الأحد، 14 نوفمبر 2010

ولد .. ولد .. ولد .. بت !!

ولد .. ولد .. ليه يا رب أنا مش ولد !!


ليس أمرا لطيفا بالمناسبة أن تكون وحيدا وسط إخوتك .. سواء كنت ولدا .. أم بنتا - لا سمح الله - .. يبدأ الأمر بالإنفصال وحيدا في غرفة مخصصة لك .. رغم ما فيها من مميزات وخصوصية تضعها أنت بنفسك .. مثلا أن تكتب على باب الغرفة :: " برجاء الإنتباه !! منطقة ألغام .. ابتعد قليلا قبل أن تبدأ في الخبط على الباب .. برجاء الإنتباه من أني قد أكون منشغلا في أمر ما أو مندمجا مع إحدى الأغنيات .. أو حتى نائما .. وإياك .. إياااااااااااااااااك  أن تحاول الدخول دون استئذان .. منطقة محظورة .. وشكرا .." .. وفي النهاية تضع توقيعك بقولك .."  أخوكم .... دعبس " .. مع بعض المؤثرات من صور الجماجم وعلامات التعجب .. !!

لن أخبركم بالطبع إن كنت قد كتبت تلك الكلمات بالفعل أم لا .. لكني سأخبركم بأنها من طموحاتي المستقبلية حين أشعر بأن غرفتي مكان خاص بي كما أسمع .. وصدقوني حين أخبركم بأني أطرد من غرفتي يوميا .. وبمعدل ثابت .. كما يتم اقتحام الغرفة دون سابق إنذار .. أحيانا لمجرد شد فيشة التسجيل أو أخذ شئ ما قد نسوه في الغرفة في آخر اقتحام لهم .. أو لأن أخي الآخر يشغل الغرفة !! - حاجة تجن -  وحين أمل من الأمر وأحاول أن أسترد ملكيتي للغرفة .. وحين أستجمع قوتي لأقول لهم بأعلى صوتي بأن تلك الغرفة ملكي .. وحين أقف .. وأحاول النظر إليهم أتذكر على الفور أني أقف أمام - شحط - أو رجل كما بدأ أخي الصغير يردد .. فأبدأ بالتراجع  متخاذلة من حجمي الضئيل أمامهم .. - ربنا يزيد ويبارك أنا مش بقر !! -

خصوصية .. بالطبع .. لكنها وحدة على الرغم من ذلك .. فبعد انفصالك صارت غرفتهم الأخرى مكان غريب ونادرا ما تدخله .. وغير مسموح لك بالبقاء فيه لمدة تزيد عن ثلاثين ثانية .. وهم غير مسئولين عما سيحدث بعد ذلك .. نعم وحدة .. فأغلب الوقت ستمضيه بغرفتك الصغيرة أو خندقك المظلم .. تتحدث إلى السقف أو الدولاب أو حتى دبدوبك الملقى على الأرض .. وحين تشعر بإعراض الجميع عنك تبدأ في التحدث إلى نفسك بصوت عال لتجد والدتك تقتحم هي الأخرى الغرفة متساءلة :: " بتكلم مين ؟؟!  " .. -  نياهاهاها .. بكلم نفسي -

ولد .. ولد .. ولد .. آه ولد !

قالوا عن الولد الوحيد أن - جوازته فاشلة - .. دائما بسبب الدلع الزائد عن الحد .. والتقرب من الأم أيضا زيادة عن الحد .. والتطبع بطباع اخوته من الفتيات إن لم يكن وحيدا تماما .. وقالوا عن الفتاة الوحيدة بأنها - دلوعة أبوها - .. وبأنها هي الأخرى ستكون - ست بيت شاطرة - نظرا لاعتماد الأم اعتمادا كليا عليها .. وتركها لشئون المنزل بين يديها .. ولذلك عليك عزيزي وعزيزتي التأني في اختيار عروستك وعريسك !! .. - وربنا يهني سعيد بسعيدة -

دائما ما أصاب بالشلل حين تبدأ تلك الأقاويل تتردد أمامي .. فأرجوكم أن تتوقفوا عن تلك الأقول فليس كل شاب وحيد .. - مدلع - .. وليست كل فتاة وحيدة - لهلوبة - .. 

