الثلاثاء، 5 أكتوبر 2010

Sick



هوة لازم يكون فى حرب علشان تتحد ؟ لازم يعنى يكون فى مصيبة علشان الناس تتجمع مع بعضها ؟ لازم تحصل كارثة لواحد علشان الناس تنساله اى اخطاء عملها وتقف جنبه ؟ .. مينفعش الكلام ده يحصل من الاول

اى حاجة مهما كانت تحفة وكل الناس بتتمناها لما الواحد بيمتلكها بتاخد وقتها وبعد كدة بتبقى عادى بيحصل فتور وتعود عليها .. اللى ساكنين فى قصر بقى بالنسبالهم عادى لكن الناس اللى ساكنين فى شقة مثلا بيقعدوا يبصوا للقصر انه حاجة كبيرة مش مدركين ان شعور بمتعة الاستمتاع بيكون مؤقت وبعد كدة بيحصل فتور فبس يعنى علشان محدش يتعلق بحاجة ويكون نفسه يشتريها ساعة موبايل فستان اى حاجة

الافلام بقت جميلة خالص بقت بتخلى المجرم بيصعب على المشاهدين ويبرروا موقفه ويقولوا يا عينى ده كان مضطر .. يعنى ده اسمه ايه لما ناس كتير يكون شخصية الجوكر فى فيلم باتمان الاخرانى شخصيتهم المفضلة ومتعاطفين معاه

المفروض بس الواحد قلبه ميحبش وميتعلقش بمغنى او ممثل علشان المرء بيحشر مع من احب .. علشان بس فى حالات صعبة اوى واللى بتموت نفسها علشان المغنى مين وواحدة بتصوت لما شافت المغنى مش عارفة مين وواحدة انتحرت لما مغنى مات يعنى حالات صعبة اوى


فى جزمة سندريلا اللى كان الكل عايزها علشان حتبقى وسيلة تحققن بيها احلامهن .. يعنى هم حبوا الجزمة علشان هى مرحلة وسطية لتحقيق الحلم الاكبر اللى هو الملك .. قصة سندريللا لو نظرنا ليها سنجد انها بغض النظر انها خيالية زيادة عن اللزوم وبغض النظر ان فيها حيوانات بتتكلم وبغض النظر ان الشئ الوحيد الواقعى هو عذاب الابنة مع زوجة الاب (يعنى اخدوا المشكلة من الواقع ودوروا ليها على مخرج من الخيال ) إلا انها قصة ممتعة تروى للأطفال الصغيرين علشان نوهمهم ان الدنيا حلوة ولما يكبروا يصطدموا بالواقع يجيلهم اكتئاب وينتحروا


واحد مذاكرش وهو فى اول السنة مذاكرش الحتة دى ده معناه انه حيطلع دكتور فاشل يعنى وكمية الاحباط اللى حصلت .. واحد قاعد ورا ايه المشكلة ؟


مش حاجة غبية لما يكون واحد فى حرب ومش عارف انه فى حرب ؟ ده بالتأكيد حيخسرها



1 قالوا رأيهم:

Noody يقول...

المشكله ف الناس الى مش بتعرف دلوقتى قيمه بعضها غير لما تبعد لو الواحد ادى حد اكبر من مقامه زى ما قلتى قبل كدا مش بيعرفوا قيمه كدا هما
زمان ف 73 كانت الروح واحده كان ف حب بين الناس كان نفيش فرق بين دكتور مهندس وزير شحات ولو حتى رئيس جمهوريه
مكانش حد بيبص ع الكليه باسمها
مكانش فى ناس مكتئبه عشان ربنا موفقهاش ف حياتها ودخلها حته غير الى هو عايزاها
الى اوكده اننا لو حسينا ببعض وحبينا بعض بجد استحاله لو دخل بينا عدو من برا هيقدر يفرقنا حد يقولى دلوقتى ازاى لو دخل حد بينا هنقف ونتحداه اراهنك ابدا هنخسر مليون ف الميه
عايزه اقولك حكايه الى بيقعدوا ف اخر المدرج مش شرط يعنى انا واحده كنت اولى الدفعه وكنت بقعد ورا
مش هى الى هتفرق يعنى المهم ف دماغ بتفهم مش ف القعده
بس احنا بنبصلها كدا ياريت كل واحد يبص لاخوه ف الاسلام حتى للحظه حلوه اتعملت بينهم لكلمه حلوه قالوها لبعض عشان نفلح ف حيااتنا كلنا
يارب الدنيا حالها يتصلح بقى مع انى فاقده الامل ف كدا
بس هفضل عندى امل لبكره هيكون احسن ليا ولناس كتير حبيتهم


مرسى ع الموضوع
والكومنت دا اتكتب اكتر من مره ويتمسح اما كنت مش هرد خالص بس عجبنى اوووووى الموضوع :D

إرسال تعليق

هنا مساحة للتعبير عن رأيك بحرية ..

ازاي أنا رافع راسك وانتي بتحني في راسي ازاي ؟!

ازاي أنا رافع راسك وانتي بتحني في راسي ازاي ؟!

بحبك يا بلادي

بحبك يا بلادي

جمعة النصر : )

جمعة النصر : )

كلنا ايد واحدة

كلنا ايد واحدة