الأربعاء، 17 نوفمبر، 2010

خلطبيطة

بدايه اعرفكم علي ما سأكتب ما سأكتب ليس شعرا وليس خاطرة وليس قصة وليس موضوعا من الاساس

انه ببساطة 

خلطبيطه


الفراغ العاطفي خطر يجب التصدي له .. تاتاتاتاااااااااااااااااااا

كثيرا ما يمر أحدنا بتلك الفترة من الفراغ العاطفي حتي ولو كان أعقل العقلاء

فالفراغ العاطفي ليس له علاقة بالعقل ولا بالفكر 

كثيرا ما تحس أنك لن تكون ممن يحالفك الحظ وتنعم بانسان يحبك 

وإن كنت تحب أحدهم ربما يكون الفراغ بسبب أنك تعتقد أنه لا يبادلك المشاعر نفسها

هذا هو الفراغ العاطفي  .. شرود وسرحان في أحلام اليقظة وأيضا في عواقب طريق الحب 

ولكن عليك ألا تستسلم له فمن يدري ربما يحبك احدهم وعنده نفس الفراغ العاطفي الذي تعاني انت منه بسببك 

وفي النهاية نصيحة وحكمه 

قطع الحب وسنينه واوعي تحب خدوا ايه الي حبو من الحب 

الا سهر الليالي وورم العينين


تخيل نفسك وانت تجلس علي تلك الصخرة الان وامامك هذا المنظر المتداخل الرائع من صنع الخالق عز وجل 

بماذا ستفكر ؟؟ وبماذا ستشعر؟؟

ومن أول شخص سيأتي علي بالك ليشاركك لحظة التامل هذه 

وما هو أول موضوع سيأتي علي بالك ؟؟

وما هي أول أمنيه ستتمناها من الله وأنت تجلس أمام معجزة من معجزات الخالق

هذه أسئله اطرحها عليكم وأتمني الاجابه عنها 

ملحوظة :: الأسئله كلها إجباري وفيها 15% للطالب الممتاز


بالفعل أجمل الأوقات هي تلك التي نقصيها مع الاصدقاء .. تضحكون وتتناسون كل ما يحيط بكم من متاعب وهموم .. صغارا كنتم او كبارا 

كان يوم أن اجتمعت مع اصدقائي من أفضل الأيام التي مرت علي منذ بدأت الدراسه 

فنحن لم نجتمع سويا منذ قرابه ثلاث شهور فرقنتا الدراسه كثيرا

ولكننا اجتمعنا بالرغم من فقدان بعض الأطراف المهمه في المؤتمر الضحكي الذي قمنا به

إلا أنه كان ممتعا حقا لم تفارق الابتسامة وجوهنا .. كان كل منا يبدو اكثر اشراقا 

بتلك البسمة الجميله 

كنا نحس أننا بحاجة الي الإنطلاق والعوده إلي تلك الأيام حيث كنا نجتمع 

ونتحدث في أمور جاده وأخري تافهه ..

  نتذكر مواقف مضحكة مرت علينا 

ونعود إلي منازلنا مسرورين شاكرين الله أننا في صحبه صالحة جميله 

ولم يعكر صفو هذا اليوم إلا تلك القطة السوداء اللعينه

اكلت الشاندوتش بتاعي ..  اه والله أكلته .. ماجنم ابو عششرتاشر جنيه  .. وواحده بطاطس 
بس للاسف مكنش فيه كاتشب 

يلا بالهنا والشفا 

ملحوظة ايضا 

اللي ليه اصحاب بيحبوه اوعي يفرط فيهم ولو كان ايه السبب 

حتي لو  غلطوا في حقه قبل كده لازم يسامحهم ويرجعلهم 

وهنا اعزائي انتهت رحلتنا في كوكب خلطبيطة 
نتمني ان نكون اسعدناكم

10 قالوا رأيهم:

Heidenröslein يقول...