لن أنكر أنك بكونك الوحيد فأنت مميز .. ولا داعي لأن أنكر بأنك محمي دائما من جهة الأب ومن جهة الأم .. وغالبا ما تضطر إلى أن تجد صديقك من أحد إخوتك .. فتبدأ بمشاركته الحديث دائما رغم اختلافكما الشديد .. لكنك في النهاية تكتسب المعرفة والفهم للجنس الآخر .. وكيفية التفكير .. وأحيانا سيساعدك لتأخذ خبرة في التعامل معهم .. أمر مميز .. لكنه ليس جميلا دائما .. فهناك مالا يمكنك البوح به .. وهناك ما سيجد أخوك صعوبة في فهمه .. وستضطر في النهاية إلى اللجوء إلى سقف الغرفة مرة أخرى .. !!

ولد .. بنت .. ولد

لا أعرف أهو طبيعي أم لا أن أشعر بالحقد قليلا على - الولاد - .. بداية من الحرية الزائدة بداعي الإعتماد على النفس .. وبأنه - راجل - .. وبأنه - حر - .. وبأنهم دائما .. ودائما .. ودائما .. يفعلون ما يريدون متى يشاءون .. أعرف كم الإعتراضات التي سأتلقاها الآن من قبل كل ولد سيقرأ ذلك الموضوع وبأننا لا نعرف أي شئ عما يعانونه في حياتهم وكم المسئوليات الملقاة على عاتقهم .. لكني فقط أريد أن أعرف لم دائما أجد اعتراضا على ما أريد فعله بداعي أني - بنت - .. ودائما تكون مصحوبة بجملة - مينفعش .. ! - .. 


فقط  أشعر بأني لو كنت ولدا لاسترحت كثيرا وفعلت ما أريد من السفر إلى أقاربي وقتما أشاء دون خوف علي كأني تحفة مصنوعة من الكريستال النقي وبأن غيري من الفتيات  صنعوا من الفخار .. أتعرفون شيئا آخر .. لو كنت ولدا .. لارتحت من السفر أيضا إلى أقاربي لأني لن أشعر بالوحدة فلدي اثنان من الإخوة متفاهمين معي ويمكنني أن أخرج بصحبتهم وأقضى أمتع الأوقات معهم .. دون أن أشعر بالوحدة !

أرجوكم لا تقولوا لي أن ما أقوله غير صحيح .. وبأن على أن أحمد الله على أني فتاة ولست شابا .. فأنا في النهاية أحمد الله لأني فتاة .. ولا زلت بالطبع أفضل من أن أصير ولدا ً

أيوا أنا انحيازيه  وعنصرية !



9 قالوا رأيهم:

Noody يقول...

جميل جدااااا :D
وكلامك كله صح بجد انا اكتر واحد بحقد ع الولاد وبذات اخويا ف كل تصرفاتهم
بس بردو مفيش غير الحمد لله احنا النص الحلو بردو ولا ايه ؟؟

غير معرف يقول...

if i were a boy الاغنية دى شكلها مؤثرة فيكى ولا ايه هه

وغالبا ما تضطر إلى أن تجد صديقك من أحد إخوتك .. فتبدأ بمشاركته الحديث دائما رغم اختلافكما الشديد .. لكنك في النهاية تكتسب المعرفة والفهم للجنس الآخر .. وكيفية التفكير .. وأحيانا سيساعدك لتأخذ خبرة في التعامل معهم .. أمر مميز .. لكنه ليس جميلا دائما .. فهناك مالا يمكنك البوح به .. وهناك ما سيجد أخوك صعوبة في فهمه .. وستضطر في النهاية إلى اللجوء إلى سقف الغرفة مرة أخرى .. !!
انا اخويا بييجى يقعد يكلمنى لغاية ميورملى دماغى وبحس انه مستنى انى اقوله حاجة بس ببتسم فى غباوة وامشى
ع ع ع فكرة الموضوع حلو

Ahmed Elfeky يقول...

