الأربعاء، 26 مايو 2010

الاكتئاب لا .. الضحك آه




يلا يا جماعة اضحكوا واتبسطوا مش عايزة اشوف حد متضايق او عنده اكتئاب .. الدنيا آه وحشة بس لو بصينا من جهة تانية حنلاقيها احلى شوية .. الدنيا ممكن آه تكون ظلمة احنا نجيب لها كشافات .. الدنيا آه ممكن تكون مليانة مصاعب مش مشكلة ندوس عليها بال .. اينعم ممكن يكون الليل طويل بس لازم حييجى صبح احنا نستناه حتى لو عارفين انه وقت قصير.. متستناش حاجة من حد .. اتعود تدى من غير متستنى مقابل.. الصخور امام الضعفاء حاجز لكن يتسلقها الاقوياء للوصول للقمة .. زى ما روان مرة قالت الماضى والمستقبل ممكن يتغير بإعادة برمجة الحاضر محدش يبص فى الماضى للحاجات اللى محققهاش لأ يفتكر الحاجات اللى حققها .. عملية الاكتئاب دى كدة مش نافعة احنا لسة صغيرين والكلية طويلة لسة لما فى سنة اولى وفى ناس جالها اكتئاب امال فى سنة خامسة حيعملوا ايه ؟ لو الدنيا زنقت عليك من كل يمة افتكر ان ليك اصحاب مخلصين وبيحبوك .. زى ما دعاء مرة قالتلى ان الواحد قبل ما يذاكر لازم يخلص النية فى المذاكرة محدش يعيط على انه ضيع مثلا الصبح كدة حيضيع بقية اليوم انا بس كانت جتلى شحنة تفاؤل فقلت اوصلها لكم دة انا كنت نسيت ان اسم المدونة ضحك ولعب وجد وحب



انا عارفة ان الموضوع دة حيعجب واحدة جامد

6 قالوا رأيهم:

Doaa helal يقول...

الله اكبر الله اكبر الله اكبر ولله الحمد
بجد انا اصلا مش هكذب عليكي انا بحط الكومنت من
غير ما اقرا الموضوع اخيرا ابو الهول نطق يا جدعان
بجد انا في قمة انشكاحي حالا والله
انا هكمل قرايه الموضوع ولو لقيت فيه حاجة فيها شبه كابه هحذفه واحذفك انتي كمان يلا هه هههههههه
يارب دايما يا ايمي اشوفك مبسوطة وفرحانة وبتضحكي وتبطلي حطه ايدك علي خدك دي ولما تطبقي صوابعك تحطي اليمين علي الشمال مش العكس

Alice يقول...

اتحسد انا صح؟
لأ ولسه لما روان تشوف الموضوع انا حاسة انه حيجيلها صدمة من كتر الفرحة يا ريت بس تستمر الحالة دى
مبروك انك بقيتى ادمن يا دعاء وانا برضة عايزة ابقى ادمن مليش دعوة اهئ اهئ ههاهاهاها انا اصلا مش مسجلة فى الفيس بوك حبقى ادمن اعمل ايه واصلا انا مبعرفش امسك حاجة كدة ممكن اخربها فخلينى انا كدة كويسة

Rouan يقول...

ايمى انا مش مصدقه انا بجد مش قادره اصدق انك كاتبه الموضوع والله ده مش معقول
فاكره يا ايمى اما كنت بقولك ان انا وانتى هنبقى متفقين فى المستقبل مع انا كنت بحب التفاؤل وانتى كنتى بتترياى عليا
فاكره اما كنت بقولك ان انا وانتى هتبقى افكارنا مشتركه


شفتوا بقى ان الكتب اللى بقراها مش كتب تعبانه ولا حاجه بجد وان فى حاجه اسمها برمجه

بجد يا ايمى التوبيك ده جميل اخر خمس ست حاجات وايم سو هابى تو ريد زيس فروم يو ايمى مى لف

Rouan يقول...

والله انا مبسوطه اوىىىىىىىىىىىىىىىىىىىىىىىىىى

Alice يقول...

الله يخليكى يا روان
انا كنت عارفة انك حتفرحى جامد انتى ودعاء
بقت فى طرق كتير ما بيننا يا روان
يو ار مى لف تو يا روان ريلى (يا نهار ابيض على اللغة )

آه ضحى حتقتلكوا لما تشوف هزاركم على البيج انتى كاتبة مكرونة بالبشامل ودعاء كتبت ضحكة شريرة بس تقريبا مسحتها ولا اقولك ضحى طيبة حتخنقكوا بس

Alice يقول...

ايه ده ايه التفاؤل اللى كنت فيه وانا بكتب الموضوع ده
انا رجعته وخلاص علشان مسيبش حاجة فى المسودات اتنشرت ودخلتها

إرسال تعليق

هنا مساحة للتعبير عن رأيك بحرية ..

ازاي أنا رافع راسك وانتي بتحني في راسي ازاي ؟!

ازاي أنا رافع راسك وانتي بتحني في راسي ازاي ؟!

بحبك يا بلادي

بحبك يا بلادي

جمعة النصر : )

جمعة النصر : )

كلنا ايد واحدة

كلنا ايد واحدة