الاثنين، 29 نوفمبر، 2010

محدش يطفى النووووووووور (جالان كون جالان بيييييس)


أن تتحول من شخصيه خفاشية تعشق الظلام لا تنام إلا فى الظلام الكاحل إلى شخصي لا تسطيع النوم إلا فى النور و الأبواب مفتوحة .. هذا لم أكن أتوقعه إلا بعد قرائتى عن جالان كون ( قوطعت القرايه و سنينها ع اللى بيسيبوا مذاكرتهم ... خلاص من قله الكتب اللى عندى .... ماله الاناتومى و الفسيولوجى ....... انا اللي أستااااااهل)
هذا يمثل صياح ضميرى

جالان كون .. إنها لعبه إندونيسيه الأصل قرأت عنها فى أحد كتب أنيس منصور و لقد حرمت الحكومه الأندونيسيه هذه اللعبه لما قامت به من تخريب البيوت و الطلاق .. فالصغير و الكبير و الشيخ و العجوز يلعبها
( طبعا انا معملتهاش اللى حصلى ده من القراية عنها فقط )

هذه اللعبه عباره عن سله عادية موضوع فيها خشبة على هيئه صليب وعليها قميص و فوق القميص ارسم صوره وجه على ورقه مع وضع عودين بخور أعلى الورقه و وضع بين فتحات السله قلم رصاص . على اثنين من الاشخاص أن يحملوا السله على أطراف أصابعهم و شخص الثالث يقف بورقه امام القلم ثم نشعل البخور و نبدا بترديد كلمه جالان كون جالان بيس او نقرأ سوره الفاتحه ..

يتابع أنيس منصور و يؤكد أن السله اندفعت و بدأت تكتب على الورقه بلغه الروح و يقول أن الروح التى أتت كانت لرجل من باب الشعريه و اسمه احمد صالح الذى مضى بالكتابه بالعربيه مع العلم أن الأشخاص التى تحمل السله لاتعرف كلمه عربية واحدة و بعد لك من الممكن ان تستدعى الارواح بذكر اسم الشخص
( انا بدات اخاف تانى منك لله يا انيس يا منصوووور..........

يقسم أنيس أنه رآها بعينه و أنهم استحضروا أرواح عديده منها السيده روز اليوسف ( الله يرحمك يا اختى و يبشبش الطوبه اللى تحت راسك) و شتمتهم .. !

خلاااااااصه الحواااااار الراجل بيقول ان التجربه حقيقيه ....................

فمن يمتلك القدره لعملهااااااا؟؟؟؟؟

8 قالوا رأيهم:

Heidenröslein يقول...

مبدأيا انا مفهمتش اللعبة بتتعمل ازاي علشان أجربها ..
بس والله العظيم ضحكت أوي يا روان أوي .. وانتي بتقولى خايفة وكمان جملة ( يؤكد أنيس ) .. هههههههههههه فكرتيني بابن خالي اسمه أنيس برده .. حلوة يؤكد أنيس دي !!

بس تعرفي كان في صورة مرعبة جدا بس رأفت بيكي ومرضيتش أحطها
وبالنسبة لأول الموضوع خالص وإنك تحولتي من شخصية خفاشية لكائن ضوئي .. فهنيئا لك !!

نخش في صلب الموضوع بقى .. مش عارفة أصدق ولا لا إذا كان الموضوع حقيقي أوي لا .. بس اللى أعرفه ان السحر لازم نؤمن بيه لأنه مذكور في القرآن .. إنما أي لعبة ودجل وكلام فاضي ملوش لازمة ومش بيبقى بجد .. عامة حلو الموضوع بس بجد مش ضامنة أنيس بصراحة
:P:P

:D:D

sando يقول...

no way
el3omr msh ba3z2a:)

A fugitive يقول...

مبدأيا انا كمان مفهمتش اللعبة بتتعمل ازاى علشان اجربها :D:D

بس عموما الحاجات دى ليها امثلة كتيرة زى الويجا ..وفى برده حاجة حصلت قدامى قبل كده.. هى طويلة شوية بس وقتها دلوقتى ..كنت نازل لصاحب النت زمان اتخانق معاه عشان النت فاصل..المهم لاقيت لمة وبتاع جوا ..فى ايه ..قالوا فى عفريت ع النت :D ..عفريت ازاى وحدو الله يا جماعة..اه والله عفريت وصايع كمان ..المهم.العفريت ده بتكلمه اون لاين ويقولك على اى حاجة تتخيلها..طبعا الواحد شك وقال ده اى كلام ..كله فاااااكس والناس مظبطة مع بعض الاجابات مثلا وكده..لكن ده دخل واحد جديد المحل..قولناله يقولنا رقم بطاقته..قاله..مثلا كان فى واحد اخوه اترفض فى الجيش..برده قاله وقاله رقم الاعفا..واخيرا كان فى واحد بياكل بليلة ..قالهم بياكل milk with rice لأن العفريت كان اجنبى باين..قبل ما يعمل الحاجات دى وكده كان لازم يخلى اللى بيكلمه يقوله انه مؤمن بيه جداااا وواثق فى قدارته ...