مُبهر :D .. !

بنجاواتى يقول...

السلام عليكم

اولا انا متفق معاكى ان بعض الواد فى البيت بيمارسوا الاستبداد على اخواتهم وربنا يكون فى عون البنات

ثانيا ملهوش لزوم الاحساس بالحقد على حرية الشباب لانها مرتبطة بمسئوليات وتكوين نفسى ربنا خلقه بيه ..يعنى لو بقيتى ولد ممكن ما يجيش على بالك اصلا انك تزورى اقربائك :D

تحياتى وكل سنة وانتى بخير

Doha يقول...

ندى :: آه طبعا احنا النص الحو

أيمان :: ع ع ع ع ع ع ع ع فكرة الأغنية تحفة بس قولت بلاش تتحط هينتقل الهدف تماما

الإعلامي أحمد :: شكرا

بنجاواني :: عارفة والله ان في مسئوليات وكلام كبير مرتبط بالحرية دي .. ربنا يكون في عون الجميع :))

شكرا جزيلا وكل سنة وانتوا طيبين

قبل العالم الأخير يقول...

فعلا اكيد موضوع الوحدة ده وحش جدااااا..عشان كده اى زوجين المفروض او انا بلاش اى زوجين دى..مش اقل من نص دستة عيال كده ولا حاجة ..ولو برده طلع حد وحيد يبقى هو اللى فقر بقى :D
حكاية اخر العنقود ليها مميزات وعيوب
عيوب وهى انك ملطشة..كله يعمل عليك كبير ..ويفيض عليك من خبراته الجهنمية
مميزات وهى انك بتعرف تصرف نفسك وبرده تعمل اللى انت عايزه..وكل واحد وطرقه بقى :D
اما عن موضوع الحقد ع الولاد
فبجد
:P:Dومش قصدى اغيظ ولا حاجة
الواحد بيحمد ربنا كل يوم انه ولد فعلا عشان الحرية والسفر والخروج و ومساحة الامكانيات للواحد وحاجات كتييييير كتيييير
لا بجد الحمد لله :Dبغض النطر عن اللى الواحد بياخده من الحرية دى
بس ميمنعش ان البنات اكيد ليهم مميزاتهم اولها ان ملهمش جييش:D
واتفق تماما مع
.. فأرجوكم أن تتوقفوا عن تلك الأقول فليس كل شاب وحيد .. - مدلع - .. وليست كل فتاة وحيدة - لهلوبة - ..
توبيك جمييييل وموضوعه اجتماعى كده وكله بيشوفه من وضعه
المهم الواحد يحمد ربنا على اللى هو فيه
ويستغله :D

Doha يقول...

د/يس .. بجد كل أما أقول قدام حد ان أدنى عدد للأبناء هوا 12 يضحكوا عليا .. مالها جدتي جايبة تسع عيال وزي الفل أهو عايشين
وماشي طبعا لازم نحمد ربنا على كل حال بس برده ميمنعش شوية حقد وغل فسيولوجي اللي عند كل البني آدمين ده
:D

أبو ربيع يقول...

