هوة فى ايه ؟

هو ايه اللى بيحصل الايام دى فرنسا فى يوم واحد تمنع النقاب فيها وتلغى تردد قناة الرحمة ولا المصرى اللى اتقتل فى لبنان وهو على الاغلب برئ وفلسطين رافعة علينا دعوى علشان يقال ان واحد فلسطينى اتعذب فى سجن مصرى لغاية ممات .. انا بصراحة يملأنى شعور بالفخر بعد ما عرفت انحنا بجد اللى ضربنا الجزائريين طب نستاهل اللى الجزاء اللى حكمت بيه الفيفا اللى يغيظ انحنا ماشى ارتكبنا خطأ واتعاقبنا لكن هم لما بهدلونا فى السودان مأخدوش عقاب

انا اعصابى تعبت بعد ما قريت مقال من كام يوم على اللى بيحصل للأطفال من الاقارب او من المدرسين فى المدرسة ايه الناس المريضة اللى ممكن تعمل كدة انا مكنتش متصورة ان الحكاية دى موجودة فى العالم العربى دى طلعت كمان موجودة فى مصر

هى الدنيا بقت وحشة كدة ليه ؟ ولا هى اصلا كدة من الاول والواحد مكنش واخد باله

انا دايما كنت بقول ان كل الناس طيبين بس اكتشفت ان الحكاية دى غلط خالص

سعات الواحد بيقول كلام مش قصده بيه رخامة بس هو بيطلع كدة وخلاص

هى لإما مقنعة اوى لإما سرحان هو اللى بيقتنع بسرعة لإما مفيش علاقة هى جت كدة

انا واحدة قالتلى فى يوم من الايام جملتين حلوين قالتلى مفيش اكتر من الصدف وان مفيش حد بيركز مع حد