الأربعاء، 6 أكتوبر، 2010

النهاردة يوم سعيد


النهاردة يوم سعيد لينا اوى اوى .. و وحش اوى اوى للاسرائليين زمانهم شايطين جامد مولعين النهاردة .. بجد يعنى انا مش عارفة الحرب دى لو مكنتش حصلت كان حيكون ايه الموقف دلوقتى الواحد يعنى كان ازاى حيمشى فى الشارع او يرفع راسه ازاى يمارس حياته وفى حتة محتلة .. تقريبا فى كل عيلة فى واحد شارك فى الحرب او حتى قريبكوا من بعيد انا فى رأيى اى حد شارك فى حرب اكتوبر ده بطل المفروض الناس تقفله احترام لو كان عايز حاجة المصلحة تنقضيله فى ساعتها اصل كان باقى الشعب بيعاملهم وحش اوى بعد النكسة بس هم الحمد لله انتصروا فى الحرب ورجعولنا كرامتنا .. العدو الاسرائيلى كان قوى بس الحمد لله انتصرنا عليه وناس كتير بذلت جهد لغاية ما دسنا على الجيش الذى لا يقهر محدش يقول ان العدو الاسرائيلى كان ضعيف ده كدة بيقول ان انتصارنا ده مش حاجة كبيرة .. اظرف حاجة ان اغلب الكلام اللى جرايد كاتباه كان على الضربة الجوية بتاعة مبارك وشجاعته .. ماشى كانت مهمة بس فى حاجات تانية اهم .. بعد الحرب المصريين اتطمنوا وحاطين فى دماغهم انهم انتصروا فى الحرب يبقى كدة خلاص ونسيوا وبقوا بيتعاملوا مع الاسرائليين عادى على اساس ان الحرب خلاص خلصت لكن الاسرائليين عمرهم منسيوا ومستنيين الفرصة علشان يرودولنا القلم وبيتعاملوا معانا مش بسذاجة زى محنا بنتعامل معاهم لأ ده من منطلق اعرف عدوك جيدا واكسب ثقته وخليه يطمنلك .. النصر فى حرب اكتوبر طبعا يرجع للتوفيق من عند ربنا تيجى تبص على الايمان اللى كان فى الجنود اللى هم راحوا الحرب وهم صايمين وكانوا بيقولوا الله اكبر والله حاجة يعنى جميلة فعلا .. الحرب دى اتحد فيها كل طوائف الشعب مسلمين مسيحيين اصل كلنا مصريين وبنحب بلدنا جامد .. هو بغض النظر عن ان فى دلوقتى مناظر توحى بضياع الامل نهائى فى اى حاجة لكن لازم نكون واثقين ان الجند المصرى خير اجناد الارض .. الحرب دى انا حاسة انها آخر تعاون بين العرب لما دول البترول قطعت تصديرها ليه و سوريا ساعدتنا كتير لكن خلاص السعودية بقت خاضعة لأمريكا بعد عملية درع الصحراء وامريكا عرفت تفرق بين الكويت والعراق وكمان مصت بترول العراق واسرائيل ضربت لبنان ومستولية على فلسطين ودبى حتبقى عبدة علشان غرقانة فى الديون واحنا بنتخانق احنا والجزائريين على ماتش كورة وكنا بنموت بعض بسبب واحد اسرائيلى متخلف هو كان السبب .. انا خلاص انا حاسة انها كانت آخر مرة الدول العربية تتحد .. ادينا انتصرنا فى اكتوبر عقبال النصر الاكبر ان شاء الله لما نحرر فلسطين هى دى قضيتنا الاساسية وده النصر الحقيقى

0 قالوا رأيهم:

إرسال تعليق

هنا مساحة للتعبير عن رأيك بحرية ..

ازاي أنا رافع راسك وانتي بتحني في راسي ازاي ؟!

ازاي أنا رافع راسك وانتي بتحني في راسي ازاي ؟!

بحبك يا بلادي

بحبك يا بلادي

جمعة النصر : )

جمعة النصر : )

كلنا ايد واحدة

كلنا ايد واحدة