أولا أحب أتكلم عن التشرد الأطفال ..
التشرد الأطفالي ده مشكلة مش موجودة في مصر بس
أبسونوتلي .. دي موجودة على مستوى العالم كله .. العتبة .. ميدان عابدين .. الديزة !!

حلوة موضوع الفراغ العاطتشفي ده .. بارك الله فيكي يا دعاء .. ووالله فعلا بيورم العين !! يقطع ياختي الحب وسنينه ( ايه شغل الستات ده ؟!)


هفكر فيكي يا دعاء .. !!
:P:P:P:PPPPPPP

ثالثا بقى
ثالثا بقى !!

هههههههههههههههههه
أقسم بالله مش قادرة أبطل ضحك
اليوم كان جامد جداااااااااااااااااااا .
وامبارح بالذات افتكرت الموبايل الفظيع بتاعك !! .
وبوكي وهي بتضحك ..
وانا لما فتحتوا عيني على معاني مش عارفاها

ولا السندويتش بتاعك

ههههههههههههههه

ماجنم كبير مش راضي يخلص !!
عاوزين نتجمع تاني يا بت
والله أنتوا أحلى اصحاب وربنا يجمعنا دايما يا دودو

أحلى حاجة الحب في الله ..

وبلا حب وفراغ طاعفي بلا وجع قلب !!

Ahmed Adel El-Feky يقول...

مش عارف مش عاجبانى .. حاسسها اتكتبت بسرعه لمجرد الكتابه :D .. كانت عاوزه تاخد حقها أكتر شويتين كده خصوصا ان عنوان الموضوع مُشجع للقرايه .. :D وحلو الحته اللى فى الأول :D

مستنى الموضوع الجاى :D

Ahmed Adel El-Feky يقول...

سيبك بقى من الرأى بتاعى اللى فوق ده .. تولع الناس اهم حاجه حتى لو الحاجه دى معجبتش حد او عجبت واحد او اتنين مش مهم المهم انها عاجباكى وكتبتيها وسيبك من الرأى بتاعى اللى فوق:D

مستنى برضه الموضوع الجاى :D

Doaa Helal يقول...

ضحي شكرا يا حبي وان شاء الله نتجمع تاني ويكون يوم جميل برده

احمد هو فعلا اتكتب بسرعة واحترم رايك جدا بس انا كنت عاوزة اوصل حاجة ولقيت انها مينفعش تتكتب فده الي ادي الموضوع شكل مش زي ما انا كنت عاوزة
وحاجة تانيه انا نفسي حاسه ان الموضوع مش استايلي حلوة مش استايلي دي
ممكن نعمل خلطبيطة كليك تاني مرة

شكرا لردك

shahenda يقول...

جامد يادودو اوى
وجيتى على الوجيعه اه والله جيتى على الوجيعه
:D:D:D:D:D
فراغ عاطفى ايه يا اختشى احنا مالناش غير بعضينا
هههههههههه بلا فراغ بلا بتاع
وكمان بقى مش كل شويه تتكلموا عن موضوع التجمع ده
عشان انا بتحسر انى مش جيت معاكوا
واااااااااااااء
...
.
.

ولكننا اجتمعنا بالرغم من فقدان بعض الأطراف المهمه في المؤتمر الضحكي الذي قمنا به
.....
..... اكيد انا الاطراف المهمه دى اللى انتوا افتقدوها صح :D:D:D
بس اكيد متعوضه وعايزه اقلوكوا يا عيال انى بحبكوا وبمووووووووت فيكوا كلكوا (روان-دعاء-ضحى-منار-بوكى-امانى-ايه -ندى)بجد ربنا يخليكوا ليا يا اجدع واحلى اصحاب فى الدنيا

Doaa Helal يقول...

شوشو احنا فعلا ملناش الي بعضينا و انتي بالفعل كنتي الطرف الي مفتقدينه في القعده والله وان شاء الله كلنا نتجمع تاني
واحنا كلنا بنحبك والله وكنا مضايقين انك مش معانا
بس متعوضة بقي

Alice يقول...

