علمتينى يا بلدى
ان دم الشهدا مش رخيص
علمتينى ازاى ابكى
بس على دموعى ازاى مبكتيش
علمتينى الحق يا بلدى
و وسط الظلم معرفش اعيش
علمتينى فى حزنى اغنى
و يوم الفرح الدمع ميفرقنيش
علمتينى ان منك جرحى
و ان غيرك ميداوينيش
علمتى جوة فى قلبى
طب وحياتك خليكى فى صفى و متبعينيش
_____________
قبل ما اشوفك قالولى دى قاسية
ظلمتنا ياما و باعتنا للغريب
طب يا ناس هو فى عيون كدة
تعرف اظلم او تبيع قريب
قالوا مجنون ده فاكرها جنة
يوم مالعبت دور الحبيب
حبيتك من قلبى يا غالية
و كنت ليكى فى تعبك طبيب
قالوا اثبت لينا انك حميها
لجانى الشعبية تثبت كتير
اوعى تنزل هتروح فى داهية
لا, البيت هو البعيد و التحرير ده قريب
علمتينى ليه بس احبك
و افديكى بدمى و غيرك ماليش
علمتينى ازاى ازرعك
عنباية فى عروشى و متتقطفيش
عرفتينى ان نصيبك عدلك نظيفك
دبحوا فى ولادك و لا غيروكيش
علمتينى ان فى شرايينى نيلك
و دمى فى الحرب دق عدوك بالشواكيش
علمتينى ان رصاصك
لو دخل قلبى ميموتنيش
راح يثبت وياكى فيه و يوقف دقاته صفوفك
صف صف يحي علمك و ابدا ميخزلكيش
_________________
سامحينى ان كنت سيبتك يا بلدى
بس صورنك عن عينيا متزحزحتش
اوعى تسمعى لكلامهم عليكى
ده انتى قوية و شبابك مينهزمش
اوعى تنسى يا بلدى دمى
ده غلاوتك فى قلبى متتوصفش
م الليلة دى يا بلادى
صوتك هيعلا و ابدا ميتخرسش
و اذا كان عليا لقيت طريقى
و الموج مهما على مهيقتلش
اصلى دورت فى قواميسى
عن المستحيل و الظلم فيكى ملقتش
1 قالوا رأيهم:
علمتى جوة فى قلبى
طب وحياتك خليكى فى صفى و متبعينيش
حلوة أوي يا ساندرا بجد
:)
إرسال تعليق
هنا مساحة للتعبير عن رأيك بحرية ..