الجمعة، 31 ديسمبر 2010

انا رايح فين


هابى نيو يير على رأى الناس الرايقة اللى افتكرت راس السنة الميلادى وكانت ناسية راس السنة الهجرية (مش كلهم طبعا ) .. انا من كتر انجازاتى مش فاكرة عملت ايه

تحس لو فكرت حتلاقى ان فى حاجات اهم بكتير من المذاكرة منها الصحة والحالة النفسية .. بس طبعا محدش يقول لنفسه كده قبل شهر من الامتحانات ويقول انا نفسيتى تعبانة لما اسافر اغير جو .. من الحاجات المهمة برضه سلوكك والتأثير اللى بتسيبه فى التانيين انا لو شفت حد من الدفعة ان شاء الله كدة بعد متخرج مش حفتكر غير ان ده معملش حاجة وحشة .. وده ضايق ناس كتير وده كان بيتريق على ناس .. فالمهم هو تعاملك مع التانيين مرة واحد اتسأل فى السكشن من قبل ميجاوب التانيين ولاد وبنات عمالين بيرفعوا ايديهم ايه الاحترام ده ؟ ولا انا بكره حكاية مثلا اى دكتور يقول حتة ايه ده البنات النهاردة اشطر او الولاد اشطر مهو احنا كلنا فى نفس الارف وفى نفس الكلية المتخلفة علميا دى وفى نفس الظروف

مرة دكتور الكورس عمل حاجة كدة وقال يبقى احنا مش مركزين معاه .. آه انا مكنتش مركزة كنت بفكر امتى هيخلص علشان انا مش فاضية ورايا حياة بائسة اعيشها وورايا فراغ اقضيه

مرة سمعت وجهة نظر حلوة احنا ليه نتعلم الحساب مادام فى آلة حاسبة ؟ وقت ما نتعلم ده نتعلم حاجة تانية افيد زى الهزار اللى بيحصل فى الكلية انحنا نذاكر طرق كانت تستخدم قديما ولم تعد تستخدم حاليا وبيسيبوا الطرق الجديدة والاجهزة اللى هى اجدد حاجة ولا فى الهستولوجى تعرفوا الشريحة من برة انها على شكل نظارة ودى على شكل مش عارفة ايه بيعدونا انحنا نكون بروفشنال

محاضرات البايو فى الآونة الاخيرة كانت ممتعة الواحد كان بييجى متأخر من غير توتر بس اكتر حاجة كانت بتضايقنى الناس اللى بتمشى من المدرج ع فكرة دى مش شطارة ولا نصاحة يعنى اللى بيخرج ده معناه كان بيقول للدكتور انا مش محترمك طب يعنى متيجى فى آخر ربع ساعة خد الغياب وخلاص لكن متمشيش قدامه

وعلى رأى عمو عمرو دياب انا رايح فين .. انا راجع تانى

7 قالوا رأيهم:

Doha يقول...

عجبني الموضوع
ويلكم باك يا مغلباااااااني

والله مكانش ليكي واحشة خالص
:P:P

Alice يقول...

اصل كانوا الكلمتين دول محشورين فى زورى فحبيت اقولهم

sony2000 يقول...

ربنا معاكي
ويوفقك يارب

قبل العالم الأخير يقول...

awlan welcome back ,,thanyan el pic gamela gdnnnnnnnn,,a5eran nice one :D

Alice يقول...

شكرا
شكرا

Doha يقول...

بت يا إيمان الموضوع حلو أوي بس بالله عليكي غيري البلوجر بتاعك عربي بلاش انجليزي عشان ميطلعش عيني في التنسيق يا بت !!

بس والله عجباني أوي الفكرة !!

Alice يقول...

الله يخليكى يا ضحى
لأ .. نيهاها (ضحكة شريرة )



معرفش والله يا ضحى
لما اقابلك تبقى تقوليلى ازاى

إرسال تعليق

هنا مساحة للتعبير عن رأيك بحرية ..

ازاي أنا رافع راسك وانتي بتحني في راسي ازاي ؟!

ازاي أنا رافع راسك وانتي بتحني في راسي ازاي ؟!

بحبك يا بلادي

بحبك يا بلادي

جمعة النصر : )

جمعة النصر : )

كلنا ايد واحدة

كلنا ايد واحدة