آه كان يوم لذيذ والقعدة كانت ناقصة ناس كتير
وسامحى خلاص بقى فى الساندويتش القطة كان شكلها جعانة جامد
( سلميلى على ابو كشاف احلى فيبراشن

A fugitive يقول...

متفق الى حد كبير مع موضوع الفراغ العاطفى فعلا

الاسئلة اللى محدش جاوب عليها:D
هفكر فى ربنا وعظمة خلقه وهيجى فى دماغى انا كنت فين وبقيت فين والاحداث الكبيرة اللى حصلت فى الفترة اللى عدت..وده والله كل ما بنسافر الواحد بيسرح مع نفسه فى الموج والسما ويفكر فى نفس الحاجات

الشخص على حسب الواحد شاغله ايه وكده لكن غالبا بسرح فى ناس كتير مش شخص واحد بس

الامنية انى اكون من عباد الله المتقين..لأنها صعبة اوى ..

انا كده جاوبت ع الاسئلة اهو بال15% :D:D

وع التجمع بقى فاحنا منتوصاش والله ..ربنا ينعم علينا بالراحة والانبسااااااااط داااااايما ان شاء الله

حلوة الخلطبيطة :D

A L-S A A D A N Y يقول...

الفراغ العاطفى ده مشكله ووالله ممكن تودى الناس كلها فى داهيه وللاسف مش عارفين له حل او على الاقل مفيش واحد جدع جه وقال انا عندى حل




بماذا ستفكر ؟؟ وبماذا ستشعر؟؟
بصراحه اول اما شفت الصوره خفت ,اصلى طول عمرى عندى رهبه من منظر البحر بحس انه من اعظم خلق ربنا على الارض...وجند من جنود الله...والله سبحان الله ان كفانا شره على الارض وروده للانسان...بعتبره زى اسد محبوس فى قفص وبيستغرب من ذنوبنا وعصياننا لربنا وبيبقى نفسه ينتقم مننا لكن الحمد لله ربنا بيحفظنا من شره
وخصوصا لما بفتكر قصه ان البحر انشق واغرق ال فرعون
عشان كده اول حاجه هفكر فيها انى هروح ازاى من هناك :D

ومن أول شخص سيأتي علي بالك ليشاركك لحظة التامل هذه ?
على حسب حالتى النفسيه...مفيش شخص محدد دائما




وما هي أول أمنيه ستتمناها من الله وأنت تجلس أمام معجزة من معجزات الخالق؟
ان ربنا يهدينى


يارب بس ميبقاش فى كوسه فى التصحيح :D

Doaa Helal يقول...

ايمان انتو كلكوا هتندموا علي التريقة الي بتتريقوها علي الموبايل الغلبان ده بكرة ربنا يرجعلي موبايلي او اغيره واجيب موبايل ابهركوا بيه

دكتور يس شكراا ان حضرتك جاوبت الاسئله الاجابات جميله وربنا يهدينا ويرضي علينا كلنا

دكتور محمد انا كمان بخاف جدااا من البحر قلبي بيتقبض منه خاصة بالليل والصورة مرعبة انا عارفة بس فيها عظمة عجيبه
وبالنسبه للتصحيح فكالعاده التي تعودنا عليها منذ الصغر واكدت عليه كليتنا المجيده فنحن نتسم بالشفافيه وعدم وجود الكوسة وخلافة ولا يوجد تفرقة بين ابن؟...... وابن ..... كلهم عندنا سواااااااااااء
شكرا يا جماعة للرد

إرسال تعليق

هنا مساحة للتعبير عن رأيك بحرية ..

ازاي أنا رافع راسك وانتي بتحني في راسي ازاي ؟!

ازاي أنا رافع راسك وانتي بتحني في راسي ازاي ؟!

بحبك يا بلادي

بحبك يا بلادي

جمعة النصر : )

جمعة النصر : )

كلنا ايد واحدة

كلنا ايد واحدة