السبت، 12 فبراير، 2011

تخاريف




الساعة باين تلاتة ونص يوم الاحد بتاريخ الثالث عشر من فبراير عام 2011 .. شعور بالاضطراب ومزيج من الفرحة والامل والحزن وعدم معرفة الصواب من الخطأ وشعور بالاسف بدل ميكون عندى متلازمة ستوكهولم .. لأ بس هو زى مقولت قبل كدة سعات بيقى عندى شعور بالاسف على المجرمين .. بس النتيجة اتحققت وهو ده المهم بس الطريقة مؤسفة يعنى يرفعوا الجزم مينفعش برضه واتطرد بطريقة وحشة .. لألأ انا لا يمكن اشعر بالاسف عليه بعد كل اللى عمله والمعاناة اللى عانتها الناس والجدار العازل والناس اللى ماتت فى الثورة بس برضه مش قادرة امنع نفسى من الشعور بالحزن من اجله ربما اكون مذنبة بذلك الشعور .. فليكن

ناس رجعت تواصل حياتها اليومية عادى واللى يروح النادى يروح .... بس الاسفلت لسه منشفش انا كنت فاكرة ان الحياة حتقف بس طلع ان ترس الساعة بيلف اهو وموقفش هو صحيح اتلون باحمر بس لسه بيدور ربنا يرحمهم

انا داخلة انام

6 قالوا رأيهم:

Heidenröslein يقول...

كده كملت
تلات مواضيع في يوم واحد
ومادام زهقانة ياختي طب اتصلي ارغي معايا شوية

أنا والله أول مشوفت الموضوع قلت هينزل حالا واسمه تخاريف
بس هرد عليكي تاني لما أفضى شوية ( على أساس إني مشغولة دلوقتي :P )

Echo يقول...

مجاليش نوم حستنى الفجر
لو عايزة يا ضحى شيليه من البيج

Heidenröslein يقول...

بصي يا إيمان يا إيمان :D

ع ع ع فكرة زي مبتقولي المهم النتيجة الطريقة برده مهمة .. بس بجد لو كان عندك طريقة تانية تخليه يمشي كنا عملناها .. صح الشعب مغلول ومفروس وتعبان .. وهو السبب .. وصح يبقى في شوية إحترام .. دلوقتي مش من حقي لأشتم ولا أقول حاجة ( مع إني مشتمتش أصلا ) .. بس خلاص هو مشي وطلع ومعادش باقي حاجة .. انطرد بطريقة وحشة بصراحة يستحق .. واحنا خلعناه مش طردناه .. وقولنا يرحل وهو سمع الكلام يتقاله توشكر !

الحزن من أجله .. ده ريسك وتاج راسك .. :PP
عارفة لو شوفتي أي حد عجوز وتعبان عنده سرطان وبيتعالج وأغمى عليه مرتين وهو بيلقي خطاب هتحسي بحزن ..! مانتيش مذنبة :)

عجبتني جملة الأسفلت لسة منشفش .. بس انتي عاوزة الحياة تقف ليه ؟! .. الشهداء في قلوبنا وهنكرمهم وبنفكر دلوقتي إزاي .. بس لازم ترس الساعة يلف ومفيش ثورة من غير تضحية ودول شهداااااااااااااء .. يعني في الجنة وبجد يا بختهم وربنا يصبر أهاليهم .. عارفة المشكلة الحقيقية في اللي مش معترف بكونهم شهداء .. دول المشكلة .. إنما الحياة لازم تمشي !

Echo يقول...

انا اكتر واحدة كنت عايزاه يمشى بس .. مش مشكلة بقى اهو مشى وخلاص وهو دة المهم .. آه ميستهلش

Heidenröslein يقول...

عارفة أنا النبرة دي :)

Echo يقول...

حاجة غريبة انى اشعر بالاسف على حسنى مبارك ومكنش حسيت بأى حاجة لما الملك فاروق مشى يمكن عشان الطريقة او ممكن عشان معشتش الفترة بس البلد كانت مليانة فساد فى الحالتين

إرسال تعليق

هنا مساحة للتعبير عن رأيك بحرية ..

ازاي أنا رافع راسك وانتي بتحني في راسي ازاي ؟!

ازاي أنا رافع راسك وانتي بتحني في راسي ازاي ؟!

بحبك يا بلادي

بحبك يا بلادي

جمعة النصر : )

جمعة النصر : )

كلنا ايد واحدة

كلنا ايد واحدة