ان نذهب من التاسعه الا ربع (وكنا فاكرين نفسنا هنروح نلاقى البوابه فاضيه ماخلاص اخر يوم أكيد الناس قدمت بقى .....يالنا من سذج ) فاذا بالبوابه وكأننا لم نتركها البارحه ....نفس الازدحام المقيت ....لكن تلك المره زملاء من كليات أخرى ...حاولنا استئذانهم بالدخول فى الطابور بحجة انه آخر يوم لنا .....كدنا أن نضرب لكن ربنا ستر ....وقفنا ....لتأتى الساعه التاسعه والنصف وحضرة الموظف لم يحضر بعد ...المهم جاء بعدها بمده ليست بكثيره ...توقعنا ان يدخلنا فهو متأخر عن موعد عمله الرسمى لنجده يخبر العسكرى الا يدخلنا الآن فهو مشغول ....وقفنا بعدها قليلا حتى جاء موعد الكورس ....انصرفنا و حضرته لم يسمح لأحد بالدخول بعد......

أعلنت فشلى و بعد انتهاء الكورسات اتصلت بعمى لأخبره بالموقف فقد كان على معرفه شخصيه بذلك الرجل المسئول عن الدورات ....مكالمه تليفونيه بسيطه ....ليخبرنى بأن الرجل ينتظرنى خارج البوابه ذهبت ...لأجده واقفا بوجه بشوش فى انتظار قدومى ليأخد منى الأوراق متسائلا ان كان هنالك ما ينقصنى من البيانات ليكمله لى ....وأخذ أوراقى وأوراق صديقتى وانصرف بعد عرضه المساعده

.......لست أهدف من تلك التدوينه اى شىء سوى مقت تلك العاده المجتمعيه المسماه بالواسطه فما المشكله ان كان ادخلنا اخلاصا لعمله وليس لكونى معرفه أو غيره ....ما المشكله ان كانت تلك البشاشه التى رسمها على وجهه شعارا فى العمل وليست نفاقا اجتماعيا....ما المشكله ....لا أدرى ....لا اقصد اهانه للموظف الفاضل فهو مشكور على الاهتمام وان كنت افضل وجوده دون واسطه .....لكن !!!!!
((بلد بتاعت شهادات صحيح )) ........


أعتذر عن ذلك الوقت الذى تكتشف/ى الآن انك قد ضيعته/ يه لقراءة تدوينه ساذجه .....لكننى سألتك منذ البدايه وأنت من قررت الوصول لنهاية التدوينه .........

:):):):):)

:(:(:(:(:(




11 قالوا رأيهم:

Ahmed Elfeky يقول...

جميلة .. سرد لذيذ للأحداث .. :D

رحاب احمد يقول...

اكثر من رائع
الاسلوب
رغم ملل الموقف

miramar يقول...

لأيس الوقت هو الوقت الذي ضاع في قرائة التدوينه .. الوقت هو الوقت الذي يقتله الروتين اليومي .. و( حبال الحكومه الطويله ) كما نقول ...

(( بلد بتاعة وسايط فعلا ))
نفس الموقف تكرر معي .. لكن ادركت الحقيقه منذ اليوم الاول ... واضررت لنفس السبيل .. لأنه تقريبا .. الوحيد في مثل هذا المجتمع ...

وحسبنا الله ونعم الوكيل ...

I love rain drops :) يقول...

لا إله إلا الله

..

أنا بقى عرفت من الأول .. جربت ساعة واحدة ..
من ساعتها ما رحتش تاني
:D

هو أنا فاضي ؟؟

وبعدين بلدنا بلد شهادات ؟؟
أشهد أن لا إله إلا الله وأن محمداً رسول الله


بصراحة أنا مش مفاجئ
إذا كان طابور التليفون وهو 2g فيه واسطة

اومال طابور الــ ICDL وهو 3g هيبقى فيه ايه ؟؟

--

أسلوب جميل رغم ملل الموقف نفسه

good work

elsayed heeba يقول...

