الثلاثاء، 22 فبراير، 2011

انا فهمت



مرة واحدة سألتنى انا ليه بحب الصور الابيض والاسود هوة بالاضافة الى ان نوعية الصور دى كئيبة هى انها صريحة بتدى المعنى مباشرة اما الصور اللى بالألوان بتخلى الواحد ينبهر شوية بالالوان اللى ممكن ببساطة تتغير وبتضيع جزء من المعنى بانشغالنا بالالوان

المشكلة فى ان الواحد مش عارف قرار واحد يمشى عليه لو الامتحان الحد خلاص ماشى نأقلم نفسنا على الوضع لو الامتحان اتأجل خير وبركة ونأقلم نفسنا على الوضع وناخد اجازة مبحبش انا نظام التعليق ده

فى جملة معروفة ان الواحد ميزعلش على العيب الموجود فى جزء من الصورة انت لو بعدت وبصيت للصورة ككل حتلاقى الصورة حلوة ومفيهاش عيب وبرضه الواحد ميبصش على جزء من الصورة بس وينسى بقية الصورة فيها ايه كدة حيفهمها غلط او يحكم عليها غلط يعنى انت لو ركزت على مثلا شنطة فى الصورة وقلت انها حلوة اوى متحكمش ان الصورة كلها حلوة ممكن بقية الصورة ميكونش وجود الشنطة فيه لايق الحاجة لتعجبنا كلها لمتعجبناش الجملة لتبقى كلها صح لإما لو كان فيها حتة صح وحتة غلط حتبقى غلط كلها.. المسألة كلها مش غلطة اللى اخد الصورة دى غلطة اللى بيشوفها

انا فهمت انا ليه قلت كدة فى الموقف ده وليه اتصرفت كدة فى الموضوع ده و ليه اتضايقت فى الوقت ده وليه فرحت فى الموقف ده السبب هو ببساطة عدم الفهم

سعات بنكون عايزين نسمع كلمة معينة فى موقف معين حتى لو عارفين انها كدبة بس مجرد سماعها بيخلينا نشعر بتحسن .. وبرضه سعات اكتر مبنكونش عارفين نقول ايه فى موقف معين فبنفضل عدم قول اى شئ

انا مبحبش الترميم انا بحب الهدم واعادة البناء عشان يبقى على نضافة

حاجة ريحتها ملوخية ولها نكهة قلقاس تطلع ايه دى ؟؟
لتوفير الوقت .. طلعت بامية

ربنا ينتقم من المجنون ده

4 قالوا رأيهم:

RWN يقول...

ايمى كلامك فيه فلسفه اعشقها
باموووت فى تدويناتك اللى تبقى فى وسط الليل دى
nice one :D:D

Heidenröslein يقول...

ههههههههههههههههههه
نفسي أفهم هتبقى ايه المشكلة لو قولتي ن الواحدة اللي سألتك دي هي أنا ؟ :P:P:P
أكتر فقرة عجبتني في الموضوع كله هي آخر جملتين تلاتة جامدين داخلين دماغي أوي

بت يا إيمان مواضيعك كلها تحفة ربنا يكرمك
جو أون يا باشا

Sylver يقول...

الله يخليكى يا روان
الله يخليكى يا ضحى .. انا كنت مركزة انى اكتب حاجات معينة قبل منسى انا عايزة اكتب ايه ..
حكاية البامية ده رأى اخويا فى الاكل اللى كان بيتقدمله فى الجيش

my own dream يقول...

أضخم أكذوبة أن تسعد بما تصدق أنه كذبة

good words

إرسال تعليق

هنا مساحة للتعبير عن رأيك بحرية ..

ازاي أنا رافع راسك وانتي بتحني في راسي ازاي ؟!

ازاي أنا رافع راسك وانتي بتحني في راسي ازاي ؟!

بحبك يا بلادي

بحبك يا بلادي

جمعة النصر : )

جمعة النصر : )

كلنا ايد واحدة

كلنا ايد واحدة