ههههههههههه زيسس توبيك ريلى تاتشز مى :D
الاول قبل ما اتكلم لازم اقدم مؤهلاتى
العبد لله اخر العنقود وقبلى تلت بنات ووالدى متوفى من وانا عيل صغير يعنى عايش مع اربعه من الاناث وفقط

ووالله بحمد ربنا اوىىىىىىىىىىىىىىىى على الى انا فيه الحمد لله اى نعم فى لحظات طيش بتمنى فيها انى كان يبقى عندى اخ ولد بس عشان يشيل حبه مسؤليه
لكن غير كده الحمد لله ومفيش وحده خالص بل بالعكس ده اكتر حاجه بتضايقنى الرغى :D
ده احيانا بهرب من الناس عشان ارجع بيتنا
ولو فيه وحده بسيطه فدى مطلوبه على الاقل عشان يبقى محدش يتدخل فى شئونك باعتبار انت بنت وانا ولد وتفكيرنا مختلف
حتى متلاقيش حد فى البيت بيفكر زيك ويكشف مغامراتك :D
مش بعانى غير من حاجه ....هى اقتحام الاوضه... عندنا فى البيت المفروض انى قبل اما ادخل اى اوضه لازم اخبط لكن العكس لا :D
وتوصلت قريبا مع احد اخواتى لاتفاق انها تخبط عليا قبل اما تدخل
لكن غير كده الحمد لله الواحد بياخد حقه حتى على الاقل عشان مفيش اخ ولد يبصلى ويقول انى بتعامل احسن منه
اما بالنسبه لحكايه الدلع الى ممكن تضيع منى العروسه...والله يا جماعه ده نصب وافترى :D
دلع عن دلع يفرق بل بالعكس الولد الوحيد على البنات ده بالذات عنده خبره لتحمل المسؤوليه
اى نعم متدلع داخل البيت الحمد لله, لكن بره البيت عينك متشوف الا النور...حتى الدلع الى جوه البيت ده من نوعيه دلع سى السيد :D انا لا يمكن انزل من بيتنا بدون فطار :Dالبيت الحمد لله طول الوقت نضيف , ده انا عمرى ما شيلت اطباق الاكل الى باكل فيها :D
لذلك يقال دائما ان الى هتجوزها هطلع عنيها :D
ده حتى الولد الى لوحده ده بيبقى حنين والله, ده بيبقى كائن مشع حنيه
لازم فكره الولد المدلع دى تتلغى ...دى سمعه ناس يا جماعه :D :D :D
اما حكايه انى ولد
فوالله الحمد لله الحمد لله الحمد لله انى ربنا خلقنى ولد انا مش متخيل انا لو كنت بنت كنت هعيش ازاى
والله دى بهدله انا بيبقى الكورس مثلا الساعه 11 ممكن ا ابتدى البس هدومى الى مبتاخدش دقيقه الساعه 11 الا خمسه وانزل والحق الكورس كمان :D
اكيد لو كنت بنت المفروض انى ابتدى استعد قبلها بساعه ولا حاجه
ولو كنت بنت لازم اكون فى البيت قبل الساعه عشره
لكن انا ممكن ارجع بيتنا تانى يوم:D بالاضافه للسفر والبهدله الجميله :D
انا مش بلوم اى نت كانت تتمنى انها تبقى ولد
والله الحمد لله :D

Doha يقول...

اما بالنسبه لحكايه الدلع الى ممكن تضيع منى العروسه...والله يا جماعه ده نصب وافترى :D
دلع عن دلع يفرق بل بالعكس الولد الوحيد على البنات ده بالذات عنده خبره لتحمل المسؤوليه
اى نعم متدلع داخل البيت الحمد لله, لكن بره البيت عينك متشوف الا النور...حتى الدلع الى جوه البيت ده من نوعيه دلع سى السيد :D انا لا يمكن انزل من بيتنا بدون فطار :Dالبيت الحمد لله طول الوقت نضيف , ده انا عمرى ما شيلت اطباق الاكل الى باكل فيها :D

Agreeeeeeee Gedan
Thanks for ur comment :D

إرسال تعليق

هنا مساحة للتعبير عن رأيك بحرية ..

ازاي أنا رافع راسك وانتي بتحني في راسي ازاي ؟!

ازاي أنا رافع راسك وانتي بتحني في راسي ازاي ؟!

بحبك يا بلادي

بحبك يا بلادي

جمعة النصر : )

جمعة النصر : )

كلنا ايد واحدة

كلنا ايد واحدة