لا عادي جدا
انا قدمت اوراقي من غير وسايط ومن غير برده ما اقف ع البوابه اللعينه اياها ......
لكن اضطرينا اننا ندخل من البوابه الخلفيه من غير الحارس ما ياخد باله انا واصدقائي
لكن المؤسف اننا اضطرينا للخداع علشان نوصل لهدفنا والا اليوم يضيع في وقفه ممله مش عارفين اخرتها ايه
والاكثر اسفا ان المصاردر اللي المفروض موثوق فيها في الكليه واللي خدعونا بقولهم ان ميعاد التقديم محدود وغيره من الشروط اللي تضطرنا اننا نتزاحم ونقدم في الوقت اللي هما عايزينه
هل من الحكمه اني اكدب على الطلبه علشان اجبرهم يعملوا اللي انا عاوزه
منتهى الاستهزاء بعقولنا وشخصياتنا وكياننا
الاطفال في المدارس ودور الرعايه لا يعاملون بهذه الطريقه
ازاي عايزين الشباب ده يبني البلد من جديد واحنا بنكدب عليه وبنخدعه علشان يحقق رغباتنا
او نضطره انه يستخدم اسلوب جديد عليه وهو اسلوب الوساطه والمحسوبيه او نضطرة انه يستخدم الخداع في الوصول الى هدفه
يبقى كده احنا بنودي شبابنا وبناتنا على فين ......؟!

Think Pink يقول...

جزاكم الله خيرا ....

من بعض ما عندكم

صح ...بلد بتاعت وسايط مش بتاعت شهادات

الحمد لله ...ربنا يقدرنا ونقدر نغير فيها مين عارف

قبل العالم الأخير يقول...

لازم القانون يكون رادع بدام مفيش ضمير..افتكرت الصين وكلام دكتور بدوى..اللى بيثبت انه اتوسط لحد فى العمل عشان قريبه مثلا او كده ...بيتعدم..اعداااام..مهو طبعا بلد فيها مليارات ..لو الوسطة كمان اشتغلت يبقى يلا السلامة..وبكده مفيش وسايط نهائيا...فبجد لو فى عقوبة رادعة للتكاسل والرعونة بتاعت الموظفين ..اكيد الوضع هيتغير ان شاء الله

انا مقدمتش البتاعة دى بالمناسبةوربنا يستر:D:D

غير معرف يقول...

على فكرة انا بيتهيألى انها لازم تتقدم فتبقوا تسألوا علشان فيها سقوط ونجاح دى بدل مادة الحاسب الآلى
حلوة حكاية الصين 2 وزيرين اتعدموا الكل احترم نفسه
تدوينة ولا ساذجة ولا حاجة ظريفة بس على فكرة حكاية الوسايط برضة فى ناس معذورة الاب طبعا حيعمل المستحيل من اجل ابنه والابن ملهوش ذنب

غير معرف يقول...

انا بقول ان التدوينة ظريفة انها ولا ساذجة ولا حاجة
ماشى بس هى اتكتبت كدة ما علينا

Think Pink يقول...

أول مره اعرف موضوع الاعدام اللى فى الصين ده بس تبقى فعاله عندنا فى مصر مادمنا لا نحترم الفرد لكونه فردا وانما لكونه ابن فلان او غيره

اعتقد يا د\ يس انها ممكن تتقدم اى وقت المهم ان شهادة الحصول عليها تتقدم للكليه تقريبا قبل نهاية سنه تانيه والله أعلم يعنى المفروض ناخدها فى الاجازه دى

غير معرف...طبعا الاب هيعمل المستحيل من أجل ابنه بس المفروض مايكونش ده على حساب غيره
وجزاكم الله خيرا ......

غير معرف يقول...

من باب الفضول يعنى ايه اسمك

إرسال تعليق

هنا مساحة للتعبير عن رأيك بحرية ..

ازاي أنا رافع راسك وانتي بتحني في راسي ازاي ؟!

ازاي أنا رافع راسك وانتي بتحني في راسي ازاي ؟!

بحبك يا بلادي

بحبك يا بلادي

جمعة النصر : )

جمعة النصر : )

كلنا ايد واحدة

كلنا ايد واحدة