فى رأيى بقى ان الحاجات دى طبعا انواع من السحر ..بهدف الابهار ظاهريا والشرك باطنيا للأسف..لأن الواحد مع التكرار وكده هتبقى اعتقاد مهى على طول شغالة..وطبعا كله حرام وكلها اشياء المفروض لا تٌجرب طبعا..السحر من الموبقات والواحد مش ناقص يدوووس فى سكك ملهاش اول من اخر:D:D... ده حتى النجمة اللى كانت بتتعملنا فى حضانة طلعت برده من طقوس السحر الاسود:D

معلش طولت ومفيش حاجة تخوف خااااالص على فكرة..نمتلك القدرة بس ميلزمناااااش خالص :D:D

غير معرف يقول...

مساء الخير .. اول مصحى كدة اقرا موضوع كدة ياه انا خايفة اوى ههاهاهاها .. مين اللى طفى النور
فمن يمتلك القدره لعملهااااااا؟؟؟؟؟ .. يعمل ايه بس يا روان
بس بجد بقى.. انا شفت فى كذا حتة ان الروح مش هية اللى بتعمل كدة او بتتكلم ده بيكون شيطان متمثل فى صورة الشخص ده انه هوة يعنى.. لكن مش الروح ابدا
والسحر مذكور فى القرآن فيعنى الحاجات مش مستبعد ابدا انها تكون حقيقية
انا مبحبش انيس منصور
Alice

sony2000 يقول...

هههههههههههههه
لا يراااااااااااجل
اي كانت بليف الصراحه
يلا خييييييييير

shahenda يقول...

بس بقى انا بخاف من الحاجات دى اووووووووى
:D:D:D

Rouan يقول...

@ doha

هو انا عمرى ما صدقت فى الحاجات دى بس استغربت اما لقيت حد بيحلف انه شافها و وصلت ان الحكومه تحرمها و كمان انا مش فاهمه اليكانيزم
و كنتى عايزه تجيبلى صوره مرعبه حراااااااااام عليكىىىىىىىىىىىىىىىىىىىىىىىىىىىىىىىىىىىىىىى كفايه اللى انتى حكيتهولى النهارده انتى معندكبش اخوااااااات بلااااااااستيك و لا اييييه:D:DD:D

sandoooo@
اوعك تكووونى خااايفه:D:D:D:D

@a
fugitive
و الله انا عمرى ما بقرا فى الحاجات دى انا كنت باقرا كتاب حول العالم فى 200 يوم و الكتاب فى منتهى الروعه و اسلوبه خرافى و معلوماته توووحفه و انا فعلا كنت منسجمه فى الكتاب جدا لحد اما الحته دى جت فى الكتاب
وكمان اا مقتنعه ان القراءه فى الحاجات دى زى السحر و الشعوذه و الكلام ده علم لاينفع بس احيانا الواحد بيقرا حاجات و بتاثر فيه غصب عنهبس طول ما الحمد لله الواحد معاه القران محدش هيقدر يأذيه

بس فعلا انا مش مقتنعه بالطريقه بس فعلا حاجه ترعب اما حد يحلف انه شافها و بجد موضوع عفريت النت ده غريب اوىىىى
و كمان انجليش:D:D:D

@ 2my
&shahy
متخافوش يا كتاكيت

Rouan يقول...

الطريقه ان احنا بنجيب سله عاديه و بنحط فيها خشبه ع شكله علامه + و فوقه قميص و فوق القميص وش مرسوم ع ورقه و نحط فى الورقه عودين بخور و و نحط قلم بين فتحات السله و واحد يقف بورقه قدام السله و اتنين يشيلوا السله ع طراطيف الصوابه و نولع البخور و نقرا الفاتحه
فهمتوها؟؟؟؟

إرسال تعليق

هنا مساحة للتعبير عن رأيك بحرية ..

ازاي أنا رافع راسك وانتي بتحني في راسي ازاي ؟!

ازاي أنا رافع راسك وانتي بتحني في راسي ازاي ؟!

بحبك يا بلادي

بحبك يا بلادي

جمعة النصر : )

جمعة النصر : )

كلنا ايد واحدة

كلنا ايد واحدة